ప్రభాస్ ‘ఛత్రపతి’ రీమేక్లో బెల్లంకొండ శ్రీనివాస్.. ఆ భాషలోకి ఎంట్రీ.. ఫొటో షూట్ కూడా అయ్యిందా..!
రాజమౌళి, ప్రభాస్ కాంబినేషన్లో తెరకెక్కిన మొదటి చిత్రం ఛత్రపతి. అప్పట్లో ఘన విజయం సాధించడంతో పాటు, ప్రభాస్కి మాస్ హీరోగా క్రేజ్ తీసుకొచ్చిన మూవీ ఇది.
Bellamkonda Srinivas Chatrapathi: రాజమౌళి, ప్రభాస్ కాంబినేషన్లో తెరకెక్కిన మొదటి చిత్రం ఛత్రపతి. అప్పట్లో ఘన విజయం సాధించడంతో పాటు, ప్రభాస్కి మాస్ హీరోగా క్రేజ్ తీసుకొచ్చిన మూవీ ఇది. ఇక ఈ కాంబినేషన్లో తరువాత వచ్చిన బాహుబలి ప్రపంచవ్యాప్తంగా భారతీయ సినిమాకే ఖ్యాతిని తీసుకొచ్చింది. ఇదంతా పక్కనపెడితే.. 15 సంవత్సరాల తరువాత ఛత్రపతి హిందీలో రీమేక్ అవ్వబోతోంది. ఈ రీమేక్లో టాలీవుడ్ నటుడు బెల్లంకొండ శ్రీనివాస్ నటించబోతున్నట్లు తెలుస్తోంది. (కరోనా సైడ్ ఎఫెక్ట్లు.. ప్రతి ఐదుగురిలో ఒకరికి..!)
అల్లుడు శ్రీనుతో హీరోగా ఎంట్రీ ఇచ్చిన బెల్లంకొండ.. మాస్ హీరోగా బాగానే పేరు సంపాదించుకున్నారు. ఇక ఈ హీరో నటించిన పలు చిత్రాలు యూట్యూబ్లో హిందీలో డబ్ అవ్వగా.. అక్కడ మంచి విజయం సాధించాయి. ఇలా బాలీవుడ్లోనూ అభిమానులను సంపాదించుకున్న ఈ నటుడు.. ఇప్పుడు డైరెక్ట్ ఎంట్రీ ఇచ్చేందుకు రెడీ అవుతున్నారట. (Bigg Boss 4: అఖిల్ని తలచుకొని ఏడ్చేసిన మోనాల్, సొహైల్)
ఈ నేపథ్యంలో ఛత్రపతి రీమేక్ని ఎంచుకున్నారట. ఇక ఈ రీమేక్ కోసం బెల్లంకొండపై ఓ ఫొటోషూట్ కూడా చేశారట. బాలీవుడ్కి చెందిన ఓ ప్రముఖ నిర్మాణ సంస్థ ఈ రీమేక్ని నిర్మించబోతున్నట్లు సమాచారం. మరి ఇందులో నిజమెంతో తెలియాలంటే అధికారిక ప్రకటన వచ్చే వరకు ఆగాల్సిందే. కాగా ప్రస్తుతం ఈ హీరో తెలుగులో అల్లుడు అదుర్స్లో నటిస్తుండగా.. ఈ మూవీ షూటింగ్ దాదాపుగా క్లైమాక్స్కి వచ్చేసింది. (Bigg Boss 4: సీక్రెట్ రూమ్కి అఖిల్.. అభికి అర్థం అయ్యిందా..!)