Credit Card: ఈ బ్యాంకు క్రెడిట్ కార్డు తీసుకుంటే ఉచితంగా హెల్త్‌ చెకప్‌.. వీటిలో భారీ డిస్కౌంట్‌..!

Credit Card: ప్రభుత్వ రంగ బ్యాంకు అయిన యూనియన్‌ బ్యాంక్‌ ఆఫ్‌ ఇండియా (UBI) సరికొత్త క్రెడిట్‌ కార్డును అందుబాటులోకి తీసుకువచ్చింది. నేషనల్ పేమెంట్స్ కార్పొరేషన్..

Updated on: Sep 20, 2021 | 6:04 PM

Credit Card: ప్రభుత్వ రంగ బ్యాంకు అయిన యూనియన్‌ బ్యాంక్‌ ఆఫ్‌ ఇండియా (UBI) సరికొత్త క్రెడిట్‌ కార్డును అందుబాటులోకి తీసుకువచ్చింది. నేషనల్ పేమెంట్స్ కార్పొరేషన్ ఆఫ్ ఇండియా(NPCI)తో చేతులు కలిపిన యూబీఐ.. యూనియన్ బ్యాంక్ రూపే వెల్‌నెస్ కాంటాక్ట్‌లెస్ క్రెడిట్ కార్డును అందుబాటులోకి తీసుకువస్తోంది. కస్టమర్ల లైఫ్ స్టైల్ యాక్టివిటీస్ కోసం క్రెడిట్ కార్డును వాడటం కోసమే ప్రత్యేకంగా దీనిని రూపొందించారు. ఈ క్రెడిట్ కార్డు ద్వారా వినియోగదారులు తమ ఫిట్‌నెస్, ఆరోగ్యం, పర్సనల్ కేర్, లైఫ్ స్టైల్ మీద దృష్టి పెడతారు. పర్సనల్ కేర్ కోసం ఈ క్రెడిట్ కార్డును వాడి భారీ డిస్కౌంట్‌లను పొందే అవకాశం ఉందని యూబీఐ ఎండీ, సీఈవో రాజ్ కిరణ్ రాయ్ స్పష్టం చేశారు. ప్రతి ఒక్కరు ఫిట్‌గా ఉండాలని అనుకుంటారు.. పర్సనల్ కేర్ మీద దృష్టి పెడతారు. అటువంటి వాళ్ల కోసమే ప్రత్యేకంగా డిజైన్ చేసిన క్రెడిట్ కార్డు ఇది. వెల్‌నెస్‌ ప్యాకేజ్‌లు చాలా వరకు ఈ కార్డు ద్వారా సేవ్ చేసుకోవచ్చు అని ఎన్పీసీఐ సీవోవో ప్రవీణ రాయ్ పేర్కొన్నారు.

కాంప్లిమెంటరీ జిమ్‌ మెంబర్‌ షిప్‌:

యూనియన్ బ్యాంక్ రూపే వెల్‌నెస్‌ క్రెడిట్ కార్డు ద్వారా, దేశ వ్యాప్తంగా సెలక్ట్ చేసిన జిమ్ సెంటర్లలో.. 15 నుంచి 30 రోజుల వరకు కాంప్లిమెంటరీ జిమ్ మెంబర్ షిప్‌ను క్రెడిట్ కార్డు కస్టమర్లు పొందవచ్చు. ఇప్పటికే ఆయా జిమ్‌లలో మెంబర్స్‌గా ఉన్నవాళ్లకు మెంబర్‌షిప్ రెన్యువల్ సమయంలో 40 నుంచి 50 శాతం వరకు డిస్కౌంట్ లభిస్తుంది. అలాగే.. దేశంలోని టాప్ సిటీలలో ఉన్న గోల్ఫ్ కోర్సులలో కూడా ఈ కార్డు ద్వారా యాక్సెస్ ఉంటుంది. ఒక ఏడాదిలోపు ఒక కాంప్లిమెంటరీ గోల్ఫ్ గేమ్ కూడా అందిస్తారు.

హెల్త్ చెకప్ ప్యాకేజ్:

కార్డు వినియోగదారుడికి ఏడాదిలో ఒక కాంప్లిమెంటరీ ప్రీమియం హెల్త్ చెకప్ ప్యాకేజ్ ఉంటుంది. కాంప్లిమెంటరీ ప్యాకేజీని ఒక సంవత్సరంలో ఉపయోగించుకుంటే.. తర్వాత మరోసారి చెకప్‌కు భారీ డిస్కౌంట్లు లభిస్తాయి. ప్రతి సంవత్సరం కాంప్లిమెంటరీ వెల్‌నెస్‌ ట్రీట్‌మెంట్‌తో పాటు ప్రతి నెలా స్పా సెషన్స్‌కు యాక్సెస్ కూడా ఉంటుంది.

30 డొమెస్టిక్‌ ఎయిర్‌ పోర్టులలో..

కాగా, దేశంలోని 30 డొమెస్టిక్ ఎయిర్ పోర్టుల్లో ఉన్న లాంజ్‌లలో మూడు నెలల్లో రెండు సార్లు కాంప్లిమెంటరీ యాక్సెస్ ఉంటుంది. ఈ కార్డులో ఎన్నో బెస్ట్ ఫీచర్లు ఉన్నాయి. ఈ కార్డు ద్వారా డొమెస్టిక్‌గా, అంతర్జాతీయంగా.. భారీ డిస్కౌంట్లతో వెల్‌నెస్‌కు సంబంధించిన సెంటర్లలో యాక్సెస్ చేసుకోవచ్చు. ఇలాంటి బెస్ట్ ఫీచర్లతో ఇప్పటి వరకు ఏ క్రెడిట్ కార్డు రాలేదని జేసీబీ ఇంటర్నేషనల్ కంపెనీ లిమిటెడ్ ప్రెసిడెంట్ యోషికి కనెకో వెల్లడించారు.