సైన్స్ ఫిక్షన్ డ్రామాతో రానున్న పీనట్ డైమండ్.. ఫస్ట్ లుక్ పోస్టర్ రిలీజ్ చేసిన డైరెక్టర్ మారుతి..

అభినవ్ సర్దార్, రామ్, చాందిని తమిళరసన్, షెర్రీ అగర్వాల్ ప్రధాన పాత్రల్లో నటిస్తున్న చిత్రం ‘పీనట్ డైమండ్’. ఈ సినిమాను అభినవ్ సర్ధార్, వెంకటేష్ త్రిపర్ణ నిర్మిస్తున్నారు. ఇటీవలే షూటింగ్ పూర్తిచేసుకున్న ఈ మూవీ ఫస్ట్ లుక్ పోస్టర్‏ను డైరెక్టర్ మారుతి శనివారం విడుదల చేశారు. రెండు కాలపరిమాణాలకు  సంబంధించిన విభిన్న స్టోరీతో అన్ని వర్గాలవారిని అలరించగల స్టోరీతో ఈ సినిమాను రూపొందిస్తున్నాం. 1989లో ఒక క‌థ‌ జ‌రుగుతూ ఉంటే దానికి ప్యార‌ల‌ల్‌గా 2020లో మ‌రోక క‌థ ర‌న్ అవుతుండటం ఆసక్తి రేకెత్తిస్తుందని నిర్మాత‌లు  తెలిపారు.

ఈ సందర్భంగా మారుతి మాట్లాడుతూ.. “డైరెక్టర్ వెంకటేష్ నాకు సన్నిహితుడు. చాలా కష్టపడి పనిచేసే తత్వం కలవాడు. ఎంతో తెలివిగలవాడు. ఎప్పుడు కొత్తగా చేయాలని ఆలోచిస్తూ ఉంటాడు. ఇప్పటివరకు నాతోపాటు మా బ్యానర్లో చాలా సినిమాలకు పనిచేశాడు.  వెంకటేష్ తన ఆలోచనకు తగ్గట్లుగా ఓ విభిన్నమైన సైన్స్ ఫిక్షన్ కథాంశంతో సినిమా చేస్తున్నారు. టైటిల్ పోస్టర్ చాలా కొత్తగా ఉంది. నాకు స్టోరీ చెప్తున్నప్పుడు చాలా ఆసక్తికరంగా అనిపించింది. సైన్స్ ఫిక్షన్ స్టోరీ అంటే చాలా జాగ్రత్తగా తెరకెక్కించాలి.. అప్పుడే ఔట్ పుట్ చాలా బాగా వస్తుంది.  ఈ సినిమా సూపర్ హిట్ కావాలని కోరుకుంటున్నాను. అలాగే పీనట్ డైమండ్ మూవీ టీం మొత్తానికి నా అభినందనలు” అని తెలిపారు.