భర్త సినిమాలో గెస్ట్ రోల్ చేయనున్న స్టార్ హీరోయిన్.. అందుకోసం ప్లాన్ చేస్తున్న డైరెక్టర్..

బాలీవుడ్ స్టార్ కపుల్స్ రణ్‏వీర్ సింగ్ మరియు దీపిక పదుకునేలకు ఉన్న క్రేజ్ గురించి చెప్పక్కర్లేదు. వీరిద్దరు కలిసి నటించిన సినిమాలు సూపర్ హిట్ సాధించాయి. స్క్రీన్ పై వీరిద్ధరి కాంబినేషన్‏ను మళ్ళీ మళ్ళీ చూడాలని ఎదురుచూస్తుంటారు అభిమానులు. ప్రస్తుతం వీరిద్దరు కలిసి నటించిన 83 సినిమా విడుదలకు సిద్ధంగా ఉంది. ఇదిలా ఉండగా.. అటు రణ్‏వీర్ సింగ్ ప్రధాన పాత్రలో రోహిత్ శెట్టి దర్శకత్వంలో ఓ సినిమా తెరకెక్కుతుంది. కమర్షియల్ ఎంటర్ టైనర్‏గా రాబోతున్న ఈ సినిమాలో దీపిక ఓ కీలక పాత్రలో నటించనున్నట్లుగా బీటౌన్లో టాక్ వినిపిస్తోంది.

రోహిత్ శెట్టి, రణ్‏వీర్ సింగ్ కాంబోలో రాబోతున్న ఈ సినిమాకు సర్కస్ అనే టైటిల్‏ను ఖరారు చేసింది చిత్రయూనిట్. ఇందులో రణ్‏వీర్ సింగ్ సరసన పూజా హెగ్డే మరియు జాక్వెలిన్ ఫెర్నాండెజ్ లు హీరోయిన్లుగా నటిస్తున్నారు. అయితే ఈ సినిమాకు మరింత ఫాలోయింగ్ పెంచెందుకు దీపికను ఓ కీలక పాత్రలో నటించేందుకు దర్శకుడు ప్లాన్ చేస్తున్నట్లుగా సమాచారం. అయితే నిజంగానే ఇందులో దీపిక నటిస్తుందా లేదా అనేది తెలియాల్సి ఉంది.

Also Read: బాలయ్య సినిమాలో కన్నడ స్టార్‌ హీరో..? పోలీస్‌ ఆఫీసర్‌గా కనిపించనున్న పునీత్‌ రాజ్‌.