ఫ్యాన్స్‌నే అవకాశం ఇప్పించమన్న రష్మిక..!

‘ఛలో’ మూవీతో తెలుగు లోకి ఎంట్రీ ఇచ్చింది హీరోయిన్ రష్మిక మందన్న. ఆ సినిమా సక్సెస్ తో వరస పెట్టి ఆఫర్స్ వచ్చాయి. ఇక ‘గీత గోవిందం’ సినిమాతో ఆమెకు స్టార్ స్టేటస్ వచ్చింది. ఇప్పుడు ఆమె చేతి నిండా సినిమాలతో బిజీగా ఉంది. అయితే ఇదేంటి ఫ్యాన్స్ ని అవకాశం ఇప్పించమని అడుగుతోందేంటి అని అనుకుంటున్నారా.. అయితే ఈ స్టోరీ చదవండి.!

రష్మిక ప్రస్తుతం తెలుగు, కన్నడ భాషల్లో పలు సినిమాలు చేస్తోంది. తమిళం నుంచి అయితే ఏ అవకాశం లేదు. అందుకే ఆమెకు తమిళంలో అవకాశాలు కావాలట. ముఖ్యంగా దళపతి విజయ్ సరసన నటించాలని ఉందట. ఈమేరకు తమిళ ప్రొడ్యూసర్స్ తో చర్చులు కూడా జరుపుతున్నారట ఆమె మేనేజర్స్. ఈమేరకు ఒక ఛాన్స్ ఆమెకు వచ్చిందని రూమర్స్ వినిపిస్తున్నా.. అవి ఫేక్ అని తేలిపోయాయి. ఇది ఇలా ఉంటే ఈమధ్య రష్మిక సోషల్ మీడియాలో బాగా యాక్టీవ్ గా ఉంది.

రీసెంట్ గా ఒక చాట్ లో ‘మీరు తమిళ సినిమాలు ఎప్పుడు నటిస్తారు’ అని అభిమానులు అడగగా.. ‘నాకు చేయాలని ఉంది కానీ అవకాశాలు రావడం లేదు.. మీరు సిఫార్సు చేసి ఒక్క ఛాన్స్ ఇప్పించండి’ అని అతన్ని ఆట పట్టించింది రష్మిక. సరదాగా ఆమె ఆన్సర్ చేసినా.. రష్మిక కు తమిళ చిత్రాల్లో నటించాలని ఎంతో ఆశ ఉందని తెలుస్తోంది. ఏది ఏమైనా త్వరలోనే రష్మిక తమిళ చిత్రం నటించాలని కోరుకుందాం.