Rakhi sawant: రాఖీ సావంత్‌కు షాక్ ఇచ్చిన కోర్టు.. ముందస్తు బెయిల్ పిటీషన్ కొట్టివేత
రాఖీ చేసిన ఆరోపణల కారణంగా ఆదిల్ దురానీ కూడా జైలు జీవితం గడిపాడు. ఆదిల్ దురానీ ఇప్పుడు రాఖీ సావంత్‌పై కేసు నమోదు చేశారు. అయితే ఈ కేసుకు సంబంధించి ఆమెను అరెస్టు చేయకుండా రాఖీ సావంత్ ముందస్తు బెయిల్ కోసం దరఖాస్తు చేసుకున్నారు.
Updated on: Jan 15, 2024 | 8:29 AM
రాఖీ సావంత్ ఈ పేరు ఎప్పుడూ హాట్ టాపికే.. రాఖీ తన భర్త మైసూర్‌కు చెందిన ఆదిల్ దుర్రానీపై వేధింపులు , హింసాత్మక ఆరోపణలు. రాఖీ చేసిన ఆరోపణల కారణంగా ఆదిల్ దురానీ కూడా జైలు జీవితం గడిపాడు. ఆదిల్ దురానీ ఇప్పుడు రాఖీ సావంత్‌పై కేసు నమోదు చేశారు. అయితే ఈ కేసుకు సంబంధించి ఆమెను అరెస్టు చేయకుండా రాఖీ సావంత్ ముందస్తు బెయిల్ కోసం దరఖాస్తు చేసుకున్నారు. అయితే ఆ దరఖాస్తును కోర్టు తిరస్కరించడంతో రాఖీ సావంత్ అరెస్ట్‌ చేసే అవకాశాలు కనిపిస్తున్నాయి.
ఆదిల్ దురానీపై పలు ఆరోపణలు చేసిన రాఖీ సావంత్ ఇదే విషయమై పలు టీవీ ఛానెల్స్‌, యూట్యూబ్‌ ఛానెల్స్‌కు ఇంటర్వ్యూ ఇచ్చింది. ఒక ఛానెల్‌తో మాట్లాడుతున్నప్పుడు, రాఖీ సావంత్ తనవి ఆదిల్ ప్రైవేట్ చిత్రాలు , వీడియోలను కెమెరాకు చూపించింది. కొన్ని వాట్సాప్ గ్రూపులలో తనవి ఆదిల్ ప్రైవేట్ వీడియోలను కూడా పంచుకుంది. దాంతో తన ప్రైవేట్ చిత్రాలు, వీడియోలను లీక్ చేసినందుకు రాఖీపై ఆదిల్ దురానీ కేసు పెట్టారు. కేసు పెండింగ్‌లో ఉండగానే రాఖీ సావంత్ ముందస్తు బెయిల్ కోసం దరఖాస్తు చేసుకుంది. ఈ పిటిషన్‌ను విచారించిన కోర్టు, ‘ రాఖీ సావంత్ పంపిన వీడియోలు అసభ్యకరమైనవి మాత్రమే కాకుండా లైంగికంగా వేధించేవి కూడా. ఘటనకు సంబంధించిన వాస్తవాలు, ఆరోపణలు, పరిస్థితులను పరిగణనలోకి తీసుకుని ముందస్తు బెయిల్ మంజూరు చేయడం సరికాదని, దరఖాస్తును కొట్టివేసింది.
మైసూర్ వ్యాపారవేత్త ఆదిల్ దురానీ, రాఖీ సావంత్ 2021లో వివాహం చేసుకున్నారు. పెళ్లయ్యాక ఇద్దరూ హాయిగా ఉన్నారు. అయితే ఆ తర్వాత రాఖీ సావంత్ తన భర్త ఆదిల్ పై పలు ఆరోపణలు చేయడం ప్రారంభించింది. రాఖీ లైంగిక వేధింపులు, డబ్బు మోసం, హింస వంటి కొన్ని ఆరోపణలు చేసింది. మైసూర్‌లోని ఆదిల్ నివాసం ముందు రాఖీ సావంత్ నిరసన తెలిపారు. రాఖీ సావంత్ ఫిర్యాదు మేరకు ఆదిల్ కూడా జైలు శిక్ష అనుభవించాల్సి వచ్చింది.
View this post on Instagram
మరిన్ని సినిమా వార్తల కోసం ఇక్కడ క్లిక్ చేయండి.
