Jawan Collections: బాక్సాఫీస్‌ వద్ద ‘జవాన్‌’ కలెక్షన్ల ర్యాంపేజ్‌.. మూడు రోజుల్లో ఎన్నికోట్లు రాబట్టిందంటే?

బాలీవుడ్ సూపర్‌ స్టార్‌ షారుక్‌ ఖాన్‌ నటించిన తాజా చిత్రం జవాన్‌. సౌత్‌ ఇండియన్‌ డైరెక్టర్‌ అట్లీ తెరకెక్కించిన ఈ మూవీలో నయనతార హీరోయిన్‌. దీపికా పదుకొణె, విజయ్‌ సేతుపతి, ప్రియమణి, సంజయ్‌ దత్‌, సాన్యా మల్హోత్రా, యోగిబాబు సునీల్ గ్రోవర్, సంజీత్ భట్టాచార్య తదితరులు కీలక పాత్రలు పోషించారు. సెప్టెంబర్‌ 7న విడుదలైన జవాన్‌ బ్లాక్‌ బస్టర్‌ టాక్‌తో దూసుకెళుతోంది. ప్రపంచవ్యాప్తంగా పదివేలకు పైగా థియేటర్లలో

Jawan Movie

Basha Shek |

Updated on: Sep 10, 2023 | 4:22 PM

బాలీవుడ్ సూపర్‌ స్టార్‌ షారుక్‌ ఖాన్‌ నటించిన తాజా చిత్రం జవాన్‌. సౌత్‌ ఇండియన్‌ డైరెక్టర్‌ అట్లీ తెరకెక్కించిన ఈ మూవీలో నయనతార హీరోయిన్‌. దీపికా పదుకొణె, విజయ్‌ సేతుపతి, ప్రియమణి, సంజయ్‌ దత్‌, సాన్యా మల్హోత్రా, యోగిబాబు సునీల్ గ్రోవర్, సంజీత్ భట్టాచార్య తదితరులు కీలక పాత్రలు పోషించారు. సెప్టెంబర్‌ 7న విడుదలైన జవాన్‌ బ్లాక్‌ బస్టర్‌ టాక్‌తో దూసుకెళుతోంది. ప్రపంచవ్యాప్తంగా పదివేలకు పైగా థియేటర్లలో రిలీజైన ఈ మూవీ బాక్సాఫీస్‌ వద్ద రికార్డులు కొల్లగొడుతోంది. మొదటి రోజే రూ. 130 కోట్లకు పైగా వసూళ్లు రాబట్టిన జవాన్‌ రెండో రోజూ రూ.113 కోట్లకు పైగా వసూలు చేసింది. మొత్తమ్మీద రెండు రోజుల్లోనే 250 కోట్లకు చేరువైంది. ఇక వీకెండ్‌ కావడంతో శనివారం (సెప్టెంబర్‌ 9) బాక్సాఫీస్‌ వద్ద మరింత దూకుడు చూపించాడు జవాన్‌. ఏకంగా రూ.145 కోట్లు వచ్చాయి. మొత్తమ్మీద మూడు రోజుల్లోనే సుమారు రూ.385కోట్ల గ్రాస్ కలెక్షన్‍లను సాధించినట్లు ట్రేడ్‌ నిపుణులు పేర్కొన్నారు. ప్రస్తుతం జవాన్‌ జోరు చూస్తుంటే 4 రోజుల్లోనే రూ. 500 కోట్ల క్లబ్‌లో చేరే అవకాశముందని తెలుస్తోంది.

కలిసొచ్చిన వీకెండ్.. నాలుగు రోజుల్లోనే రూ. 500 కోట్ల క్లబ్ లో..

హిందీతో పాటు తమిళ్‌, తెలుగు భాషల్లోనూ జవాన్‌ జోరు చూపిస్తున్నాడు. కేరళలోనూ భారీ కలెక్షన్లు వస్తున్నాయి. పక్కా కమర్షియల్‌ ఎంటర్‌టైనర్‌గా రూపొందిన జవాన్‌ సినిమాలో మల్టీఫుల్‌ రోల్స్‌, షేడ్స్‌లో కనిపించాడు షారుక్‌. దీనికి తోడు అనిరుధ్‌ అందించిన బీజీఎమ్‌ సినిమాకు అదనపు ఆకర్షణగా నిలిచింది. షారుక్‌ సొంత బ్యానర్‌ రెడ్‌ చిల్లీస్‌ ఎంటర్‌టైన్మెంట్‌ బ్యానర్‌పై గౌరీఖాన్‌ జవాన్‌ సినిమాను నిర్మించారు. పఠాన్‌, జవాన్‌.. ఇలా బ్యాక్‌ టు బ్యాక్‌ హిట్లు కొట్టడంతో ఫుల్‌ ఖుషీ అవుతున్నారు షారుక్‌ ఫ్యాన్స్‌. ఇప్పటికే పలు రికార్డులను ఖాతాలో వేసుకున్న జవాన్‌ రాబోయే రోజుల్లో మరెన్ని రికార్డులు సృష్టిస్తాడో చూడాలి.

ఇవి కూడా చదవండి