Tollywood: ఈ హీరోయిన్ ఎవరో గుర్తుపట్టారా..? ఒక్క ఫోటోతో ఇండస్ట్రీకి దూరమైన బ్యూటీ..

బాలీవుడ్ స్టార్ హీరో రణబీర్ కపూర్ తో పక్కన కనిపిస్తున్న ఈ హీరోయిన్ ఎవరో గుర్తుపట్టరా.. ? కొన్నాళ్ల క్రితం ఈ ఫోటో ఫిల్మ్ వర్గాల్లో అనేక చర్చలకు దారి తీసింది. రణబీర్ తో కలిసి సిగరెట్ తాగుతున్న ఆ బ్యూటీ బాలీవుడ్ లో చాలా ఫేమస్.

Mahira Khan

Rajitha Chanti |

Updated on: Dec 22, 2024 | 1:04 PM

పైన ఫోటోలో కనిపిస్తున్న హీరోయిన్ ఎవరో తెలుసా..? బాలీవుడ్ స్టార్ హీరో రణబీర్ కపూర్ తో కలిసి సిగరెట్ తాగుతూ అడ్డంగా దొరికిపోయింది. దీంతో అప్పట్లో వీరిద్దరి గురించి అనేక వార్తలు ఫిల్మ్ వర్గాల్లో చక్కర్లు కొట్టాయి. ఆ తర్వాత ఈ బ్యూటీకి నెమ్మదిగా సినిమా అవకాశాలు తగ్గిపోయాయి. జీవితంలో, కెరీర్ లో ఎన్నో సవాళ్లను ఎదుర్కొంది. ఇంతకీ ఆమె ఎవరో తెలుసా…బీటౌన్ నటి మహిరా ఖాన్. పాకిస్తాన్ కు చెందిన ఈ అమ్మడు హిందీలో అనేక చిత్రాల్లో నటించింది. షారుఖ్ ఖాన్ సరసన నటించి చాలా ఫేమస్ అయ్యింది.

కొన్నాళ్లుగా సినిమాలకు దూరంగా ఉన్న మహిరా ఖాన్.. తాజాగా ఓ ఇంటర్వ్యూలో పాల్గొంది. ఈ క్రమంలో గతంలో వైరల్ అయిన ఈ ఫోటో గురించి మరోసారి ప్రస్తావించింది. దీంతో ఇప్పుడు మరోసారి ఈ ఫోటో తెరపైకి వచ్చింది. గతంలో రణబీర్ కపూర్ తో కలిసి తాను సిగరెట్ తాగుతున్న ఫోటో బయటకు రావడంతో తన కెరీర్ పూర్తిగా ముగిసిపోయిందని అనుకున్నానని తెలిపింది. అలాగే పెళ్లై బిడ్డ జన్మించిన తర్వాత విడాకులు తీసుకోవడం.. బిడ్డను ఒంటరిగా పెంచడం.. ఒంటరిగా ఎక్కువ కాలం జీవించడం వంటి ఎన్నో సమస్యలు ఎదుర్కొన్నానని తెలిపింది. విదేశాల్లో పనిచేయడంపై కూడా బ్యాన్ చేశారని తెలిపింది.

2017లో మహిరా, రణబీర్ స్మోకింగ్ చేస్తున్న ఫోటో సోషల్ మీడియాలో వైరల్ అయింది. ఈ ఫోటోలో ఇద్దరు న్యూయార్క్ వీధుల్లో పొగ తాగుతూ కనిపించారు. ఈ ఫోటో వైరల్‌గా మారిన వెంటనే అభిమానుల నుంచి రకరకాల రియాక్షన్స్ వచ్చాయి. అప్పట్లో వీరిద్దరు ప్రేమలో ఉన్నారనే వార్తలు తెగ వైరలయ్యాయి.