ఆచార్య కోసం ఆరాటపడుతున్న డైరెక్టర్ కొరటాల శివ .. చిరంజీవి కోసం కోట్లు ఖర్చుపెట్టి మరీ..

Acharya cinima: టాలీవుడ్ టాప్ హీరో మెగస్టార్ చిరంజీవి నటిస్తున్న ఆచార్య మూవీ కోసం మెగా అభిమానులు ఎంతగానో ఎదురుచూస్తున్నారు. లాక్‌డౌన్ వల్ల ఆగిపోయిన సినిమా షూటింగ్ ఇటీవల తిరిగి ప్రారంభమైంది. హీరో చిరంజీవి రెగ్యులర్‌గా షూటింగ్‌లో పాల్గొంటున్నారు. కొరటాల శివ దర్శకత్వంలో వస్తున్న ఈ సినిమాలో హీరోయిన్‌గా కాజల్ అగర్వాల్ నటిస్తోంది. ప్రత్యేక గీతంలో రెజీనా నర్తిస్తోంది. ఇందులో రామ్‌చరణ్ కూడా ఓ కీలక పాత్ర చేస్తున్నాడు. ఇప్పటి వరకు 40 శాతం సినిమా షూటింగ్ పూర్తయింది. కాగా ఈ నెలలో నాగబాబు కుమార్తె నిహారిక పెళ్లి ఉండటంతో మెగా ఫ్యామిలి మొత్తం ఉదయ్‌పూర్‌లోనే ఉండనుంది. ఈ వివాహం అనంతరం చిరు మళ్లీ షూటింగ్‌లో పాల్గొంటాడు.

ఇదిలా ఉంటే ఈ సినిమాకు సంబంధించిన ఓ వార్త ఇప్పుడు ఇండస్ట్రీలో హల్‌చల్ చేస్తోంది. సినిమాకు సంబంధించి చిత్ర యూనిట్ ఓ భారీ సెట్ ప్లాన్ చేశారట. దానికోసం ఏకంగా 20 కోట్లు చేస్తున్నారని తెలుస్తోంది. హైదరాబాద్‌లోనే 16 ఎకరాలలో కేరళ బ్యాక్‌డ్రాప్‌లో ఓ విలేజ్‌కు ప్లాన్ చేశారని సమాచారం. ఇందులో భాగంగా రూ. 4 కోట్లు ఖర్చు చేసి ఓ ఆలయాన్ని నిర్మించారని చిత్ర వర్గాలు అంటున్నాయి. దీని పర్యవేక్షణ మొత్తం దర్శకుడు కొరటాల శివ చూసుకుంటున్నారని తెలిసింది. ఈ సెట్‌లో చిరంజీవితో కీలక సన్నివేశాలు చిత్రీకరిస్తారని చెబుతున్నారు. సినిమా గురించి రోజుకో న్యూస్ తెలుస్తుండటంతో ఈ సినిమాపై భారీగా అంచనాలు పెరుగుతున్నాయి.