క్రైమ్ థ్రిల్లర్ తో రానున్న అల్లరోడు..!

అల్లరి, సుడిగాడు వంటి మంచి కామెడీ ఎంటర్టైనర్స్ తో కామెడీ హీరోగా పేరు తెచ్చుకున్నాడు అల్లరి నరేష్. అయితే ఈ మధ్య వరసగా ఆయన చేసిన సినిమాలు ప్లాప్స్ చవి చూశాయి. దానికి కూడా కారణం లేకపోలేదు. ఇంట్లోనే జబర్దస్త్, పటాస్ వంటి షోస్ తో అటు మసాలా ఇటు కామెడీ రెండూ కూడా ప్రేక్షకులకు అందుతుంటే ఇంక థియేటర్ కి వెళ్లి ఎవరు చూస్తారు చెప్పండి.

మహేష్ బాబు తాజా చిత్రం ‘మహర్షి’ లో అల్లరి నరేష్ ఒక కీలక పాత్ర పోషిస్తున్న సంగతి తెలిసిందే. ఈ సినిమా తర్వాత నరేష్ ఒక సోలో సినిమా చేయబోతున్నట్లు వినికిడి. అది కామెడీ సినిమా అనుకుంటున్నారా, కాదండీ.. ఇదో క్రైమ్ కామెడీ థ్రిల్లర్ అని సమాచారం. ఇ.సత్తిబాబు దర్శకత్వం వహిస్తున్న ఈ చిత్రానికి కథ, డైలాగులు విక్రమ్ రాజ్ అందిస్తున్నాడట. ఈ చిత్రాన్ని లక్ష్య ప్రొడక్షన్స్ బ్యానర్ నిర్మిస్తున్నారు. మే నెలలో సెట్స్ మీదకు వెళ్లనున్న ఈ చిత్రంతో అల్లరి నరేష్ కెరీర్ మళ్ళీ గాడిలో పడుతుందో లేదో చూడాలి.