Aadhaar Card: ఆధార్ కార్డ్‌లో ఫొటో తప్పు పడిందా.. ఆన్‌లైన్‌లో మార్చలేరు.. ఇలా చేయాల్సిందే..?

Aadhaar Card: ప్రతి భారతీయ పౌరుడి వద్ద ఉండాల్సిన ముఖ్యమైన పత్రాలలో ఆధార్ కార్డ్ ఒకటి. దీనిని యూనిక్ ఐడెంటిఫికేషన్ అథారిటీ ఆఫ్ ఇండియా (UIDAI) జారీ చేస్తుంది. ఇది 12 అంకెల గుర్తింపు సంఖ్య. ఇందులో బయోమెట్రిక్స్, ఫోటో, చిరునామా మొదలైన సమాచారం ఉంటుంది. అయితే ఇందులో ఏవైనా తప్పులుంటే మార్చుకోవడానికి UIDAI వెసులుబాటు కల్పిస్తోంది. ఈ వివరాలను ఆన్‌లైన్‌లో లేదా ఆఫ్‌లైన్‌లో అప్‌డేట్ చేసుకోవచ్చు. రెటీనా స్కాన్‌, వేలిముద్రలు, ఫొటో వంటివి మార్చుకోవాలంటే కచ్చతంగా సమీపంలోని ఆధార్ ఎన్‌రోల్‌మెంట్ కేంద్రాన్ని సందర్శించాల్సి ఉంటుంది. ఆధార్ కార్డ్ హోల్డర్ ఇందుకోసం రూ.100 (అదనంగా GST) చెల్లించాలి. అంతేకాకుండా UIDAI వెబ్‌సైట్‌లో ప్రక్రియను సులభంగా తనిఖీ చేయవచ్చు. మార్చబడిన వివరాలు ఆధార్ పోర్టల్‌లో కనిపించడానికి 90 రోజులు పడుతుంది. ఈ సాధారణ పద్దతులను అనుసరించడం ద్వారా ఎవరైనా తమ ఫోటోను Aahdaar కార్డ్‌లో మార్చుకోవచ్చు.

ఫోటోను అప్‌డేట్ చేయాలంటే ఇలా చేయండి..

1. అధికారిక వెబ్‌సైట్ కి వెళ్లండి.

2. తర్వాత ఆధార్ కార్డ్ హోల్డర్ ఆధార్ ఎన్‌రోల్‌మెంట్ ఫారమ్‌ను డౌన్‌లోడ్ చేసి అందులో అడిగిన వివరాలను నింపండి.

3. తర్వాత దగ్గరలో ఉన్న ఆధార్ ఎన్‌రోల్‌మెంట్ సెంటర్‌లో ఫారమ్‌ను సమర్పించాలి.

4. ఎగ్జిక్యూటివ్ వివరాలను క్రాస్-చెక్ చేసిన తర్వాత ఆధార్ కార్డ్ హోల్డర్ కొత్త ఫొటో తీస్తారు.

5. ఇప్పుడు ఆధార్ కార్డ్ హోల్డర్ రూ.100 ప్లస్ GST చెల్లించాల్సి ఉంటుంది.

6. చెల్లింపు పూర్తయిన తర్వాత వ్యక్తి అప్‌డేట్ రిక్వెస్ట్ నంబర్ (URN)తో రసీదు స్లిప్‌ అందిస్తారు.

7. వివరాలు 90 రోజుల్లో అప్‌డేట్ అవుతాయి.

8. URN నంబర్‌తో డాక్యుమెంట్ హోల్డర్ UIDAI వెబ్‌సైట్‌లో ఆధార్ కార్డ్ అప్‌డేట్ స్థితిని తనిఖీ చేసుకునే అవకాశం ఉంటుంది.

9. ఆన్‌లైన్‌లో సెల్ఫ్ సర్వీస్ ద్వారా ఫొటోని అప్‌డేట్‌ చేయలేరని గుర్తుంచుకోండి.

SBI Customers: ఎస్బీఐ ఖాతాదారులకు స్పెషల్ ఆఫర్.. వడ్డీ కోల్పోకుండా బెనిఫిట్స్‌ పొందే అవకాశం..

Cashew: కాల్చిన జీడిపప్పులతో ఆ వ్యాధి కంట్రోల్‌ చేయొచ్చు.. రోగనిరోధక శక్తి పెంచవచ్చు..?

Earthquake: నార్త్‌ ఇండియాలో భూకంపాలు ఎక్కువ.. రెండు నెలల్లో100 సార్లు ప్రకంపనలు.. కారణం ఏంటంటే..?