Amitabh Bachchan-Kriti Sanon: నీతో డ్యాన్స్‌ చేస్తుంటే నా కాలేజీ రోజులు గుర్తుకొస్తున్నాయి!

Amitabh Bachchan-Kriti Sanon: నీతో డ్యాన్స్‌ చేస్తుంటే నా కాలేజీ రోజులు గుర్తుకొస్తున్నాయి!
Amitabh And Kritisanon 2

బాలీవుడ్‌ మెగాస్టార్‌ అమితాబ్‌ బచ్చన్‌ హోస్ట్‌గా వ్యవహరిస్తోన్న 'కౌన్‌ బనేగా కరోడ్‌ పతి' కి ఉన్న క్రేజ్‌ గురించి ప్రత్యేకంగా చెప్పక్కర్లేదు. సామాన్యులను సైతం లక్షాధికారులు..

Basha Shek

|

Oct 20, 2021 | 1:40 PM

బాలీవుడ్‌ మెగాస్టార్‌ అమితాబ్‌ బచ్చన్‌ హోస్ట్‌గా వ్యవహరిస్తోన్న ‘కౌన్‌ బనేగా కరోడ్‌ పతి’ కి ఉన్న క్రేజ్‌ గురించి ప్రత్యేకంగా చెప్పక్కర్లేదు. సామాన్యులను సైతం లక్షాధికారులు, కోటీశ్వరులుగా మార్చే ఈ క్విజ్‌ ప్రోగ్రాం ఎంటర్‌టైన్‌మెంట్ అందించడంలోనూ ముందే ఉంటుంది. ఇందులో భాగంగా వివిధ రంగాలకు చెందిన సెలబ్రిటీలను టీవీ షోకు ఆహ్వానించి టీవీ షోను మరింత ఆసక్తిగా మలుస్తున్నారు అమితాబ్‌. ఇటీవల జెనీలియా-రితేశ్‌ దేశ్‌ముఖ్‌ దంపతులు ఈ కార్యక్రమానికి హాజరై తమ జీవితానికి సంబంధించి ఎన్నో ఆసక్తికర విషయాలు పంచుకున్న సంగతి తెలిసిందే. తాజాగా ప్రముఖ బాలీవుడ్‌ నటి కృతి సనన్‌ ఈ టీవీషోకు ముఖ్య అతిథిగా హాజరైంది. తన తాజా చిత్రం ‘ హమ్‌ దో హమారే దో’ ఈ నెల 29న ప్రేక్షకుల ముందుకు రానున్న నేపథ్యంలో సినిమా ప్రమోషన్‌లో భాగంగా కేబీసీ కార్యక్రమానికి హాజరైంది. షోలో భాగంగా ఎర్రటి పొడవైన గౌన్‌లో స్టేజీ మీదకు వచ్చిన ఈ అందాల తార బిగ్‌బీ తో కలిసి బాల్‌ రూమ్‌ డ్యాన్స్‌ చేసి ఆకట్టుకుంది.

నా కాలేజీ రోజులు గుర్తుకొస్తున్నాయి! ఈ సందర్భంగా తమ డ్యాన్స్‌ ఫొటోలను సోషల్‌ మీడియాలో షేర్‌ చేసుకున్నారు అమితాబ్‌, కృతి. ‘కృతి నీతో బాల్‌ రూమ్‌ డ్యాన్స్‌ చేస్తుంటే నా కాలేజీ రోజులు, అదేవిధంగా కోలకతాలో గడిపిన క్షణాలు గుర్తుకొస్తున్నాయి ‘ అని అమితాబ్‌ వ్యాఖ్యానించారు. ఇదే ఫొటోను ఇన్‌స్టాగ్రామ్‌లో షేర్‌ చేసుకున్న కృతి ‘చిన్నప్పటి నుంచి ఈ షో చూస్తున్నాను. అలాంటిది ఇప్పుడు ఆ షోకు అతిథిగా హాజరవ్వడం, అమితాబ్‌ గారితో డ్యాన్స్‌ చేయడం నా జీవితంలో మర్చిపోలేను’ అని హర్షం వ్యక్తం చేసింది. ప్రస్తుతం అమితాబ్-కృతి డ్యాన్స్‌కు సంబంధించిన ఫొటోలు నెటిజన్లను బాగా ఆకట్టుకుంటున్నాయి.

Also Read:  Radhe Shyam: ప్రభాస్ ఫ్యాన్స్‌కు గుడ్ న్యూస్.. పుట్టిన రోజు కానుకగా ‘రాధే శ్యామ్’ యూనిట్ స్పెషల్ గిఫ్ట్.. ఏమిటంటే

Samantha – Jr. NTR: నేను జీనియస్‌ అని ఇప్పుడు నమ్ముతున్నాను!

Ananya Nagalla: తన అందాలతో కుర్రకారు మనసులు దోచుకుంటున్న వకీల్ సాబ్ భామ అనన్య నాగల్ల

Follow us on

Related Stories

Most Read Stories

Click on your DTH Provider to Add TV9 Telugu