సంచలనం రేపిన హజీపూర్‌ ఘటన.. 90 రోజుల్లో కేసు విచారణ పూర్తి..!

రాష్ట్ర వ్యాప్తంగా కలకలం రేపిన హాజీపూర్‌లో జరిగిన వరుస హత్యల కేసు విచారణ పూర్తైనట్లు యాదాద్రి భువనగిరి జిల్లా డీసీపీ నారాయణ రెడ్డి వెల్లడించారు. బుధవారం నల్గొండ పోక్సో కోర్టులో మూడు కేసుల్లో ఛార్జీ షీట్ దాఖలు చేసినట్లు ఆయన తెలిపారు. ఈ కేసును ఫాస్ట్ ట్రాక్ కోర్టు విచారించనుందని పేర్కొన్నారు. కేసు విచారణకు భువనగిరి ఏసీపీ భుజంగరావును నియమించారు. అయితే 90 రోజుల్లోనే విచారణ పూర్తి చేసినట్లు డీసీపీ తెలిపారు. ఈ కేసులో ప్రధాన నిందితుడు మర్రి శ్రీనివాస్​ రెడ్డి ప్రస్తుతం వరంగల్ సెంట్రల్ జైల్​లో విచారణ ఖైదీగా ఉన్నాడు.