Amitabh Bachchan: స్టార్హీరోకు అరుదైన గౌరవం.. అతనే దేవుడంటూ అమెరికాలో విగ్రహం ఏర్పాటు.. ధర తెలిస్తే కంగుతింటారు..
అమితాబ్ విగ్రహాన్ని ఓ పెద్ద గాజు బాక్స్‌లో ఉంచారు. బిగ్‌బీ విగ్రహ ఆవిష్కరణ వేడుక సందర్భంగా సుమారు 600 మంది అభిమానులు హాజరయ్యారు. ఇండియన్‌ సూపర్‌స్టార్‌..
Amitabh Bachchan: బాలీవుడ్ సెలబ్రిటీలకు దేశంలోనే కాకుండా విదేశాల్లో కూడా విపరీతమైన ఫ్యాన్ ఫాలోయింగ్ ఉంది. అభిమానులు, కొన్నిసార్లు తమ అభిమానతారల పట్ల తమ ప్రేమ, అభిరుచిని ప్రదర్శించడానికి క్రేజీ పనులు చేస్తుంటారు. ముఖ్యంగా బాలీవుడ్ నటుడు అమితాబ్ బచ్చన్‌కు ప్రపంచ వ్యాప్తంగా ఫ్యాన్ ఫాలోయింగ్ ఉంది. ఆయనను చూసేందుకు, కలిసేందుకు ప్రజలు గంటల తరబడి వేచి ఉంటారు. ఇప్పుడు బిగ్ బికి ఉన్న పాపులారిటీకి అలాంటి ఉదాహరణ అమెరికాలో కనిపించింది. అదేంటో తెలిస్తే మీరు కూడా ఆశ్చర్యపోతారు. వాస్తవానికి, న్యూజెర్సీలోని ఎడిసన్ సిటీలో నివసిస్తున్న భారతీయ అమెరికన్ కుటుంబం తమ ఇంట్లో బాలీవుడ్ షాహెన్‌షా విగ్రహాన్ని ఏర్పాటు చేసింది. విగ్రహావిష్కరణని ఇంటిల్లిపాది ఒక గొప్ప వేడుకగా నిర్వహించారు. దీనికి సంబంధించిన ఫొటోలను గోపిసేత్ తన సోషల్మీడియాలో పోస్ట్ చేశారు.
అమితాబ్ విగ్రహాన్ని ఓ పెద్ద గాజు బాక్స్‌లో ఉంచారు. బిగ్‌బీ విగ్రహ ఆవిష్కరణ వేడుక సందర్భంగా సుమారు 600 మంది అభిమానులు హాజరయ్యారు. ఇండియన్‌ సూపర్‌స్టార్‌ ఫ్యాన్స్ అసోసియేషన్స్‌ ఫ్యాన్స్ క్లబ్‌ ఆధర్యంలో టపాకులు కాలుస్తూ, డ్యాన్స్‌లు చేస్తూ హంగామా సృష్టించారు. ఇందులో నాయకుడు ఆల్బర్ట్ జసాని కూడా పాల్గొన్నారు. ఈ విగ్రహంలో అమితాబ్ బచ్చన్ ‘కౌన్ బనేగా కరోడ్ పతి’ మోడ్‌లో కూర్చొని కనిపించారు. ఈ విగ్రహాన్ని పెద్ద గాజు పెట్టెలో ఉంచారు. రాజస్థాన్‌లో డిజైన్ చేయబడిన ఈ విగ్రహం ఖరీదు US $ 75,000, అంటే భారత కరెన్సీలో రూ. 60 లక్షల కంటే ఎక్కువ.
Inauguration of Shree @SrBachchan ’s statue outside of a devoted fan @GopiSheth ‘s home in the USA. pic.twitter.com/yNajAlqbSq
— Gunjesh (@Gunjeshdesai) August 27, 2022
ఈ విగ్రహం గురించి బిగ్‌బికి కూడా తెలుసు..1991లో న్యూజెర్సీలో జరిగిన నవరాత్రి ఉత్సవంలో గోపీ సేథ్ మొదటిసారిగా అమితాబ్ బచ్చన్‌ను కలిశాడు. అప్పటి నుండి అతను బిగ్‌బీకి పెద్ద అభిమానిగా మారానని చెప్పారు. నాకు నా భార్యకు ఆయన దేవుడు లాంటి వారు. రీల్లైఫ్లోనే కాదు రియల్ లైఫ్లోనూ ఆయన మాట్లాడే విధానం, ఉండే విధానం నాలో ఎంతో స్ఫూర్తిని నింపింది అన్నారు గోపీ సేథ్. ఆయన ఉన్నత స్థాయికి ఎదిగిన ఒదిగి ఉండే మనిషి. తన అభిమానుల సంక్షేమాలు చూసుకుంటారు. మిగతా స్టార్స్లా కాదు ఆయన. ఎంతో ప్రత్యేకం. అందుకే నా ఇంటిముందు ఈ విగ్రహాన్ని ఏర్పాటు చేశాం” అని గోపీ సేథ్ తెలిపారు.
మరిన్ని ట్రెండింగ్ న్యూస్ కోసం ఇక్కడ క్లిక్ చేయండి
