ఆర్బీఐ మాట కోసం మదుపరుల ఎదురుచూపు.. ఈ వారం మార్కెట్లు ఎలా ఉండబోతున్నాయంటే..
MARKET HIGHLY VOLATILE: బడ్జెట్ ప్రతిపాదనకు ముందు నుంచి వరుసగా ఒడిదుడుకుల్లో మార్కెట్లు కొనసాగుతున్నాయి. అంతర్జాతీయంగా జరుగుతున్న రష్యా ఉక్రెయిన్ ఉద్రిక్తతలతో పాటు దేశీయంగా కొనసాగుతున్న..
Updated on: Feb 06, 2022 | 1:39 PM
MARKET HIGHLY VOLATILE: బడ్జెట్ ప్రతిపాదనకు ముందు నుంచి వరుసగా ఒడిదుడుకుల్లో మార్కెట్లు కొనసాగుతున్నాయి. అంతర్జాతీయంగా జరుగుతున్న రష్యా ఉక్రెయిన్ ఉద్రిక్తతలతో పాటు దేశీయంగా కొనసాగుతున్న పరిణామాలు, బడ్జెట్ లో వివిధ సెక్ట్రార్లకు కేటాయింపులు, క్రిప్టో ట్రేడింగ్ పై టీడీఎస్, 30 శాతం ట్యాక్స్ వంటి అనేక కారణాలు దీనికి దోహదం చేస్తున్నాయి. ముఖ్యంగా.. ఈ వారం ఆర్బీఐ సమావేశం(RBI policy) ఉండడంతో పాటు పెద్ద కంపెనీల త్రైమాసిక ఫలితాల వెల్లడి, అంతర్జాతీ మార్కెట్లో రూపాయి ధర, క్రూడ్ ఆయిల్ ధరలు, విదేశీ సంస్ధాగత పెట్టుబడులు వంటి అనేక అంశాలు మదుపరులు తీసుకోబోయే పెట్టుబడి నిర్ణయాలకు మార్గనిర్ధేశం చేయనున్నాయి. ఈ కారణంగా.. ఈ వారం కూడా మార్కెట్లు తీవ్ర ఒడిదుడుగుల్లోనే ట్రేడ్ అవుతాయని మార్కెట్ నిపుణులు అభిప్రాయపడుతున్నారు.
వీటిలో ప్రధానంగా ఫిబ్రవరి 9 న జరగనున్న ఆర్బీఐ మానిటరీ సమావేశంపైనా అందరి దృష్టి ఉంది. దీనికి తోడు ఫిబ్రవరి 11న వచ్చే పారిశ్రామిక ఉత్పత్తి సూచిక వివరాలు మదుపరులను ముందుకు నడిపించనున్నాయి. తాజాగా పెరుగుతున్న క్రూడ్ ధరలు భారత మార్కెట్లను తీవ్రంగా ప్రభావితం చేసే అవకాశాలు ఉన్నాయని మార్కెట్ నిపుణులు అభిప్రాయపడుతున్నారు. భారత మార్కెట్లను అధికంగా ప్రభావితం చేస్తూ.. ఆందోళన కలిగిస్తున్న ఏంటంటే విదేశీ పెట్టుబడి దారులు(FIIs) తమ వాటాలను గత కొంతకాలంగా వరుసగా జరుగుతున్న ట్రేడింగ్ సెషన్లలో ఉపసంహరించుకోవడం. బాండ్ ఈల్డ్ ఎక్కువగా ఉండడంతో.. విదేశీ సంస్థాగత పెట్టుబడిదారులు తమ పెట్టుబడుతులను ఈక్విటీల నుంచి అటుగా మళ్లిస్తున్నారు.
తాజా బడ్జెట్ మార్కెట్ అంచనాలను అందుకోవడంతో మెుదటి వారం మార్కెట్లు బుల్ మూడ్ లో ఉన్నప్పటికీ.. ఈ వారం మాత్రం ఎక్కువ ఓలటైల్(VOLATILE) గా ఉండనున్నట్లు బ్రోకరేజ్ సంస్థలు, ఎనలిస్టులు అభిప్రాయపడుతున్నారు.
ఇవీ చదవండి:
Tata Steel: టాటా స్టీల్కు లాభాల పంట.. త్రైమాసికంలో భారీగా పెరిగిన ఆదాయం..!
