Toyota Fortuner: టయోటా కారు లవర్స్కు గుడ్ న్యూస్.. ఆ మోడల్స్ నయా వెర్షన్ల విడుదల
భారతదేశంలోని కారు లవర్స్ టయోటా ఫార్చ్యూనర్ కారును ఎక్కువ మంది ఇష్టపడతారు. ప్రీమియం లుక్తో అధునాత ఫీచర్స్తో ఈ కారు అందరినీ ఆకర్షిస్తుంది. అంతేకాకుండా అదే లుక్లు రిలీజ్ చేసిన లెజెండర్ కూడా ప్రజాదరణ పొందింది. తాజాగా ఆ రెండు మోడల్స్కు హైబ్రిడ్ వెర్షన్లను రిలీజ్ చేసింది.
Updated on: Jun 11, 2025 | 8:39 PM
టయోటా భారతదేశంలో స్టాండర్డ్ ఫార్చ్యూనర్, లెజెండర్ రెండింటికీ సంబంధించిన మైల్డ్-హైబ్రిడ్ వెర్షన్లను విడుదల చేసింది. ఫార్చ్యూనర్ నియో డ్రైవ్ 48 వీ ధరలు రూ. 44.72 లక్షల నుంచి ప్రారంభమవుతాయి. అయితే లెజెండర్ నియో డ్రైవ్ 48వీ ధర రూ. 50.09 లక్షల వరకు ఉంటుంది. ఈ కార్లకు ఇప్పటికే భారతదేశం అంతటా బుకింగ్స్ ప్రారంభమయ్యాయి. జూన్ మూడవ వారం నుండి డెలివరీలు ప్రారంభం కానున్నాయి. ముఖ్యంగా మైల్డ్ హైబ్రిడ్ టెక్నాలజీతో టయోటా ఫార్చ్యూనర్ విడుదల చేశారు. ఈ వేరియంట్లతో, ఫార్చ్యూనర్ హైబ్రిడ్ టెక్నాలజీకి అప్గ్రేడ్ అయ్యింది.
ఫార్చ్యూనర్ నియో డ్రైవ్ కారు 204 హెచ్పీ పవర్, 500 ఎన్ఎం పీక్ టార్క్ ను ఉత్పత్తి చేసేలా 2.8 లీటర్ డీజిల్ మోటారుతో 48 వోల్ట్ మైల్డ్ హైబ్రిడ్ సిస్టమ్తో వస్తుంది. ఈ సెటప్లో బెల్ట్-ఇంటిగ్రేటెడ్ స్టార్టర్ జనరేటర్, లిథియం-అయాన్ బ్యాటరీ ఉన్నాయి. సున్నితమైన తక్కువ-వేగ పనితీరుతో పాటు మెరుగైన ఇంధన సామర్థ్యం, నిశ్శబ్ద ఇంజిన్ స్టార్ట్స్తో వస్తుంది. హైబ్రిడ్ అసిస్ట్ సిస్టమ్ రీజెనరేటివ్ బ్రేకింగ్, ఆటో స్టార్ట్-స్టాప్ వంటి లక్షణాలను కూడా అనుమతిస్తుంది. ఇంధనాన్ని ఆదా చేయడానికి మరియు ఉద్గారాలను తగ్గించడానికి ఐడ్లింగ్ సమయంలో ఇంజిన్ను స్విచ్ ఆఫ్ చేస్తుంది.
టయోటా ఫార్చ్యూనర్ కారు ఇప్పుడు 360-డిగ్రీల కెమెరా, వైర్లెస్ ఛార్జర్తో వస్తుంది. డిజైన్, ఇంటీరియర్స్ పెద్దగా మారనప్పటికీ, నియో డ్రైవ్ వెర్షన్లు కొన్ని కీలక ఫీచర్ అప్గ్రేడ్స్ను అందిస్తుంది. వీటిలో 360 డిగ్రీల పనోరమిక్ కెమెరా, వైర్లెస్ స్మార్ట్ఫోన్ ఛార్జర్ ఉన్నాయి. అయితే ఈ కారు టెయిల్పై ‘నియో డ్రైవ్’ బ్యాడ్జ్తో వస్తున్నాయి. ఫార్చ్యూనర్, లెజెండర్ నియో డ్రైవ్ వేరియంట్లు భారతదేశంలో టయోటాకు సంబంధించిన విస్తరిస్తున్న ఎలక్ట్రిఫైడ్ మోడళ్ల శ్రేణిలో చేరాయి. ఇందులో ఇప్పటికే అర్బన్ క్రూయిజర్ హైరైడర్, గ్లాంజా ఉన్నాయి.
మరిన్ని బిజినెస్ వార్తల కోసం ఇక్కడ క్లిక్ చేయండి
