“మహా”లో కరోనా ఉగ్రరూపం.. ఒక్కరోజే 3752 కేసులు.. 100 మరణాలు..

మహారాష్ట్రలో కరోనా మహమ్మారి విలయ తాండవం చేస్తోంది. గురువారం ఒక్కరోజే.. రికార్డు స్థాయిలో కేసులు నమోదయ్యాయి. కొత్తగా 3752 కరోనా పాజిటివ్ కేసులు నమోదయ్యాయి. దీంతో ఇప్పటి వరకు రాష్ట్ర వ్యాప్తంగా నమోదైన కేసుల సంఖ్య 1,20,504కి చేరింది. గడిచిన 24 గంటల్లో కరోనా బారినపడి 100 మంది మరణించినట్లు మహారాష్ట్ర ఆరోగ్య మంత్రిత్వ శాఖ వెల్లడించింది. దీంతో ఇప్పటి వరకు కరోనా బారినపడి 5,751 మంది మరణించారని పేర్కొంది. ఇక కరోనా నుంచి కోలుకుని 60,838 మంది ఆస్పత్రుల నుంచి డిశ్చార్జ్ అయ్యారని అధికారులు తెలిపారు.

Maharashtra records highest single-day spike with 3752 new #COVID19 cases today, total number of cases stands at 1,20,504. Death toll rises to 5,751 after 100 deaths were reported today. 60,838 patients have been discharged so far including 1672 today: State Health Department

— ANI (@ANI) June 18, 2020

ఇదిలావుంటే.. రాష్ట్రంలో నమోదవుతున్న కేసుల్లో అత్యధికంగా ముంబై మహానగరం నుంచే నమోదవుతుండటం కలకలం రేపుతోంది. గడిచిన 24 గంటల్లో 1,298 కరోనా పాజిటివ్ కేసులు నమోదయ్యాయని అధికారులు తెలిపారు. అంతేకాదు.. 67 మంది కరోనా బారినపడి మరణించారని తెలిపారు. ఇప్పటి వరకు ముంబైలో నమోదైన కరోనా పాజిటివ్ కేసుల సంఖ్య 62,799కి చేరింది. మరణాల సంఖ్య కూడా ముంబై నగరంలోనే అత్యధికంగా ఉంది. ఇప్పటి వరకు కరోనా బారినపడి ఇక్కడ 3,309 మంది మరణించారు.

1298 #COVID19 cases, 518 recoveries & 67 deaths reported in Mumbai today. Total number of cases in the city is now at 62,799, including 31,856 recovered/discharged, 27,634 active cases, & 3,309 deaths: Brihanmumbai Municipal Corporation (BMC0 pic.twitter.com/3Fh5Dyk4h5

— ANI (@ANI) June 18, 2020