పవన్‌ కళ్యాణ్ ఫ్యాన్స్‌ని టార్గెట్‌ చేసిన క్రిష్

ఎంతో చక్కగా ఇంటిపనులన్నీ చేసేశారు. ఈ నేపథ్యంలో ఆ ఛాలెంజ్‌ని సామాన్య జనంలోకి తీసుకెళ్లాలనుకున్నారు క్రిష్. దాంతో క్రిష్ సెలబ్రిటీలను కాకుండా.. పవన్ కళ్యాణ్ ఫ్యాన్స్‌ని టార్గెట్ చేస్తూ..

TV9 Telugu Digital Desk | Edited By: |
Updated on: Apr 24, 2020 | 6:38 PM

ప్రస్తుతం తెలుగు ఇండస్ట్రీలో ఛాలెంజ్‌ల పరంపర నడుస్తోంది. ఎప్పుడూ తీరికలేని సెలబ్రిటీలు ప్రస్తుతం లాక్‌డౌన్ కారణంగా ఇళ్లకే పరిమితమయ్యారు కదా!. దీంతో రకరకాల ఛాలెంజ్‌లను విసురుకుంటున్నారు. అందులో భాగంగానే అర్జున్ రెడ్డి డైరెక్టర్ సందీప్ వంగా మగవారికి ‘బీ ద రియల్ మెన్’ అనే ఛాలెంజ్ విసిరిన విషయం తెలిసిందే కదా. ఇప్పుడు దీన్నిసెలబ్రిటీలందరూ స్వీకరిస్తూ.. ఇంటిపనులు చేస్తూ సోషల్ మీడియాలో వీడియోలను పోస్ట్ చేస్తున్నారు.

ఇప్పుడు ఇది కాస్తా.. డైరెక్టర్ క్రిష్ వద్దకి చేరుకుంది. దీంతో ఆయన కూడా ఈ ఛాలెంజ్‌ని స్వీకరించి.. ఎంతో చక్కగా ఇంటిపనులన్నీ చేసేశారు. ఈ నేపథ్యంలో ఆ ఛాలెంజ్‌ని సామాన్య జనంలోకి తీసుకెళ్లాలనుకున్నారు క్రిష్. దాంతో క్రిష్ సెలబ్రిటీలను కాకుండా.. పవన్ కళ్యాణ్ ఫ్యాన్స్‌ని టార్గెట్ చేస్తూ.. ఛాలెంజ్ విసిరారు.

ఈ మేరకు ఆయన ట్వీట్ చేస్తూ.. కీరవాణి గారు ఇచ్చిన సవాల్ పూర్తి చేశాను. ఇప్పుడు ఈ ఛాలెంజ్‌ని ప్రపంచవ్యాప్తంగా ఉన్న పవన్‌ కళ్యాణ్ ఫ్యాన్స్ స్వీకరించాలని కోరుతున్నా. ఈ ఛాలెంజ్ ద్వారా ఇంటి పనులు చేసి తమ ఇళ్లలోని ఆడవారికి సాయపడాలని కోరుకుంటున్నా అని పేర్కొన్నారు క్రిష్. ఇప్పుడు క్రిష్ చేసిన ఈ ఛాలెంజ్‌కి ఏ రేంజ్‌లో స్పందన వస్తుందో చూడాలి.

Here you go @mmkeeravaani sir .. and I’m nominating each n every #PSPKFan all over the world for the #BeTheRealMan challenge in helping our women in household chores. pic.twitter.com/5tXi1i7lQP

— Krish Jagarlamudi (@DirKrish) April 23, 2020