Drugs in Kashmir: మాదక ద్రవ్యాల చెరలో కాశ్మీర్.. సంవత్సరానికి అక్కడ డ్రగ్స్ వ్యాపారం విలువ ఎంతో తెలిస్తే షాక్ అవ్వాల్సిందే!

Drugs in Kashmir: ”నా పేరు ఖుషీ (పేరు మార్చడం జరిగింది), నాకు 18 సంవత్సరాలు, నేను శ్రీనగర్‌లో నివసిస్తున్నాను. సుదీర్ఘమైన గందరగోళం, కర్ఫ్యూ, లాక్డౌన్, హింస కారణంగా, నా మానసిక ఆరోగ్యం బాగా దెబ్బతింది. నేను డిప్రెషన్ వైపు వెళ్లడం మొదలుపెట్టాను. అదే సమయంలో, నేను నా కాలేజీ స్నేహితులతో ఒకటి లేదా రెండుసార్లు హెరాయిన్ ఇంజెక్షన్లు తీసుకున్నాను. ఈ మత్తు నన్ను అన్ని దుఃఖాల నుండి దూరం చేసినట్లు అనిపించింది. ఇది ప్రారంభంలో సరదాగా ఉండేది, ఆపై నేను బానిసయ్యాను. ఆ తర్వాత నాకు మందుల కోసం ఎక్కువ డబ్బు అవసరం అయింది. నా పాకెట్ మనీ తక్కువగా ఉంది. అందుచేత నేను ఇంట్లో దొంగతనం చేయడం మొదలుపెట్టాను. కానీ వెంటనే ఈ విషయం మా అమ్మా, నాన్నకి తెలిసింది. ఆ తర్వాత నేను డి-అడిక్షన్ సెంటర్‌కు వెళ్లాను, ఇప్పుడు నేను నా ట్రీట్మెంట్ పూర్తి చేస్తున్నాను.”

ఈ కథ కేవలం ఖుషి గురించి మాత్రమే కాదు, ఇది పెద్ద సంఖ్యలో కాశ్మీరీ యువకుల కథ. మిలిటెన్సీ, రాళ్ల దాడి, హింస, కాల్పులు, ఘర్షణలు, తరువాత కఠినమైన కర్ఫ్యూ సంఘటనలు కాశ్మీర్ మొత్తం తరాన్ని నాశనం చేశాయి. ఇప్పుడు కాశ్మీరీ యువత కూడా డ్రగ్స్ ద్వారా పట్టుబడ్డారు. ఈ మొత్తం డ్రగ్స్ కథనంలో చాలా మంది వాటాదారులు ఉన్నారు-బాధిత యువత, వారి కుటుంబం, సమాజం, పోలీసులు, హాస్పిటల్-వైద్యులు ఈ వ్యసనానికి సంబంధించిన చిక్కులను తప్పించే పనిలో నిమగ్నమై ఉన్నారు.

బాలికలు కూడా డ్రగ్స్ బాధితులుగా మారుతున్నారు

ఆల్ జమ్మూ అండ్ కాశ్మీర్  యూత్ వెల్ఫేర్ ఆర్గనైజేషన్ మాదకద్రవ్యాల వ్యసనం కోసం కాశ్మీర్‌లో పనిచేస్తున్న ఒక ఎన్జీవో. దీని శ్రీనగర్ కేంద్రాన్ని కాశ్మీర్ నలుమూలల నుండి మాదకద్రవ్యాలతో బాధపడుతున్న రోగులు సందర్శిస్తారు. ఈ ఎన్జీవో కార్యదర్శి షబ్బీర్ అహ్మద్ మాట్లాడుతూ, ‘కాశ్మీర్‌లో డ్రగ్స్ కేసులు ఎక్కువగా కనిపిస్తున్నాయి. పరిస్థితి తీవ్రంగా ఉంది. మా వద్దకు వస్తున్నా రోగులు కూడా  కాశ్మీర్‌లో డ్రగ్స్ వేగంగా వ్యాప్తి చెందుతున్నాయని చెప్పారు. మా వద్దకు వచ్చిన 99% మంది రోగులు హెరాయిన్‌కు అలవాటు పడ్డారు. ఈ సమస్య టీనేజర్లలో ఎక్కువగా కనిపిస్తుంది. ఇప్పుడు అమ్మాయిలు కూడా పెద్ద సంఖ్యలో దాని బారిన పడుతున్నారు.

1990 నుండి కాశ్మీర్‌లో పరిస్థితి క్షీణించడం ప్రారంభమైంది. దానితో పాటు డ్రగ్స్ సమస్య కూడా పెరిగింది. కాశ్మీర్‌లో ఉద్యోగాలు, ఉపాధి అవకాశాలు ఏమీ లేవు. డ్రగ్స్ మరింత సాధారణం అవుతున్నాయి. ప్రజలు సులభంగా డబ్బు పొందుతున్నారు. డ్రగ్స్ లభ్యత కూడా చాలా సులభం.

గత 30 సంవత్సరాలుగా, కాశ్మీర్ తీవ్రవాద సంఘటనలు, రాళ్ల దాడి, మిలిటెన్సీ, వేర్పాటువాదానికి అపఖ్యాతి పాలైంది. దీర్ఘకాలిక అస్థిరత, 1989 నుండి హింస, కర్ఫ్యూ, భద్రతా దళాలపై వేధింపులు, ఆర్టికల్ 370 రద్దు తర్వాత లాక్డౌన్, అటు తరువాత కరోనా లాక్డౌన్, ఈ కారణాలన్నిటితో ప్రజలు ఎక్కువ కాలం ఇంట్లో ఉండవలసి వచ్చింది. ఈ సమయంలో మానసిక ఒత్తిడి, డిప్రెషన్, మానసిక ఆరోగ్యంపై చెడు ప్రభావం ఉంది. కాశ్మీర్ సరిహద్దులో ఉన్నందున, డ్రగ్స్ సరఫరా చేసే అవకాశం సులభతరంగా ఉంది. దీని కారణంగా, ఇక్కడ  డ్రగ్స్ వ్యాపారం జోరుగా సాగుతోంది.

కాశ్మీర్‌లో గంజాయి, చరస్, అలాగే, గంజాయి ఉత్పత్తి సర్వసాధారణం. ఈ కారణంగా ఇది చాలా కాలంగా ఇక్కడ వినియోగించబడుతోంది. అయితే 2015 నుండి, డ్రగ్స్ ధోరణి వేగంగా మారిపోయింది. హెరాయిన్, కొకైన్, బ్రౌన్ వంటి కాశ్మీర్‌లో తయారు చేయని మందుల వినియోగం పెరిగింది. దీని లింకులు కూడా టెర్రర్‌కు కనెక్ట్ అవుతాయని నిపుణులు చెబుతున్నారు.

డ్రగ్స్ తీసుకుంటున్న యువత ప్రకారం, యువతలో 80% వరకు మాదకద్రవ్యాల బానిసలుగా మారారు. కాశ్మీర్‌లో ఇప్పటివరకు డ్రగ్స్ సమస్యపై వివరణాత్మక సర్వే లేదా అధ్యయనం లేకపోవడం వల్ల డేటా కొరత ఉంది, కానీ అక్కడక్కడ కొంత డేటా ఉంది.

డ్రగ్ డి-అడిక్షన్ సెంటర్లలో తన సేవలను అందించే మెడికల్ ఆఫీసర్ డాక్టర్ మంజూర్ హుస్సేన్, “డ్రగ్స్ ఒక పెద్ద సమస్య, ఈ సమస్య గురించి ప్రజలకు తెలియదు. ఇది వేగంగా విస్తరిస్తోంది. చికిత్సలో మూడు రకాల రోగులు ఉన్నారు. స్వీయ-ప్రేరేపిత కేసులు సులువుగా ఉంటాయి. ఇతర రకాల కేసులు కుటుంబ సభ్యలు తీసుకువస్తారు.  మూడవది పోలీసులు తీసుకువచ్చిన లేదా బలవంతంగా తీసుకువచ్చిన రోగులు. ఈ మొత్తం విషయంలో ఎప్పుడూ మంచి అధ్యయనం జరగలేదు. దీనికి కారణం ప్రజల్లో కూర్చొని ఉన్నదాచిపెట్టే ధోరణి. ‘

మాదకద్రవ్యాల వ్యసనం కేంద్రంతో పనిచేసే నిపుణులు, అనేక మంది బాధితులు మాదకద్రవ్యాల అధిక మోతాదు కూడా చాలా మంది యువత మరణాలకు దారితీసిందని చెప్పారు. సమాజంలో నిషిద్ధం కావడం వల్ల, కుటుంబ సభ్యులు అలాంటి మరణాలను దాచిపెట్టి, గుండెపోటు కారణంగా మరణం అని పిలుస్తారు.

శ్రీనగర్ ఎస్‌ఎస్‌పి జుబైర్ అహ్మద్ ఖాన్ ఇలా అన్నారు, “మాదకద్రవ్యాల సమస్యను సమాజంతో సమన్వయం చేయకుండా నిర్మూలించలేము. దీని కోసం పోలీసులు రెండు రకాల వ్యూహాలను రూపొందిస్తున్నారు. ముందుగా, డ్రగ్స్ సరఫరా దెబ్బతినాలి  రెండవది, బాధితులుగా మారిన యువతను సరైన మార్గంలోకి తీసుకురావాలి. సరఫరా గొలుసును విచ్ఛిన్నం చేయడానికి పోలీసులు చర్యలు తీసుకుంటున్నారు. మరోవైపు, జమ్మూ కాశ్మీర్ పోలీసులు కూడా కాశ్మీర్‌లో మూడు మాదకద్రవ్యాల నిర్మూలన కేంద్రాలను నిర్వహిస్తున్నారు. మాకు ఉత్తరాన బారాముల్లా, దక్షిణాన అనంతనాగ్,  సెంట్రల్‌లో శ్రీనగర్‌లో  కేంద్రాలు ఉన్నాయి. మాదకద్రవ్యాల వ్యసనంపై సమాజంతో కలిసి పనిచేయడం మా ప్రయత్నం. ఇది డ్రగ్స్ బాధితులకు చికిత్స అందించడమే కాకుండా, పోలీసులు, ప్రజల మధ్య బంధాన్ని బలపరుస్తుంది.

డ్రగ్స్ కారణంగా నేరాలు పెరుగుతున్నాయి

2014 నుంచి 2019 వరకు కశ్మీర్‌లో బాల నేరాలు క్రమంగా పెరుగుతున్నాయి. 2014 లో IPC కింద నమోదైన 102 కేసులు మాత్రమే నమోదు అయ్యాయి.  2019 లో ఇది దాదాపు మూడు రెట్లు పెరిగి 299 కి చేరుకుంది.

కాశ్మీర్ ప్రభుత్వ మెడికల్ మెంటల్ హెల్త్ అండ్ న్యూరోసైన్స్ కాశ్మీర్ రాజధాని శ్రీనగర్, అనంతనాగ్ జిల్లాలో డ్రగ్స్ పై  సర్వే నిర్వహించింది. సర్వే ప్రకారం, రెండు జిల్లాలకు చెందిన 17,768 మంది ఏదో ఒక రకమైన మత్తును తీసుకుంటారు. ఈ సంఖ్య మొత్తం జనాభాలో 2%, కానీ షాకింగ్ ఫిగర్ ఏమిటంటే, 90% మాదకద్రవ్యాల వాడకందారులు హెరాయిన్‌కు బానిసలయ్యారు. ఈ సర్వే డిసెంబర్ 2019, జనవరి 2020 మధ్య జరిగింది.

యువతలో డ్రగ్స్ పరిస్థితి ప్రమాదకరంగా ఉందని సర్వేలో కీలక పాత్ర పోషించిన ప్రొఫెసర్ డాక్టర్ యాసిన్ రాథర్ చెప్పారు. ప్రజలు హెరాయిన్‌ను ఇంజెక్షన్, రేకు వంటి వివిధ మార్గాల్లో మత్తులో ముంచెత్తారు. ఆర్థిక కోణం గురించి చెప్పుకోవాల్సి వస్తే, ఈ రెండు జిల్లాల్లోని ప్రజలు ప్రతిరోజూ డ్రగ్స్ కోసం రూ. 3 కోట్ల 70 లక్షలు ఖర్చు చేస్తున్నారు. ఒక గ్రాము హెరాయిన్ రూ .6,000 కి లభిస్తుంది. దీని ప్రకారం, మొత్తం కాశ్మీర్‌లో ప్రతిరోజూ దాదాపు 18 కోట్ల రూపాయలు డ్రగ్స్ కోసం ఖర్చు చేస్తున్నారు. దీని ప్రకారం, కశ్మీర్‌లో వార్షిక డ్రగ్స్ వ్యాపారం విలువ రూ .6,500 కోట్లు.

కాశ్మీర్ నుండి ఈ వేల కోట్ల రూపాయలు ఎక్కడికి వెళ్తున్నాయి? డ్రగ్స్ బాధితులకు ఏమి జరుగుతోంది? ఇది చాలా ఆందోళన కలిగించే విషయం, దీనిపై ప్రభుత్వం మరింత దృష్టి పెట్టాల్సిన అవసరం ఉంది.

Also Read: దేశవ్యాప్తంగా రేపు అన్నదాతల ‘తిరంగా ర్యాలీలు’.. నిరసన ప్రదర్శనలు..హర్యానాలో 5 వేల ట్రాక్టర్లతో ‘మార్చ్’

Bank FD: ఈ బ్యాంకు మూడు సంవత్సరాల ఫిక్స్‌డ్‌ డిపాజిట్లపై అధిక శాతం వడ్డీ.. ఆగస్టు 16 వరకు అవకాశం..!