Sushmita Sen: అతడు మారడు.. ఆమె వెళ్లిపోతుంది.. బాయ్‌ఫ్రెండ్‌కి బ్రేకప్ చెప్పిన మాజీ ప్రపంచ సుందరి..?

Sushmita Sen: మాజీ ప్రపంచ సుందరి సుస్మితాసేన్ పెట్టిన పోస్టు ఇప్పుడు సోషల్ మీడియాలో వైరల్ అవుతోంది. ఆ పోస్టు గురించి అభిమానులు, ప్రేక్షకులు వీపరీతమైన కామెంట్స్ చేస్తున్నారు. సుస్మితాసేన్ బాయ్‌ఫ్రెండ్ రోహ్‌మ‌న్ షాల్‌తో డేటింగ్‌లో ఉన్న సంగతి తెలిసిందే. అయితే ఇప్పుడు వీరిద్దరు విడిపోతున్నారా.. అంటే ఈ పోస్టుకు అదే అర్థం వస్తోందని నెటిజన్లు అభిప్రాయపడుతున్నారు.

2018 నుంచి సుస్మిత – రోహ్‌మ‌న్ స‌హ‌జీవ‌నం చేస్తున్నారు. అయితే త‌న వ్యక్తిగ‌త జీవితం గురించి ఓ పోస్ట్ పెట్టి త‌న ఫాలోవ‌ర్లకు ఒకింత షాక్‌కు గురిచేసింది సుస్మిత‌. ‘స‌మ‌స్య ఏంటంటే అత‌డు మారుతాడ‌ని మహిళ భావిస్తుంది. కానీ అత‌డు మార‌డు. పురుషులు చేసే త‌ప్పును ఆమె ఎప్పటికీ క్షమించ‌దు. ఆమె వ‌దిలి వెళ్లిపోతుంది. ఈ క‌థ‌లో నీతి ఏంటంటే అత‌డు మార‌డు. ఆమె వెళ్లిపోతుంది..’ అంటూ పోస్ట్ పెట్టింది సుస్మితాసేన్‌. దీంతో ఈ పోస్టుపై రకరకాల కామెంట్స్ వస్తున్నాయి. సుస్మితాసేన్ పెట్టిన సందేశంతో బాయ్‌ఫ్రెండ్ రోహ్‌మ‌న్‌కు దాదాపు బ్రేక‌ప్ చెప్పింద‌ని ప‌లువురు అభిప్రాయ‌ప‌డుతున్నారు. అయితే ఇదే విష‌యంపై నెటిజ‌న్లు క్లారిటీ కోసం వెయిట్ చేస్తున్నారు. ఒక్కో నెటిజ‌న్లు ఒక్కో విధంగా కామెంట్లు పెడుతున్నారు. సుదీర్ఘ విరామం త‌ర్వాత ఇటీవ‌లే ఆర్య వెబ్‌ సిరీస్‌తో ప్రేక్షకుల ముందుకొచ్చింది సుస్మితా సేన్. అయితే ఈ పోస్టుపై క్లారిటీ రావాలంటే మాత్రం కచ్చితంగా సుస్మితా సేన్ స్పందించాల్సిందే. అప్పుడే అసలు విషయం బయటికొస్తుంది.

Anasuya: పోస్టల్ స్టాంప్‌పై అన‌సూయ ఫొటో.. ఆశ్చర్యపోతున్న అభిమానులు.. కారణాలు ఇలా ఉన్నాయి..