Coast Guard Recruitment: ఇండియన్‌ కోస్ట్‌గార్డ్‌లో భారీగా ఉద్యోగాలు.. ఎవరు అర్హులు.? ఎలా దరఖాస్తు చేసుకోవాలి.?

Coast Guard Recruitment: ఇండియన్‌ కోస్ట్‌గార్డ్‌ పలు పోస్టుల భర్తీకి నోటిఫికేషన్‌ జారీ చేసింది. యూనియన్ ఆర్మ్‌డ్‌ ఫోర్సెస్‌లో 01/ 2023 బ్యాచ్ ప్రవేశాలకు సంబంధించి ఈ పోస్టులను భర్తీ చేయనున్నారు. ఇందులో భాగంగా పలు విభాగాల్లో ఉన్న నావిక్‌, యాంత్రిక్‌ ఖాళీలను రిక్రూట్‌ చేయనున్నారు. ఈ పోస్టులకు కేవలం పురుషులు మాత్రమే దరఖాస్తు చేసుకోవాల్సి ఉంటుంది. ఏయే విభాగాల్లో ఎన్ని ఖాళీలు ఉన్నాయి.? ఎలా దరఖాస్తు చేసుకోవాలి.? లాంటి పూర్తి వివరాలు మీకోసం..

భర్తీచేయనున్న ఖాళీలు, అర్హతలు..

* నోటిఫికేషన్‌లో భాగంగా మొత్తం 300 ఖాళీలను భర్తీ చేయనున్నారు.

* వీటిలో నావిక్(జనరల్ డ్యూటీ) (225), నావిక్(డొమెస్టిక్ బ్రాంచ్) (40), యాంత్రిక్(మెకానికల్) (16), యాంత్రిక్(ఎలక్ట్రికల్) (10), యాంత్రిక్(ఎలక్ట్రానిక్స్) (09) ఖాళీలు ఉన్నాయి.

* పైన తెలిపిన పోస్టులకు దరఖాస్తు చేసుకునే అభ్యర్థులు పదో తరగతి, 10+2(మ్యాథ్స్ & ఫిజిక్స్), డిప్లొమా (ఎలక్ట్రికల్/ మెకానికల్/ ఎలక్ట్రానిక్స్ & టెలికమ్యూనికేషన్ (రేడియో/ పవర్)) ఇంజినీరింగ్ ఉత్తీర్ణత సాధించి ఉండాలి.

* అభ్యర్థుల వయసు 18 నుంచి 22 ఏళ్ల మధ్య ఉండాలి.

ముఖ్యమైన విషయాలు..

* ఆసక్తి, అర్హత ఉన్న అభ్యర్థులు ఆన్‌లైన్‌ విధానంలో దరఖాస్తు చేసుకోవాల్సి ఉంటుంది.

* అభ్యర్థులను రాత పరీక్ష, ఫిజికల్ ఫిట్‌నెస్ టెస్ట్, డాక్యుమెంట్ వెరిఫికేషన్, మెడికల్ ఎగ్జామినేషన్ తదితరాల ఆధారంగా ఎంపిక చేస్తారు.

* నావిక్‌ పోస్టులకు ఎంపికైన వారికి బేసిక్‌ పేగా రూ. 21,700, యాంత్రిక్‌ పోస్ట్‌లకు ఎంపికైన వారికి రూ. 29,200 చెల్లిస్తారు.

* ఆన్‌లైన్‌ దరఖాస్తుల స్వీకరణకు 08-096-2022న ప్రారంభమవుతుండగా 22-09-2022తో ముగియనుంది.

* నోటిఫికేషన్‌ కోసం క్లిక్‌ చేయండి..

* పూర్తి వివరాల కోసం క్లిక్‌ చేయండి..

మరిన్ని విద్య, ఉద్యోగ వార్తల కోసం క్లిక్‌ చేయండి..