JNTUH: విద్యార్థులందరికీ పైథాన్ ప్రోగ్రామింగ్ లాంగ్వేజ్‌.. జేఎన్‌టీయూహెచ్ కీలక నిర్ణయం..

JNTU-Hyderabad: తెలంగాణ రాష్ట్రంలో పెరుగుతున్న ఐటీ ఉద్యోగాల డిమాండ్‌తో హైదరాబాద్ జెఎన్‌టీయూ కీలక నిర్ణయం తీసుకుంది. వచ్చే అకాడమిక్ సంవత్సరం నుంచి విద్యార్థులందరికీ పైథాన్ ప్రోగ్రామింగ్ లాంగ్వేజ్‌ (Python programming language) ను బోధించేలా తప్పనిసరి చేసింది. కంప్యూటర్ సైన్స్ డిపార్ట్మెంట్ ఏ కాకుండా కాలేజ్‌లోని ప్రతి విద్యార్థికి ఈ పైథాన్ లాంగ్వేజ్‌ని తప్పనిసరి బోధించాలని.. జేఎన్‌టీయూహెచ్ ఆదేశించింది. పైథాన్ ప్రోగ్రామింగ్ లాంగ్వేజ్ అనేది ఒక ప్రముఖ ప్రోగ్రామింగ్ లాంగ్వేజ్.. వెబ్ డెవలప్‌మెంట్, సాఫ్ట్‌వేర్ డెవలప్‌మెంట్, సిస్టమ్ స్క్రిప్టింగ్, డేటాబేస్ సిస్టమ్ కనెక్టివిటీ, డేటా హ్యాండిల్, కాంప్లెక్స్ మ్యాథమెటిక్స్ లాంటి వాటి కోసం పైథాన్ ప్రోగ్రామింగ్ లాంగ్వేజ్‌ను ఉపయోగిస్తారు. పైథాన్ ప్రోగ్రామింగ్ లాంగ్వేజ్‌కు డిమాండ్ పెరుగుతున్నందున, జవహర్‌లాల్ నెహ్రూ టెక్నలాజికల్ యూనివర్శిటీ-హైదరాబాద్ ఈ నిర్ణయం తీసుకుంది. వచ్చే విద్యా సంవత్సరం నుంచి ఈ పైథాన్ ప్రోగ్రామింగ్ లాంగ్వేజ్ నీ ప్రతి విద్యార్థి నేర్చుకోవాలని తప్పనిసరి చేసింది.

అన్ని ఇంజినీరింగ్, బిజినెస్ మేనేజ్‌మెంట్ ప్రోగ్రామ్‌లకు ఈ పైథాన్ లాంగ్వేజ్ కచ్చితంగా అవసరం. ఎందుకంటే విద్యార్థులకు ఉద్యోగం సంపాదించడంలో ఈ పైథాన్ లాంగ్వేజ్ సహాయపడుతుంది. దీంతోపాటు ఉపాధి నైపుణ్యాలును పొందడంలోనూ ఇది సహాకరిస్తుంది. తాజాగా జే.ఎన్.టి.యూ.హెచ్‌లో జరిగిన బోర్డు మీటింగ్‌లో యూజీ, పీజీ సిలబస్‌లో ఈ ప్రోగ్రాం లాంగ్వేజ్‌ను చేర్చాలని యూనివర్సిటీ నిర్ణయించింది.

ఈ పైథాన్ ప్రోగ్రామింగ్ లాంగ్వేజ్ ప్రస్తుతం యూనివర్సిటీలో ఎలక్టివ్‌గా అందుబాటులో ఉంది. కానీ పైథాన్ ప్రోగ్రామింగ్ లాంగ్వేజ్ నిపుణులకు బయట అధిక డిమాండ్ ఉంది. ఈ మేరకు డిపార్ట్‌మెంట్‌తో సంబంధం లేకుండా విద్యార్థులందరూ నేర్చుకోవలని సూచించింది.

ఇవి కూడా చదవండి

పెంపుడు కుక్కను అనాధగా విడిచిపెట్టిన యజమాని..బేబీ గర్ల్ కోసం కన్నీటి లేఖ..! కారణం తెలిస్తే కన్నీళ్లే..

BJP: మూడు రోజులు హైదరాబాద్‌లోనే ప్రధాని మోదీ, అమిత్‌ షా.. తెలంగాణలో అధికారమే టార్గెట్‌గా బీజేపీ..

ఇప్పుడున్న ఎలక్ట్రికల్స్ కోర్సులు పక్కనపెడితే జేఎన్టీయూహెచ్‌లో కొత్త కోర్సులలో 3D ప్రింటింగ్, ఏ.ఐ, ఆటోమేషన్ & రోబోటిక్స్, సైబర్ సెక్యూరిటీ లాంటి కోర్సులను స్టార్ట్ చేస్తున్నారు. దీంతో.. విద్యార్థులు డిపార్ట్‌మెంట్‌తో సంబంధం లేకుండా ఈ కోర్సులలో ఏదైనా కోర్సును సెలెక్ట్ చేసుకునేందుకు ప్రణాళిక రూపొందించారు.

-విధయ్, టీవీ9 తెలుగు ప్రతినిధి, హైదరాబాద్

మరిన్ని కెరీర్ వార్తల కోసం ఇక్కడ క్లిక్ చేయండి..