Income Tax: పన్ను చెల్లింపుదారులకు అలర్ట్.. చాలా ప్రాధాన్యమైనది మర్చిపోతున్నారు? ఎంత నష్టమో తెలుసా?
ఐటీఆర్ ఫైలింగ్ చేసే ముందే పన్ను చెల్లింపుదారులు తమ బ్యాంకు ఖాతాలను ప్రీ వ్యాలిడేట్ చేయించుకోవాలి. ఇన్ కమ్ ట్యాక్స్ డిపార్ట్ మెంట్ నుంచి ట్యాక్స్ రిఫండ్ కాక ముందే దీనిని పూర్తి చేయాలి. ఇది చాలా ప్రాధాన్యమైనది. అది ఎలా చేయాలి? అందుకు ఏమి కావాలి? చూద్దాం రండి..
Madhu |
Updated on: May 12, 2023 | 11:30 AM
కొత్త ఆర్థిక సంవత్సరం ప్రారంభమైంది. మే నెల ప్రారంభం అవడంతోనే పన్ను చెల్లింపు దారుల్లో హడావుడి ఆరంభం అవుతుంది. ఇన్ కమ్ ట్యాక్స్ రిటర్న్ ఫైలింగ్ చేసేందుకు ముమ్మర కసరత్తు చేస్తుంటారు. వాస్తవానికి జూలై 31 వరకూ ఇన్ కమ్ ట్యాక్స్ రిటర్న్ ఫైల్ చేయడానికి సమయం ఉంది. కానీ ట్యాక్స్ పేయర్స్ వీలైనంత త్వరగా ప్రక్రియ ప్రారంభించి ముగించడం మేలు. ఎందుకంటే పన్ను చెల్లింపు దారులు అన్ని రకాల లెక్కలు, క్లయిట్ సెటిల్మెంట్స్, అకౌంటింగ్ పే స్లిప్స్, డిడక్షన్స్ వంటివి సరిచూసుకోవాల్సి ఉంటుంది. ఈ హడావుడిలో పడి పన్ను చెల్లింపు దారులు ప్రాథమిక విషయాన్ని మర్చిపోతుంటారు. అదే ఇన్ కమ్ ట్యాక్స్ ఫైలింగ్ లో మొదటి స్టెప్.. ప్రీ వ్యాలిడేటింగ్ బ్యాంక్ అకౌంట్. అంటే మీ బ్యాంకు ఖాతాను ఇన్ కమ్ ట్యాక్స్ డిపార్ట్ మెంట్ తో ధ్రువీకరించుకోవడం. చాలా మంది దీనిని మరచిపోయి తమ హార్డ్ నగదును కోల్పోతారు.
బ్యాంకు అకౌంట్ ప్రీ వ్యాలిడేట్ అంటే..
ఐటీఆర్ ఫైలింగ్ చేసే ముందే పన్ను చెల్లింపుదారులు తమ బ్యాంకు ఖాతాలను ప్రీ వ్యాలిడేట్ చేయించుకోవాలి. ఇన్ కమ్ ట్యాక్స్ డిపార్ట్ మెంట్ నుంచి ట్యాక్స్ రిఫండ్ కాక ముందే దీనిని పూర్తి చేయాలి. ఇది చాలా ప్రాధాన్యమైనది. అది ఎలా చేయాలి? అందుకు ఏమి కావాలి? చూద్దాం రండి..
ప్రీ వ్యాలిడేషన్ కు ఇవి తప్పనిసరి..
- మీ పాన్ నంబర్ ఆధార్ కార్డు తో లింక్ అయ్యి ఉండాలి.
- అలాగే మీ పాన్ కార్డు ఐటీ డిపార్ట్ మెంట్ కు చెందిన ఈ ఫైలింగ్ ఫెసిలిటీతో కూడా లింక్ అయ్యి ఉండాలి.
- పన్ను చెల్లింపు దారులు ఐటీఆర్ ఈ ఫైలింగ్ పోర్టల్ లో రిజిస్టర్ అయ్యి ఉండాలి.
- వర్కింగ్ లో ఉన్న బ్యాంకు ఖాతా నంబరు, ఆ ఖాతాకు సంబంధించిన ఐఎఫ్ఎస్సీ కోడ్ ఉండాలి.
బ్యాంకు ఖాతాను ఇలా వ్యాలిడేట్ చేయాలి..
- ఇన్ కమ్ ట్యాక్ డిపార్ట్ మెంట్ అధికారిక వెబ్ సైట్ లోకి వెళ్లాలి.
- మీ పాన్ లేదా ఆధార్ వినియోగించి లాగిన్ చేయాలి.
- ఆ తర్వాత మై ప్రోఫైల్ సెక్షన్ లోకి వెళ్లి మై బ్యాంక్ అకౌంట్ ఆప్షన్ ను సెలెక్ట్ చేసుకోవాలి.
- దాని నుంచి యాడ్ బ్యాంక్ అకౌంట్ ఆప్షన్ ను ఎంపిక చేసుకోవాలి.
- ఆ తర్వాత ఓపెన్ అయిన ఫారంలో మీ పేరు, బ్యాంకు అకౌంట్ నంబర్, టైప్, ఎఫ్ఎస్సీ కోడ్, బ్యాంక్ పేరు వంటి వివరాలు పూర్తి చేయాలి.
- వివరాలు అన్ని సరిచూసుకొని వ్యాలిడేట్ ఆప్షన్ పై క్లిక్ చేసి అన్ని సరిగ్గా ఉన్నతర్వాత సబ్మిట్ కొట్టాలి.
ఈ ప్రక్రియ అంతా పూర్తయిన తర్వాత వ్యాలిడేషన్ స్టేటస్ మీ రిజిస్టర్డ్ ఈ మెయిల్ అడ్రస్, మొబైల్ నంబర్ కు వస్తుంది. ఈ స్టేటస్ 10 నుంచి 12 రోజుల్లో పూర్తి స్థాయిలో అప్ డేట్ అవుతుంది. పన్ను చెల్లింపు దారులు ఈ ప్రీ వ్యాలిడేషన్ స్టేటస్ ను ఇన్ కమ్ ట్యాక్స్ డిపార్ట్ మెంట్ సైట్ లోకి లాగిన్ అయ్యి మై బ్యాంక్ అకౌంట్ సెక్షన్ లోకి వళ్లి కూడా చెక్ చేసుకోవచ్చు.
మరిన్ని బిజినెస్ వార్తల కోసం ఇక్కడ క్లిక్ చేయండి..
