Breaking News
  • వరద బాధితుల సహాయార్థం పెద్దఎత్తున సీఎంఆర్ఎఫ్ కి విరాళాలు: భారీ వరదల వల్ల ఇబ్బందులు ఎదుర్కొంటున్న హైదరాబాద్ నగరవాసులకు అండగా నిలిచేందుకు పలువురు ముందుకు వచ్చారు. ముఖ్యమంత్రి చంద్రశేఖర రావు గారి పిలుపు మేరకు తెలంగాణ ముఖ్యమంత్రి సహాయ నిధికి విరాళాలు అందజేశారు. కష్టకాలంలో ప్రజలను ఆదుకునేందుకు ముందుకు వచ్చి విరాళాలు ఇచ్చిన ప్రతి ఒక్కరికి మంత్రి కేటీఆర్ ప్రత్యేకంగా ధన్యవాదాలు తెలిపారు.
  • తిరుమల: వైభవంగా శ్రీవారి నవరాత్రి బ్రహ్మోత్సవాలు. చంద్రప్రభ వాహనంపై దర్శనమిస్తున్న మలయప్ప స్వామి. కరోనా దృష్ట్యా ఏకాంతంగా వాహన సేవలు.
  • ఏపీలో కొత్తగా 3,620 కరోనా కేసులు నమోదు, 16 మంది మృతి. ఏపీలో 7,96,919కు చేరిన కరోనా కేసులు. ఏపీలో ఇప్పటి వరకు కరోనాతో 6,524 మంది మృతి. యాక్టివ్‌ కేసులు 32,257, ఇప్పటి వరకు 7,58,138 మంది డిశ్చార్జ్. ఏపీలో ఇప్పటి వరకు 73,47,776 కరోనా పరీక్షల నిర్వహణ.
  • డాక్టర్‌ రెడ్డీస్‌ ల్యాబ్‌పై సైబర్‌ ఎటాక్‌. డేటా చోరీ యత్నం జరిగినట్టు గుర్తించిన రెడ్డీస్ ల్యాబ్. ఐదు దేశాల్లో సంస్థ కార్యకలాపాలపై ప్రభావం. భారత్‌ సహా అమెరికా, లండన్‌, బ్రెజిల్‌, రష్యాలో నిలిచిన ఉత్పత్తులు. కరోనా వ్యాక్సిన్‌ కోసం ప్రపంచ వ్యాప్తంగా ప్రయోగాలు. ఔషధ ప్రయోగశాలలను టార్గెట్‌ చేసిన సైబర్‌ నేరగాళ్లు. స్పుత్నిక్‌-వి ట్రయల్స్ కోసం డాక్టర్‌ రెడ్డీస్‌తో రష్యా ఒప్పందం. సైబర్‌ ఎటాక్‌తో భారీ నష్టం వాటిల్లిందన్న రెడ్డీస్‌ ల్యాబ్. సైబర్‌ క్రైమ్‌ పోలీసులకు ఫిర్యాదు చేసిన రెడ్డీస్‌ ల్యాబ్‌. 24 గంటల తర్వాత ఉత్పత్తిని తిరిగి ప్రారంభిస్తామన్న రెడ్డీస్‌ ల్యాబ్.
  • హైదరాబాద్‌: నేరేడ్‌మెట్‌ అంబేద్కర్‌నగర్‌లో విషాదం. కరోనాతో వెంకటేష్‌ అనే వ్యక్తి మృతి. భర్త మృతిని తట్టుకోలేక భార్య ధనలక్ష్మి ఆత్మహత్య. బిల్డింగ్‌ పైనుంచి దూకి ఆత్మహత్య చేసుకున్న ధనలక్ష్మి.
  • విశాఖ చేరుకున్న అసోం రైఫిల్స్ జవాన్‌ బాబూరావు మృతదేహం. అసోం రైఫిల్స్ విధి నిర్వహణలో ప్రాణాలు కోల్పోయిన బాబూరావు. ఖోన్సా దగ్గర ఎదురుకాల్పుల్లో బాబూరావు మృతి. బాబూరావు స్వస్థలం శ్రీకాకుళం జిల్లా వజ్రపుకొత్తూరు. విశాఖ ఎయిర్‌పోర్ట్‌లో భద్రతా దళాల నివాళులు. బాబూరావు భౌతికకాయం స్వస్థలానికి తరలింపు.
  • మహబూబాబాద్‌: హత్యకు గురైన దీక్షిత్‌ తల్లి ఆవేదన. నా కొడుకును హత్యచేసిన నిందితులను ఎన్‌కౌంటర్‌ చేయాలి. ఇలాంటి ఉన్మాదులను ఎన్‌కౌంటర్‌ చేయకపోతే.. ఏ తల్లీ ధైర్యంగా పిల్లలను బయటకు పంపే పరిస్థితి ఉండదు. పిల్లవాడని చూడకుండా కిరాతకంగా చంపినవారికి తగిన శిక్ష విధించాలి. నిందితులను ఎన్‌కౌంటర్‌ చేస్తేనే నా కుమారుడి ఆత్మ శాంతిస్తుంది. -బాలుడు దీక్షిత్‌ తల్లి వసంత.

క్రెడిట్ డెబిట్ కార్డుల వినియోగంపై ఆంక్షలు.. రేపట్నించే అమలు

వివిధ బ్యాంకులు జారీ చేస్తున్న డెబిట్, క్రెడిట్ కార్డులపై కీలకమైన ఆంక్షలు అక్టోబర్ 1వ తేదీ నుంచి అమల్లోకి రాబోతున్నాయి. విదేశాలలో వున్న వారు క్రెడిట్, డెబిట్ కార్డులను...

restrictions on bank cards usage, క్రెడిట్ డెబిట్ కార్డుల వినియోగంపై ఆంక్షలు.. రేపట్నించే అమలు

Crucial restrictions on debit and credit cards: వివిధ బ్యాంకులు జారీ చేస్తున్న డెబిట్, క్రెడిట్ కార్డులపై కీలకమైన ఆంక్షలు అక్టోబర్ 1వ తేదీ నుంచి అమల్లోకి రాబోతున్నాయి. విదేశాలలో వున్న వారు క్రెడిట్, డెబిట్ కార్డులను అక్రమ మార్గాలలో వాడుకుంటూ.. వినియోగదారులకు భారీ నష్టాలను కలిగిస్తున్న నేపథ్యంలో ఆర్బీఐ కీలక మార్పులకు శ్రీకారం చుట్టింది. ఈ మేరకు రూపొందించిన కొత్త మార్గదర్శకాలు అక్టోబర్ ఒకటవ తేదీ నుంచి అమల్లోకి రాబోతున్నాయి. ఈ మార్గదర్శకాలతో క్రెడిట్, డెబిట్ కార్డులకు మరింత రక్షణ కలుగుతుందని ఆర్బీఐ వర్గాలు చెబుతున్నాయి.

కొత్త మార్గదర్శకాల ఆధారంగా బ్యాంకులు చేసే మార్పులతో అంతర్జాతీయంగా క్రెడిట్, డెబిట్ కార్డుల వినియోగంపై ఆంక్షలు అమల్లోకి వస్తాయి. కార్డు హోల్డర్ ఇష్టం ప్రకారం పేమెంట్స్ జరిగేలా బ్యాంకులు తమ సాఫ్ట్ వేర్‌ను మార్పు చేయాల్సి వుంటుంది. అంటే.. అంతర్జాతీయ వినియోగంపై బ్యాంకు అకౌంట్ హోల్డర్ తన నిర్ణయాన్ని బ్యాంకు వెబ్‌సైట్‌లో ముందుగానే నమోదు చేయాల్సి వుంటుంది. ఇంటర్నేషనల్ యూసేజ్ అనేది అటోమేటిక్‌గా కాకుండా వినియోగదారున్ని సంప్రదించిన తర్వాతనే అనుమతించాలని, ఇందుకోసం ప్రత్యేకంగా ఒక ఆప్షన్ బ్యాంకుల వెబ్‌సైట్‌లో కేటాయించాలని ఆర్బీఐ బ్యాంకులను ఆదేశించింది.

తాజా ఆదేశాల ప్రకారం క్రెడిట్ కార్డులను ఇంటర్నేషనల్, ఆన్ లైన్ లావాదేవీలకు, కాంటాక్ట్ లెస్ కార్డ్ లావాదేవీలకు వినియోగించాలంటే ముందుగానే తెలియజేయాల్సి వుంటుంది. ఈ రకమైన లావాదేవీలను వినియోగదారులు ఓకే అంటేనే ఆ సౌకర్యాలు కల్పించాలని, లేకపోతే.. అవసరం లేదని ఆర్బీఐ స్పష్టం చేసింది. అనుమతితోపాటు వ్యయ పరిమితిని కూడా కార్డు హోల్డర్ నిర్ణయించుకోవచ్చు. ఈ పరిమితి దాటి కార్డు ద్వారా లావాదేవీకి ప్రయత్నిస్తే, వెంటనే ఎస్ఎంఎస్ ద్వారా మొబైల్ ఫోన్ మెసేజ్ చేరేలా సాఫ్ట్ వేర్ మారుస్తున్నారు. కస్టమర్లు తమ కార్డులను ఏటీఎం, ఎన్ఎఫ్సీ, పీఓఎస్, ఈ-కామర్స్ లావాదేవీలకు వాడకుండా తాత్కాలికంగానూ నిషేధించుకోవచ్చు. బ్యాంకులు జారీ చేసే క్రెడిట్, డెబిట్ కార్డులు ఏటీఎంలలోనూ, పాయింట్ ఆఫ్ సేల్స్ (పీఓఎస్) వద్ద మాత్రమే పనిచేస్తాయి. కస్టమర్లకు వారి నుంచి అనుమతి తీసుకున్న తరువాతనే ఆన్ లైన్ చెల్లింపులను ఓకే చేస్తారు.

వినియోగదారులు బ్యాంకు వెబ్‌సైట్‌లో లాగిన్ అయ్యాక మేనేజ్ కార్డ్స్ సెక్షన్ ద్వారా తమ కార్డులపై ఇంటర్నేషనల్ లావాదేవీలు కొనసాగించాలా వద్దా అన్నది ఎంచుకోవాల్సి వుంటుంది. డొమెస్టిక్ లేదా ఇంటర్నేషనల్ ఆప్షన్లలో ఏదైనా ఒకటి ఎంచుకోవచ్చు. దీనికి తమ అవసరాలకు అనుగుణంగా మార్చుకునే వెసులుబాటు కూడా వుంటుంది. లావాదేవీల మొత్తాన్ని కూడా ఇక్కడే నిర్దేశించుకోవచ్చు. తగిన విధంగా మార్చుకోనూ వచ్చు.

Also read:  ఏపీతోపాటే కేంద్రానికి ధీటుగా సమాధానం.. యాక్షన్ ప్లాన్‌పై కేసీఆర్ కసరత్తు

Related Tags