Samantha: ఈ ఏడాది ఎలా గడిచిందన్న ప్రశ్నకు సమంత ఆసక్తికర సమాధానం.. వైరల్ అవుతోన్న వీడియో..
Samantha: సమంతకు వ్యక్తిగతంగా ఈ ఏడాది చాలా కష్టమైందని చెప్పడంలో ఎలాంటి సందేహం లేదు. నాలుగేళ్ల వైవాహిక బంధానికి తెర తీస్తూ నాగచైతన్య, సమంతలు విడిపోతూ కీలక నిర్ణయం తీసుకున్నారు...
Updated on: Nov 26, 2021 | 8:07 PM
Samantha: సమంతకు వ్యక్తిగతంగా ఈ ఏడాది చాలా కష్టమైందని చెప్పడంలో ఎలాంటి సందేహం లేదు. నాలుగేళ్ల వైవాహిక బంధానికి తెర తీస్తూ నాగచైతన్య, సమంతలు విడిపోతూ కీలక నిర్ణయం తీసుకున్నారు. ఏం మాయ చేశావే సినిమాతో మొదలైన వీరి పరిచయం ప్రేమగా మారి.. పెళ్లి వరకు వెళ్లింది. అయితే కారణాలు చెప్పకపోయినప్పటికీ ఈ ఇద్దరు తాము విడిపోతున్నట్లు ఇన్స్టాగ్రామ్ వేదికగా పోస్ట్ చేశారు. ఇదిలా ఉంటే ఈ జంట తమ వైవాహిక జీవితానికి ఫుల్స్టాప్ పెట్టిన తర్వాత వృత్తిపరంగా బిజీగా మారుతున్నారు. ఈ క్రమంలోనే ఇటు సమంతతో పాటు నాగచైతన్య కూడా వరుస సినిమాలకు సైన్ చేస్తూ బిజీగా మారాడు.
ఇదిలా ఉంటే తాజాగా సమంత చేసిన ఓ వ్యాఖ్య.. విడాకుల తర్వాత ఆమె మనోవేదనకు గురైందని చెప్పకనే చెప్పింది. ముంబయికి చెందిన ఓ మీడియా సంస్థ కొందరు నటీనటులతో కలిసి ఓ ఇంటర్వ్యూను నిర్వహించారు. ఈ సందర్భంగా 2021 ఎలా గడించిందో ఒక్క పదంతో చెప్పండి.. అని ప్రశ్నించారు. ఇదే ప్రశ్నకు సమంత స్పందిస్తూ.. ‘చాలా కష్టంగా గడిచింది’ అని చెప్పేసింది. దీంతో సమంత విడాకుల వల్ల ఎంతో మనోవేదన పడుతోందని చెప్పకనే చెప్పిందన్నమాట. ప్రస్తుతం ఈ ఇంటర్వ్యూకు సంబంధించిన ప్రోమో నెట్టింట వైరల్గా మారింది. దీంతో సమంతకు మద్ధతుగా ఆమె అభిమానులు కామెంట్లు పెడుతున్నారు. సమంత ఏమన్నారో మీరూ చూడండి..
View this post on Instagram
Rajashekar’s Shekar : రాజ’శేఖర్’ హిట్ కొడతారా.. జీవితా రాజశేఖర్ ఏమంటున్నారంటే..
