Vikram: ఇట్స్‌ అఫీషియల్‌.. కమల్‌ సినిమాలో మరో కోలీవుడ్‌ స్టార్‌ హీరో.. ఇక ఫ్యాన్స్‌కు పండగే..

Vikram: ఇక హై వోల్టేజ్‌ యాక్షన్‌ ఎంటర్‌టైనర్‌లో తమిళ స్టార్ హీరో సూర్య (Suriya) కూడా నటిస్తున్నట్లు గతకొన్ని రోజుల నుంచి వార్తలు వినిపిస్తున్నాయి. అయితే దీనిపై మూవీ మేకర్స్ అధికారికంగా ఎలాంటి ప్రకటన చేయకపోవడంతో ఫ్యాన్స్ లో కొద్దిగా అనుమానం ఉండేది.

Kamal Haasan, Vikram

Basha Shek |
Updated on: May 19, 2022 | 10:22 AM

Vikram: లోక నాయకుడు కమల్ హాసన్ (Kamal Haasan) హీరోగా నటిస్తోన్న చిత్రం విక్రమ్‌. ఖైదీ, మాస్టర్‌ చిత్రాలతో స్టార్‌ డైరెక్టర్‌గా గుర్తింపు పొందిన లోకేష్ కనగరాజన్ ఈ యాక్షన్‌ ఎంటర్‌టైనర్‌ను తెరకెక్కిస్తున్నారు. ఇప్పటికే ఈ సినిమాలో మాలీవుడ్ స్టార్ హీరో ఫహద్ ఫాజిల్, కోలీవుడ్ స్టార్ హీరో విజయ్ సేతుపతి కీలక పాత్రల్లో నటిస్తున్నారు. ఇప్పటికే ఈ సినిమా నుంచి రిలీజైన ట్రైలర్, సాంగ్స్‌ ఫ్యాన్స్‌కు గూస్ బంప్స్‌ తెచ్చిపెట్టాయి. కాగా ఇక హై వోల్టేజ్‌ యాక్షన్‌ ఎంటర్‌టైనర్‌లో తమిళ స్టార్ హీరో సూర్య (Suriya) కూడా నటిస్తున్నట్లు గతకొన్ని రోజుల నుంచి వార్తలు వినిపిస్తున్నాయి. అయితే దీనిపై మూవీ మేకర్స్ అధికారికంగా ఎలాంటి ప్రకటన చేయకపోవడంతో ఫ్యాన్స్ లో కొద్దిగా అనుమానం ఉండేది. అయితే తాజాగా సూర్యను ఆహ్వానిస్తూ డైరెక్టర్‌ లోకేశ్‌ కనగరాజన్‌ సోషల్ మీడియాలో ఓ పోస్ట్‌ పెట్టాడు. దీంతో ఫ్యాన్స్‌ అనుమానాలన్నీ పటాపంచలు అయిపోయాయి.

కాగా ఈ చిత్రంలో సూర్య కనిపించేది కొద్దిసేపే అయినా చాలా ఇంపాక్ట్ ఉంటుందని మూవీ మేకర్స చెబుతున్నారు. కాగా తన చిత్రంలో సూర్య నటించడం తనకెంతో ఆనందంగా ఉందని, అడిగిన వెంటనే ఓకే చెప్పినందుకు ట్విట్టర్‌ వేదికగా సూర్యకు ధన్యవాదాలు తెలిపాడు డైరెక్టర్ లోకేష్. కాగా ఇప్పటికే అన్ని హంగులు పూర్తి చేసుకున్న ఈ చిత్రం జూన్ 3 న ప్రేక్షుకుల ముందుకు రానుంది. రాజ్‌కమల్ ఫిల్మ్‌ ఇంటర్నేషనల్‌ బ్యానర్‌పై, భారీ స్టార్‌ క్యాస్టింగ్‌తో తెరకెక్కిన ఈ చిత్రం ఎన్ని సంచలనాలు సృష్టిస్తుందో చూడాలి.

ఇవి కూడా చదవండి

More than Happy to welcome @Suriya_offl Sir ? Into the World of #Vikram ?@ikamalhaasan @RKFI #VikramFromJune3 pic.twitter.com/39mLATqaTv

— Lokesh Kanagaraj (@Dir_Lokesh) May 18, 2022