ప్రభాస్‏తో జతకట్టనున్న వరుణ్ తేజ్ హీరోయిన్.. ‘సలార్’‏లో నటించనున్న ఆ హాట్ బ్యూటీ ?

తెలుగులో తెరకెక్కిన బహుబలి చిత్రంతో ప్రభాస్ పాన్ ఇండియా స్టార్‏గా ఎదిగారు. ఆ తర్వాత వరుస సినిమాలతో బిజీగా ఉన్నాడు ఈ యంగ్ హీరో. ఇప్పటికే కేజీఎఫ్ డైరెక్టర్ ప్రశాంత్ నీల్‏తో ప్రభాస్ ‘సలార్’ అనే సినిమా తీయబోతున్న విషయం తెలిసిందే. ఇంకా కొన్ని రోజుల్లో ఈ మూవీకి సంబంధించిన షూటింగ్ ప్రారంభం కానుంది. అటు ఇప్పటికే సాహో సినిమాలో బాలీవుడ్ స్టార్ హీరోయిన్ శ్రద్ధకపూర్ ప్రభాస్‏కు జోడీగా నటించింది. తాజాగా సలార్ సినిమాలోనూ మరో బాలీవుడ్ భామ నటించనున్నట్లుగా టాక్ వినిపిస్తుంది.

పాన్ ఇండియా స్టార్ ప్రభాస్, కేజీఎఫ్ డైరెక్టర్ ప్రశాంత్ నీల్ కాంబినేషన్‏లో రాబోతున్న సలార్ సినిమా షూటింగ్ వచ్చే ఏడాది ప్రారంభం కానుంది. గతంలో వరుణ్ తేజ్‏కు జోడీగా లోఫర్ సినిమాతో తెలుగు ఇండస్ట్రీలోకి అడుగుపెట్టింది దిశా పటాని. కానీ ఆ సినిమా అంతగా హిట్ కాలేదు. ఆ తర్వాత దిశా పటానికి తెలుగులో సినిమా అవకాశాలు రాలేకపోయాయి. కానీ బాలీవుడ్ ఇండస్ట్రీలో మాత్రం వరుస సినిమాలు చేస్తూ బిజీగా మారింది. తాజాగా ఈ హాట్ బ్యూటీని సలార్ సినిమాలో ప్రభాస్‏కు జోడీగా ఎంపికచేసినట్లుగా తెలుస్తోంది. దీనికి సంబంధించి ఇప్పటివరకు చిత్రయూనిట్ ఎలాంటి ప్రకటన చేయలేదు. కాగా ప్రస్తుతం దిశా పటాని సల్మాన్ ఖాన్ ప్రధాన పాత్రలో నటిస్తున్ ‘రాధే’ సినిమాలో నటిస్తుంది.