AP SSC Supply Exams 2025: టెన్త్‌ సప్లిమెంటరీ పరీక్షకు ‘ఒకేఒక్కడు’.. ఇన్విజిలేటర్లు మాత్రం ముగ్గురు! పెద్ద పరీక్షే…

కొత్తూరు, మే 23: ఆంధ్రప్రదేశ్‌ రాష్ట్ర వ్యాప్తంగా పదో తరగతి అడ్వాన్స్‌డ్‌ సప్లిమెంటరీ పరీక్షలు జరుగుతున్న సంగతి తెలిసిందే. గత మార్చిలో జరిగిన పబ్లిక్‌ పరీక్షల్లో ఫెయిలైన విద్యార్ధులతోపాటు ఇంప్రూవ్‌మెంట్‌ పరీక్షలు రాసే విద్యార్ధులందరికీ ఈ పరీక్షలు జరుగుతున్నాయి. మే 19న ప్రారంభమైన సప్లిమెంటరీ పరీక్షలు మే 28వ తేదీ వరకు జరగనున్నాయి. ఈ పరీక్షల్లో భాగంగా మే 20వ తేదీన హిందీ పరీక్ష నిర్వహించారు.

అయితే ఆ రోజు ఓ పరీక్ష కేంద్రంలో జరిగిన హిందీ పరీక్షకు కేవలం ఒకేఒక్క విద్యార్ధి హాజరయ్యాడు. ఆ విద్యార్ధి కోసం ఏకంగా ముగ్గురు ఇన్విజిలేటర్లు విధులు నిర్వహించారు. వీరితోపాటు పోలీసు సిబ్బంది కూడా ఆ పాఠశాలకు కేటాయించారు. ముగ్గురు పరీక్షా నిర్వాహకుల మధ్య ఒకే ఒక్క విద్యార్థి హిందీ పరీక్ష రాయడం విశేషం. ఈ ఘటన అల్లూరి జిల్లాలోని జీ మాడుగుల మండలం కొత్తూరు బాలుర ఆశ్రమ పాఠశాల చోటు చేసుకుంది. వివరాల్లోకెళ్తే..

అల్లూరి జిల్లాలోని జీ మాడుగుల మండలం కొత్తూరు బాలుర ఆశ్రమ పాఠశాల-1 పరీక్ష కేంద్రంలో మే 20 (మంగళవారం) నిర్వహించిన హిందీ పరీక్ష ఒకేఒక్క విద్యార్థి రాశాడు. గెమ్మెలి శివాజీ అనే విద్యార్ధి హిందీపరీక్ష రాస్తుండగా ఒక ఇన్విజిలేటర్, ఒక చీఫ్‌ సూపరింటెండెంట్, ఒక డీఓ అధికారులు పర్యవేక్షించారు. వీరితోపాటు పోలీసు సిబ్బందిని ఆ కేంద్రానికి కేటాయించారు. అలాగే జీ మాడుగులలోని గురుకుల పాఠశాలలో కూడా ఇదే రీతిలో ఇద్దరు విద్యార్ధులు మాత్రమే పరీక్ష రాశారు. ఇక మండల పరిధిలోని గాంధీనగర్‌ కేంద్రంలో ఏడు మంది పరీక్ష రాసినట్లు ఎంఈవో చిట్టపులి బాబురావు తెలిపారు. ఆ తర్వాత రోజు నుంచి జరుగుతున్న మిగిలిన అన్ని పరీక్షలకు ఎక్కువమంది విద్యార్థులు హాజరవుతున్నట్లు ఆయన తెలిపారు.

ఇవి కూడా చదవండి

ఒక్కగానొక్క కూతురు.. తండ్రి కళ్ల ముందే రాలిన ప్రాణం!

ఒకేసారి ఇంటర్‌ పాసైన తండ్రీకొడుకులు.. నాన్నకే ఎక్కువ మార్కులు!

తాతకు మళ్లీ పెళ్లంటే ఎగిరి గంతేశాడు.. కట్‌చేస్తే సీన్ సితార్!

'రష్యా-ఉక్రెయిన్‌ కాల్పుల విరమణకు అంగీకరించాయ్.. ఇదంతా నేనే చేశా'

మరిన్ని విద్యా, ఉద్యోగ వార్తల కోసం క్లిక్‌ చేయండి.