Corona Food: కరోనాతో ఆందోళనకు గురవుతున్నారా డార్క్ చాక్లెట్ తినండి.. ఇమ్యూనిటీ పెంచుకోవడానికి ఇవి తీసుకోండి..
Food For Corona Patients: కరోనా మహమ్మారి మనుషుల ఆరోగ్యాలతో ఒక ఆట ఆడుకుంటోంది. వ్యాధి బారిన పడిన సమయంలో కొందరు ఆందోళనతోనే ఎక్కువగా అనారోగ్యానికి గురవుతున్నారు. ఇక మరికొందరు..
Updated on: May 08, 2021 | 6:07 AM
Food For Corona Patients: కరోనా మహమ్మారి మనుషుల ఆరోగ్యాలతో ఒక ఆట ఆడుకుంటోంది. వ్యాధి బారిన పడిన సమయంలో కొందరు ఆందోళనతోనే ఎక్కువగా అనారోగ్యానికి గురవుతున్నారు. ఇక మరికొందరు పూర్తిగా నీరసంగా మారుతున్నారు. అయితే ఇలాంటి సమయంలోనే సరైన పోషకాహారం తీసుకోవాలని సూచిస్తున్నారు నిపుణులు. ఈ నేపథ్యంలోనే తాజాగా భారత ప్రభుత్వం కరోనా రోగులు తీసుకోవాల్సిన ఆహార పదార్థాలకు సంబంధించి ఒక జాబితాను విడుదల చేసింది. ఇందులో భాగంగానే MyGovIndia ఓ ట్వీట్ చేసింది. మరి వీటిలో ఉన్న ఆహార పదార్థాలేంటో ఓసారి చూడండి..
* కరోనా బారిన పడిన వారు శరీరానికి విటమిన్లు, ఖనిజాలు అందడానికి ఐదు రకాలు పండ్లు, కూరగాయలు తీసుకోవాలి.
* కరోనా కారణంగా కలిగే ఆందోళనను అదుపులో పెట్టుకోవడానికి 70 శాతం కొకొవా ఉన్న డార్క్ చాక్లెట్లు తక్కువ మోతాదులో తీసుకోవాలి.
* రోజులో ఒకసారి పసుపు కలిపిన పాలు తాగాలి. ఇది రోగ నిరోధ శక్తిని పెంచుతుంది.
* చాలా మంది కరోనా రోగులు వాసన గుణాన్ని కోల్పోతున్నారు. దీంతో ఆహారం తీసుకోవడానికి ఆసక్తి చూపించట్లేదు. కాబట్టి తక్కువ మోతాదులో ఎక్కువసార్లు తినే ప్రయత్నం చేయాలి.
* రాగి, ఓట్స్లాంటి తృణ ధాన్యాలను తీసుకునే ప్రయత్నం చేయాలి.
* ఇక ప్రోటీన్ ఎక్కువగా లభించే చికెన్, ఫిష్, గుడ్లు, పనీర్, సోయా, కాయగింజలు, బాదాం, వాల్నట్స్, ఆలివ్ ఆయిల్ వంటి వాటిని ఆహారంలో భాగం చేసుకోవాలని ప్రభుత్వం సూచిస్తోంది.
భారత ప్రభుత్వం చేసిన ట్వీట్..
Are you looking for natural ways to boost your immunity? We’ve got you covered! Here’s few general measures which you can follow to boost your immunity organically amidst #COVID19. #StayHomeStaySafe#IndiaFightsCorona @MoHFW_INDIA @MIB_India @PIB_India pic.twitter.com/KfKk2pLyeL
— MyGovIndia (@mygovindia) May 6, 2021
Also Read: తెలంగాణ ప్రభుత్వం కీలక నిర్ణయం.. నైట్ కర్ఫ్యూ పొడిగింపు.. ఉత్తర్వులు జారీ..
వెల్లుల్లితో నిజంగానే బీపీని కంట్రోల్ చేయవచ్చా ? దీంతో కలిగే ప్రయోజనాలెంటో తెలుసుకుందామా..
