Vijay Devarakonda: విజయన్ నన్ను రిజక్ట్ చేయడమా..? ఆసక్తికర వ్యాఖ్యలు చేసిన దర్శకుడు శివ నిర్వాణ..
Vijay Devarakonda: నిన్ను కోరి, మజిలీ చిత్రాలతో మంచి సెన్సిబిలిటీ ఉన్న దర్శకుడిగా పేరు తెచ్చుకున్నాడు దర్శకుడు శివ నిర్వాణ. రెండు సినిమాలతోనే ఎంతో పాపులారిటీ సంపాదించుకున్న ఆ దర్శకుడు మూడో చిత్రానికే నానితో పనిచేసే..
Updated on: Jan 21, 2022 | 3:36 PM
Vijay Devarakonda: నిన్ను కోరి, మజిలీ చిత్రాలతో మంచి సెన్సిబిలిటీ ఉన్న దర్శకుడిగా పేరు తెచ్చుకున్నాడు దర్శకుడు శివ నిర్వాణ. రెండు సినిమాలతోనే ఎంతో పాపులారిటీ సంపాదించుకున్న ఆ దర్శకుడు మూడో చిత్రానికే నానితో పనిచేసే ఛాన్స్ కొట్టేశాడు. టక్ జగదీశ్ సినిమాకు దర్శకత్వం వహించాడు. ఈ సినిమా ఓటీటీ వేదీకగా విడుదలైన విషయం తెలిసిందే. ఇదిలా ఉంటే ఈ సినిమా తర్వాత శివ, యంగ్ హీరో విజయ్ దేవరకొండతో ఓ సినిమా చేయనున్నట్లు గతంలో ప్రకటించిన విషయం తెలిసిందే. అయితే ఆ తర్వాత మళ్లీ ప్రాజెక్టుపై ఎలాంటి వార్తలు రాలేవు. విజయ్ ప్రస్తుతం లైగర్ చిత్ర షూటింగ్లో బిజీగా ఉండడంతో శివ, విజయ్ల సినిమా గురించి అసలు టాక్ వినిపంచలేదు.
అయితే ఇదే సమయంలో శివతో సినిమా చేయడానికి విజయ్ సుముఖంగా లేడంటూ ఓ వార్త అప్పట్లో బాగా వైరల్ అయింది. టక్ జగదీశ్ సినిమాకు ఆశించిన స్థాయిలో టాక్ రాని కారణంగానే విజయ్ ఈ సినిమాకు బ్రేక్ వేశారంటూ నెట్టింట పుకార్లు షికార్లు చేశాయి. అయితే దీనిపై అటు విజయ్ కానీ, ఇటు శివ కానీ ఎలాంటి అధికారిక ప్రకటన చేయలేదు. కానీ తాజాగా శివ నిర్వాణ ఈ విషయంపై తొలిసారి అధికారికంగా స్పందించారు. విజయ్తో తన సినిమాపై వస్తున్న పుకార్లన్నీఅవాస్తవమని, తమ సినిమా పక్కాగా ఉంటుదని తేల్చి చెప్పారు.
లైగర్ చిత్రం పూర్తి కాగానే శివతో సినిమా మొదలు కానున్నట్లు తెలుస్తోంది. అయితే ఇక్కడే విజయ్ సుకుమార్తో ఓ సినిమా చేయనున్నట్లు ఇటీవల ప్రకటించిన విషయం తెలిసిందే. మరి శివ సినిమా పూర్తి అయిన సుకుమార్కు గ్రీన్ సిగ్నల్ ఇస్తారా చూడాలి.
Also Read: గిలి గిలియా అంటూ డిఫరెంట్ స్టిల్స్ తో మతిపోగొడుతున్న అషు
BMW X3 SUV: బీఎండబ్ల్యూ నుంచి మరో సరికొత్త కారు.. అత్యాధునిక ఫీచర్స్, ధర వివరాలు..!
