Defog car windows: శీతాకాలంలో కారు ప్రయాణమా..? ఇవి లేకుంటే చాలా ప్రమాదం
శీతాకాలం నేపథ్యంలో వాతావరణంలో విపరీతమైన మార్పులు వచ్చాయి. ఉష్టోగ్రతలు బాగా తగ్గిపోయి చలి ఎక్కువైంది. తెల్లవారుజామున మంచు పరదాలు రోడ్డును కప్పేస్తున్నాయి. రాత్రి సమయంలో పొగమంచు దట్టంగా కమ్ముకుంటోంది. ఈ వాతావరణంగా కార్లలో ప్రయాణించేటప్పుడు చాలా జాగ్రత్తలు తీసుకోవాలి.
Srinu |
Updated on: Nov 23, 2024 | 4:15 PM
మంచు కారణంగా కారు విండ్ స్క్రీన్ తో పాటు సైడ్ అద్దాలపై నీటి బిందువులు పేరుకుపోతుంటాయి. వీటి కారణంగా రోడ్డు స్పష్టంగా కనిపించక డ్రైవింగ్ సమయంలో ఇబ్బందులు ఎదురవుతాయి. ఇలాంటి సమయలో డీఫాగర్లు చాలా బాగా ఉపయోగపడతాయి. దేశంలో చలి క్రమంగా పెరుగుతోంది. దక్షిణాదితో పోల్చితే ఉత్తర భాగంలో ఉష్ణోగ్రతలు బాగా తగ్గిపోయాయి. పొగమంచు విపరీతంగా కమ్ముకుంటోంది. ఈ సమయంలో కార్లలో ప్రయాణం చేసేవారు అప్రమత్తంగా ఉండాలి. సాధారణంగా కారులో వాతావరణం వెచ్చగా ఉంటుంది. బయటేమో చలిగా మారుతుంది. దీంతో కారు కిటికీల ఉపరితలంపై మంచు ఏర్పడుతుంది. ఇది మీ డ్రైవింగ్ సామర్థ్యానికి పరీక్ష పెడుతుంది.
కారు అద్దాలపై ఏర్పడిన మంచు బిందువులను తొలగించడానికి డీ ఫాగర్లు ఎంతో ఉపయోగపడతాయి. ఇవి కారులోని ఓ రకమైన పరికరాలు. ముందు వెనుక విండ్ స్క్రీన్లతో పాటు సైడ్ అద్దాలను శుభ్రం చేయడానికి వీటిని ఏర్పాటు చేశారు. శీతాకాలం, వర్షాకాలాలలో ఢీ ఫాగర్ల వినియోగం ఉంటుంది. కారు ముందు, వెనుక అద్దాల నుంచి రోడ్డును స్పష్టంగా చూడటానికి ఇవి చాలా అవసరం. కారులోని ముందు, వెనుక భాగాలలో ఢీఫాగర్లు ఉంటాయి. కారుకు ముందు భాగంలో ఉండే విండ్ షీల్డ్ (అద్దం) పై మంచు బిందువులు పేరుకుపోతే డ్రైవింగ్ అస్సలు చేయలేము, వాటిని తొలగించడానికి కారులోని హీటింగ్ వెంటిలేషన్ ఎయిర్ కండిషనింగ్ సిస్టమ్ (హెచ్ వీఏసీ)ను ఉపయోగించుకోవచ్చు. ఈ సిస్టమ్ ను ఆన్ చేయగానే విండ్ షీల్డ్ బేస్ లోని వెంట్ లకు వెచ్చిన గాలి వెళుతుంది. ఇది అద్దం ఉపరితలమంతా వ్యాపిస్తుంది. దీంతో పొగమంచు తొలగిపోతుంది.
వెనుక విండ్ షీల్డ్ ఫాగర్ హెచ్ వీఏసీ సిస్టమ్ తో పనిచేయదు. దీన్ని వేడి చేయడానికి విద్యుత్ ను ఉపయోగించాలి. దానిలోని సన్నని గ్రిడ్ లకు విద్యుత్ వెళ్లడంతో వేడెక్కుతాయి. దీంతో విండ్ షీల్డ్ పై పేరుకుపోయిన మంచు కరిగిపోతుంది. మరికొన్ని పద్ధతుల ద్వారా కారు అద్దాలపై పొగమంచు, తేమను తొలగించవచ్చు. కారులో సిలికాజెల్ గుళికలను ఉంచుకోవచ్చు. ఇవి తేమను తొలగించడానికి ఉపయోగపడతాయి. అలాగే విండ్ షీల్డ్ పై షేవింగ్ ఫోమ్ ను స్ప్రే చేయాలి. పొడి టవల్ తో దాని తుడిస్తే అద్దం మెరిసిపోతుంది. వెనిగర్ లేదా డిష్ సోప్ తో నీటిని కలిపి అద్దాలపై చల్లాలి. దాన్ని మొత్తటి గుడ్డతో తుడిచినా ఫలితం ఉంటుంది.
మరిన్ని బిజినెస్ వార్తల కోసం ఇక్కడ క్లిక్ చేయండి
