Liger Movie: విజయ్‌ బోల్డ్‌ లుక్‌పై స్పందించిన అనుష్క.. రౌడీ హీరో రియాక్షన్‌ ఏంటంటే..
Liger Movie: విజయ్‌ దేవరకొండ (Vijay Devarakonda) హీరోగా తెరకెక్కుతోన్న సినిమా లైగర్‌. పూరీ జగన్నాథ్‌ దర్శకత్వంలో అత్యంత ప్రతిష్టాత్మకంగా తెరకెక్కుతోన్న ఈ సినిమాపై భారీ అంచనాలు..
Updated on: Jul 02, 2022 | 4:23 PM
Liger Movie: విజయ్‌ దేవరకొండ (Vijay Devarakonda) హీరోగా తెరకెక్కుతోన్న సినిమా లైగర్‌. పూరీ జగన్నాథ్‌ దర్శకత్వంలో అత్యంత ప్రతిష్టాత్మకంగా తెరకెక్కుతోన్న ఈ సినిమాపై భారీ అంచనాలు ఉన్నాయి. ఆగస్టు 25న దేశ వ్యాప్తంగా ఈ సినిమాను గ్రాండ్‌గా విడుదల చేయడానికి చిత్ర యూనిట్‌ సిద్ధమవుతోంది. ఈ నేపథ్యంలోనే సినిమా ప్రచారం మొదలు పెట్టే పనిలో పడింది. ఈ సినిమాకు సంబంధించి ఇప్పటికే విడుదలైన ఫస్ట్‌లుక్‌, టీజర్‌లు సినిమాపై అంచనాలు ఒక్కసారిగా పెంచేశాయి. ప్రమోషన్స్‌లో భాగంగా తాజాగా లైగర్‌ యూనిట్‌ కొత్తగా ఓ పోస్టర్‌ను విడుదల చేసింది.
చేతిలో పూలు పట్టుకొని సిక్స్‌ప్యాక్స్‌ బాడీతో విజయ్‌ లుక్ ఆకట్టుకుంటోంది. ఈ పోస్టర్‌ను విజయ్‌ దేవరకొండ స్వయంగా పోస్ట్‌ చేస్తూ.. ‘ఈ సినిమా నా నుంచి అన్నీ తీసుకుంది. మానసికంగా, శారీరకంగా.. ఒక నటుడిగా ఈ రోల్‌ నాకెంతో ఛాలెజింగ్‌గా అనిపించింది. ‘లైగర్‌’తో త్వరలోనే మీకెంతో వినోదాన్ని అందిస్తా’’ అని రాసుకొచ్చారు. ఇదిలా ఉంటే లైగర్‌ కొత్త లుక్‌పై నటి అనుష్క శెట్టి స్పందించారు. విజయ్‌ దేవరకొండ పోస్టర్‌ను ఇన్‌స్టాగ్రామ్‌లో పోస్ట్‌ చేస్తూ చిత్ర యూనిట్‌పై ప్రశంసలు కురిపించారు.
View this post on Instagram
‘లైగర్‌ చిత్ర యూనిట్‌కు ఆల్‌ ది బెస్ట్‌. ఈ సినిమా అందరి హృదయాలను గెలుచుకోవాలని కోరుకుంటున్నా. పూరీ సర్‌ మీ మ్యాజిక్‌ చూసేందుకు ఆతృతగా ఎదురుచూస్తున్నా. విజయ్‌.. ఈ సినిమా నీ కెరీర్‌లో బెస్ట్‌ కావాలి. ఎన్నో విభిన్నమైన కథలు మాకందిస్తున్న ఛార్మి, ఆ కథలు తెరకెక్కించడంలో భాగమైన కరణ్‌జోహార్‌కు ధన్యవాదాలు’’ అని అనుష్క రాసుకొచ్చారు. ఇక అనుష్క చేసిన ఈ పోస్ట్‌పై విజయ్‌ దేవరకొండ స్పందిస్తూ.. ‘రెడ్‌ హార్ట్‌’ సింబల్‌ను షేర్‌ చేశాడు. ఇదిలా ఉంటే నటి అనుష్కను ఇండస్ట్రీకి తొలిసారి పరిచయం చేసింది పూరీ జగన్నాథ్‌ అనే విషయం తెలిసిందే. పూరీ జగన్నాథ్‌ దర్శకత్వంలో వచ్చిన ‘సూపర్’ సినిమాతోనే అనుష్క ఇండస్ట్రీకి ఎంట్రీ ఇచ్చింది.
మరిన్ని సినిమా వార్తల కోసం క్లిక్ చేయండి..
