APPSC Recruitment: హార్టికల్చర్‌లో డిగ్రీ చదివిన వారికి గుడ్‌న్యూస్.. భారీ వేతనంతో ఉద్యోగాలు.. రేపే లాస్ట్‌డేట్.. ఎలా అప్లై చేసుకోవాలంటే..

APPSC Recruitment 2021: ఆంధ్రప్రదేశ్ లోని నిరుద్యోగులకు గుడ్ న్యూస్.. గత కొన్ని రోజులుగా ఏపీ పబ్లిక్ సర్వీస్ కమిషన్ వరసగా ఉద్యోగాల భర్తీ కోసం అర్హులైన అభ్యర్థులను ఆహ్వానిస్తూ.. నోటిఫికేషన్ విడుదల చేస్తున్న సంగతి తెలిసిందే.. ఈ నేపథ్యంలో హార్టికల్చర్ సర్వీస్ లో వివిధ ప్రాంతాల్లో పోస్టుల భర్తీ కోసం దరఖాస్తులను స్వీకరిస్తుంది. గత నెల 11నుంచి అప్లికేషన్ ను స్వీకరిస్తున్నారు. అయితే ఈ పోస్టులకు దరఖాస్తు చేసుకోవడానికి రేపే చివరి తేదీ.. అర్హత, ఆసక్తి ఉన్న అభ్యర్థులు రేపు సాయంత్రంలోగా (నవంబర్ 2 )లోగా దరఖాస్తు చేసుకోవాల్సి ఉంది. ఈ నోటిఫికేషన్ లో 39 ఖాళీలను భర్తీ చేస్తుంది. అప్లై చేసుకోవాలనుకునేవారికి.. మరిన్ని వివరాలు, ఎలా దరఖాస్తు చేసుకోవాలి .. మీ కోసం

రాష్ట్ర వ్యాప్తంగా మొత్తం ఖాళీలు -39

జోనల్ వారీగా ఖాళీల వివరాలు:

జోన్ 1 లో విశాఖపట్నం, విజయనగరం, శ్రీకాకుళం ఉన్నాయి. ఈ జోన్ లో మొత్తం 5 పోస్టులను భర్తీ చేయనున్నారు. ఇక జోన్ రెండు లో తూర్పుగోదావరి, పశ్చిమగోదావరి, కృష్ణ జిల్లాలు ఉన్నాయి. ఈ మూడు జిలాల్లో మొత్తం 13 పోస్టులను భర్తీ చేయడానికి దరఖాస్తులను ఆహ్వానిస్తుంది. ఇక జోనల్ మూడులో గుంటూరు, ప్రకాశం, నెల్లూరు జలాలు ఉన్నాయి. ఈ జిలాల్లో 11 పోస్టులను భర్తీ చేయనున్నారు. ఇక జోనల్ నాలుగులో చిత్తూరు, కడప, కర్నూలు, అనంతరపురం జిల్లాలు ఉన్నాయి. రాయలసీమ పరిధిలోని ఈ జిలాల్లో మొత్తం 10 ఖాళీలను భర్తీ చేయనున్నారు.

విద్యార్హతలు: ఏదైనా గుర్తింపు పొందిన యూనివర్సిటీ నుంచి హార్టికల్చర్ సబ్జెక్ట్‌తో నాలుగేళ్ల బీఎస్సీ లేదా బీఎస్సీ హానర్స్ ఉత్తీర్ణులై ఉండాలి.

వయస్సు: దరఖాస్తు చేసుకొనే అభ్యర్థులకు 2021 జూలై 1వ తేదీకి 18 నిండి ఉండాలి. గరిష్టం 42 ఏళ్లు మించరాదు. అయితే ఎస్సీ, ఎస్టీ, బిసి, ఈడబ్ల్యూఎస్ అభ్యర్థులకు 5 ఏళ్ళు, దివ్యంగులకు 10 ఏళ్ళు సడలింపు ఉంది.

దరఖాస్తు ఫీజు- జనరల్ కేటగిరికి చెందిన అభ్యర్థులు అప్లికేషన్ ఫీ: రూ.250 , పరీక్ష ఫీజు రూ.120 చెల్లించాలి. అదే ఎస్సీ, ఎస్టీ, బిసి, దివ్యాంగులు, ఎక్స్-సర్వీస్‌మెన్‌ లకు దరఖాస్తు ఫీజులో మినహాయింపు ఉంది. అయితే వీరు పరీక్ష ఫీజు రూ.120 చెల్లించాల్సి ఉంది.

ఎంపిక: కంప్యూటర్ బేస్డ్ టెస్ట్ ని నిర్వహిస్తారు.

దరఖాస్తు చేసుకోవడానికి ఆసక్తిగల అభ్యర్థులు పూర్తి వివరాల కోసం …Horticulture Offier-28092021

దరఖాస్తు చేసుకోవడానికి ఈ లింక్ ని క్లిక్  చేయండి.. https://psc.ap.gov.in/

Also Read:  ధన్‌తేరాస్ వేళ బంగారం, వెండి వస్తువులను కొంటే శుభం.. ఇవి కొంటే మాత్రం కష్ఠాలు కొని తెచ్చుకున్నట్లే..