Radha: రెండో భర్తపై మరోసారి ఫిర్యాదు చేసిన హీరోయిన్.. చిత్రహింసలు పెడుతూ.. చంపుతానని బెదిరిస్తున్నాడని..
'సుందర ట్రావెల్స్' హీరోయిన్ రాధ తన రెండో భర్తపై మరోసారి ఫిర్యాదు చేసింది. కొద్ది నెలల క్రితం ఎన్నూరు పోలీస్ స్టేషన్ సబ్ ఇన్స్పెక్టర్ వసంత రాజాను రెండో వివాహం చేసుకున్నారు రాధ.
Updated on: Jul 05, 2021 | 10:29 AM
‘సుందర ట్రావెల్స్’ హీరోయిన్ రాధ తన రెండో భర్తపై మరోసారి ఫిర్యాదు చేసింది. కొద్ది నెలల క్రితం ఎన్నూరు పోలీస్ స్టేషన్ సబ్ ఇన్స్పెక్టర్ వసంత రాజాను రెండో వివాహం చేసుకున్నారు రాధ. ఈ క్రమంలోనే తన భర్త తనను చిత్రహింసలకు గురిచేస్తున్నాడని.. చంపుతానని బెదిరిస్తున్నాడని.. గత ఏప్రిల్ నెలలో స్థానిక విరుగంబాక్కం పోలీస్ స్టేషన్ లో ఫిర్యాదు చేశారు. ఆ తర్వాత ఇద్దరు రాజీ పడి ఆ ఫిర్యాదును ఉపసంహరించుకున్నారు. ఇప్పుడు మరోసారి తన భర్త తనపై అనుమానం పెంచుకుని తీవ్రంగా కొడుతున్నాడని.. అతని పై చర్యలు తీసుకోవాలని ఆరోపిస్తూ.. ఆదివారం పరంగిమలైలోని జాయింట్ కమిషనర్ కార్యాలయంలో మరోసారి ఫిర్యాదు చేశారు రాధా.
ఈ క్రమంలో రాధ మాట్లాడుతూ.. తన భర్త అతని స్నేహితులు, బంధువులతో కలిసి తనను తీవ్రంగా హింసిస్తున్నారని.. అతనిపై.. అతని మిత్రులైన సబ్ ఇన్స్పెక్టర్ భారతి, ఇళంవరుదిలపై చర్యలు తీసుకోవాలని రాధ పోలీసులను కోరారు. గతంలో కూడా తనపై పెట్టిన కేసును తిరిగి తీసుకోవాలని తన భర్త ఆమెను హింసించడని.. అందుకే ఫిర్యాదు తిరిగి తీసుకున్నానని.. అయిన చిత్రహింసలు తప్పడం లేదంటూ వాపోయింది. కాగా సుందరా ట్రావెల్స్ , హడావిడి, గేమ్ తదితర చిత్రాల్లో హీరోయిన్ గా నటించారు రాధ. ఆ తర్వాత ఆమెకు అంతంగా అవకాశాలు రాలేదు. అనంతరం ఆమె ఓ నిర్మాతను వివాహం చేసుకుంది. కొన్నాళ్ల తర్వాత వీరిద్దరి మధ్య ఏర్పడిన మనస్పర్థాల కారణంగా ఆమె విడాకులు తీసుకుంది. తన కొడుకుతో కలిసి తల్లి దగ్గర జీవిస్తున్న రాధ.. కొన్ని నెలల క్రితం వసంతా రాజాను రెండో వివాహం చేసుకుంది.
Also Read: Ram Charan: చరణ్ సినిమాకు శంకర్ లైన్ క్లియర్ అయ్యిందా ? చెర్రీ న్యూ మూవీ షూటింగ్ అప్డేట్…
