Bodybuilder: మిస్టర్ వరల్డ్ మణికందన్‏‎పై లైంగిక ఆరోపణలు.. అరెస్ట్ చేసిన పోలీసులు.. అసలు ఏం జరిగింది..

మిస్టర్ వరల్డ్, మిస్టర్ తమిళనాడు టైటిళ్లను గెలుచుకున్న చెన్నైకి చెందిన ఆర్ మణికందన్ అనే బాడీబిల్డర్‎ను పోలీసులు అరెస్ట్ చేశారు. తన మాజీ ప్రియురాలిపై లైంగిక దాడి చేసి బెదిరించినందుకు పూనమల్లి ఆల్ ఉమెన్ పోలీసులు నవంబర్ 21 ఆదివారం అతడిని అరెస్టు చేశారు...

Bodybuilder: మిస్టర్ వరల్డ్ మణికందన్‏‎పై లైంగిక ఆరోపణలు.. అరెస్ట్ చేసిన పోలీసులు.. అసలు ఏం జరిగింది..
Manikandan

మిస్టర్ వరల్డ్, మిస్టర్ తమిళనాడు టైటిళ్లను గెలుచుకున్న చెన్నైకి చెందిన ఆర్ మణికందన్ అనే బాడీబిల్డర్‎ను పోలీసులు అరెస్ట్ చేశారు. తన మాజీ ప్రియురాలిపై లైంగిక దాడి చేసి బెదిరించినందుకు పూనమల్లి ఆల్ ఉమెన్ పోలీసులు నవంబర్ 21 ఆదివారం అతడిని అరెస్టు చేశారు. కొద్ది రోజుల క్రితం చెన్నై కమిషనర్ కార్యాలయంలో 30 ఏళ్ల మహిళ చేసిన ఫిర్యాదు ఆధారంగా కేసు నమోదు చేశారు. 29 ఏళ్ల మణికందన్ చెన్నైలోని ఫిట్‌నెస్ సెంటర్ నడుపుతున్నాడు. అతను దేశ, విదేశాల్లో అనేక బాడీబిల్డింగ్ పోటీలలో పాల్గొన్నాడు. మిస్టర్ వరల్డ్ టైటిల్‌ను మూడుసార్లు, మిస్టర్ తమిళనాడు టైటిల్‌ను నాలుగుసార్లు గెలుచుకున్నాడు. మణికందన్, 30 ఏళ్ల మహిళ అక్టోబర్ 2019లో డేటింగ్ యాప్ ద్వారా కలుసుకున్నారు. నవంబర్ 20, 2021న, మహిళ తన వ్యక్తిగత ఇన్‌స్టాగ్రామ్ ఖాతాలో తీవ్రంగా గాయపడిన తన ముఖం ఫొటోలను పోస్ట్ చేసింది. మణికందన్ తన ముఖంపై కొట్టడంతో గాయాలు అయ్యాయని ఆమె ఆరోపించింది.

“అతను నన్ను కొట్టిన క్షణంలో నా జీవితం తలకిందులైంది. నేను మానసికంగా, శారీరకంగా వేధింపులకు గురయ్యాను. అతను నన్ను కించపరిచాడు” అని ఆమె చెప్పారు. వేధింపులను ఎవరికైనా చెబితే చంపేస్తానని మణికందన్ బెదిరించాడని ఆ మహిళ తన పోస్ట్‌లో పేర్కొంది. మణికందన్ ఇతర మహిళలతో సంబంధం ఉందని పేర్కొన్నారు. అతడిపై న్యాయపరంగా పోరాడతాను అని చెప్పారు. “నేను మణికందన్‌తో లివ్-ఇన్ రిలేషన్‌షిప్‌లో ఉన్నానని కొన్ని మీడియా నివేదికలు పేర్కొన్నాయి, ఇది పూర్తిగా తప్పు. ఇప్పటివరకు ఇచ్చిన నా ఇంటర్వ్యూలను పరిశీలించాల్సిందిగా నేను మీడియాను అభ్యర్థిస్తున్నాను, ”అని మహిళ పేర్కొంది. పూనమల్లి ఆల్ మహిళా పోలీసులు మణికందన్‌ను అరెస్టు చేసి అతని ఫోన్‌ను స్వాధీనం చేసుకున్నారు. దీనిపై విచారణ ప్రారంభించినట్లు పోలీసులు తెలిపారు.

Read Also.. Student Suicide: పాఠశాల బస్ మిస్సయిందని.. 9వ తరగతి చదువుతున్న విద్యార్థి ఏం చేశాడంటే..?

Click on your DTH Provider to Add TV9 Telugu