KL Rahul- Athiya Shetty: రాహుల్, అతియాల పెళ్లి అప్పుడే.. మరోసారి క్లారిటీ ఇచ్చిన సునీల్ శెట్టి
రాహుల్- అతియాల రిలేషన్‌పై పలు సందర్భాల్లో ఆసక్తికర వ్యాఖ్యలు చేసిన అతియా శెట్టి తండ్రి సునీల్ శెట్టి తాజాగా మరోసారి ఈ విషయంపై స్పందించారు. తాను నటించిన వెబ్ సిరీస్‌ ధారావి బ్యాంక్ ప్రమోషన్‌ ఈవెంట్‌లో పాల్గొన్న సునీల్ శెట్టి మీడియాప్రతినిధులు అడిగిన పలు ప్రశ్నలకు సమాధానమిచ్చారు.
టీమిండియా ఓపెనర్‌ కేఎల్ రాహుల్, బాలీవుడ్ సీనియర్‌ హీరో సునీల్ శెట్టి గారాల పట్టి అతియా శెట్టి ప్రేమలో ఉన్న విషయం తెలిసిందే. మూడేళ్లుగా సీక్రెట్‌ డేటింగ్‌లో ఉన్న జంట ఈ ఏడాదే వారి రిలేషన్‌ను ఆఫిషియల్‌గా సోషల్ మీడియా వేదకిగా ప్రకటించారు. వీరి ప్రేమకు ఇరు పెద్దల ఆశీర్వాదం కూడా లభించింది. దీంతో త్వరలోనే పెళ్లిపీటలెక్కేందుకు సిద్ధమయ్యారీ లవ్‌బర్డ్స్‌. రాహుల్- అతియాల రిలేషన్‌పై పలు సందర్భాల్లో ఆసక్తికర వ్యాఖ్యలు చేసిన అతియా శెట్టి తండ్రి సునీల్ శెట్టి తాజాగా మరోసారి ఈ విషయంపై స్పందించారు. ప్రస్తుతం ఆయన నటించిన వెబ్ సిరీస్‌ ధారావి బ్యాంక్ ప్రమోషన్‌ ఈవెంట్‌లో పాల్గొన్న సునీల్ శెట్టి రాహుల్, అతియాల పెళ్లిపై పలు ప్రశ్నలు సంధించారు. వీటికి సమాధానమిస్తూ ‘త్వరలోనే వారి పెళ్లి జరగుతుంది. మరో మూడు నెలల్లో పెళ్లికి ఆహ్వానిస్తామనుకుంటున్నా’ అని చెప్పుకొచ్చారు.
కాగా గతంలో ఇదే విషయంపై స్పందించిన సునీల్ రాహుల్, అతియాల వివాహాన్ని స్టార్‌ హోటల్‌లో కాకుండా.. ఖండాలాలోని తన నివాసమైన ‘జహాన్’లో ప్లాన్ చేస్తున్నట్లు చెప్పుకొచ్చారు. సునీల్- మనా శెట్టి దంపతులకు చెందిన ఈ బంగ్లా 17 సంవత్సరాల క్రితం నిర్మించారు. చుట్టూ గ్రీనరీతో పాటు విశాలమైన ప్రదేశంలో ఈ బంగ్లా విస్తరించి ఉంది. కాగా కేఎల్ రాహుల్, అతియా మూడేళ్లుగా డేటింగ్‌లో ఉన్నారు. సూరజ్ పంచోలీ సరసన హీరో చిత్రంతో 2015లో బాలీవుడ్‌లోకి ఎంట్రీ ఇచ్చింది అతియా. ముబారకన్, మోతీచూర్ చక్నాచూర్ సినిమాల్లో నటించినా పెద్దగా గుర్తింపుతెచ్చుకోలేకపోయింది. ఇదే సమయంలో రాహుల్‌తో రిలేషన్‌షిప్‌తో తరచూ వార్తల్లో నిలుస్తూ వస్తోంది.
View this post on Instagram
మరిన్ని సినిమా వార్తల కోసం క్లిక్ చేయండి..
