Online Delivery: ఇక 10 నిమిషాల డెలివరీ మరింత ఖరీదు.. వివిధ రకాల ఛార్జీలు!
Online Delivery: గతంలో ఈ ప్లాట్‌ఫామ్‌లు కిరాణా దుకాణాలు, స్థానిక విక్రేతల కంటే తక్కువ ధరకు వస్తువులను అందించేవి. కానీ ఇప్పుడు వసూలు చేసే రుసుముల కారణంగా ఈ ప్రయోజనం తగ్గింది. ఢిల్లీ నివాసి ఊర్వశి శర్మ మాట్లాడుతూ. 'నేను ఇప్పుడు..
Updated on: Jul 07, 2025 | 11:01 AM
ఈ రోజుల్లో నగరాల్లోని ప్రజలు కేవలం 10 నిమిషాల్లోనే డెలివరీ సదుపాయాన్ని పొందుతున్నారు. ఇది చాలా సౌకర్యవంతంగా ఉంటుంది. స్విగ్గీ ఇన్‌స్టామార్ట్ , బ్లింకిట్, జెప్టో యాప్‌లలో షాపింగ్ చేయడం ప్రజలకు అలవాటుగా మారింది. కానీ కొంతమంది ఇప్పుడు ఇన్‌స్టంట్‌ డెలివరీ కారణంగా ఇబ్బందులు పడుతున్నారు. టైమ్స్ ఆఫ్ ఇండియా ప్రకారం.. ఈ ప్లాట్‌ఫారమ్‌లు బిల్లుకు అనేక రకాల ఛార్జీలను జోడిస్తున్నాయి. దీని కారణంగా వినియోగదారులు ప్రతి ఆర్డర్‌పై రూ.50 వరకు ఎక్కువ చెల్లించాల్సి ఉంటుంది. అయితే క్యాష్‌బ్యాక్‌ ఇచ్చినా.. తర్వాత ఎక్కువ ఛార్జీలతో సమానంగా అయిపోతుందంటున్నారు కొందరు వినియోగదారులు.
మొదట వినియోగదారులు హ్యాండ్లింగ్ ఛార్జ్ చెల్లించాలి. ఇది ప్రతి ఆర్డర్‌కు నిర్ణయించబడుతుంది. అలాగే రూ.10 నుండి రూ.21 వరకు ఉంటుంది. తర్వాత GST, డెలివరీ ఛార్జ్, కార్ట్ ఫీజు, అలాగే వర్షం పడుతున్నట్లయితే దానికి కూడా రుసుము, సర్జ్ ఛార్జ్ వంటివి కూడా వసూలు చేస్తున్నారు. ఇది బిల్లును పెంచుతుంది. కానీ ఇప్పుడు చాలా మంది కస్టమర్లు తమ షాపింగ్‌ను ప్లాన్ చేసుకోవడం ప్రారంభించారు. వారు ఇప్పుడు ఆఫ్‌లైన్ ధరలు, వివిధ ఇ-కామర్స్ ప్లాట్‌ఫారమ్‌లలో ధరలను పోల్చడం ద్వారా మాత్రమే వస్తువులను కొనుగోలు చేస్తారు.
ఇది కూడా చదవండి: PM Kisan: రైతులకు గుడ్‌న్యూస్‌ చెప్పనున్న కేంద్రం.. పీఎం కిసాన్‌ వచ్చేది అప్పుడేనా?
గతంలో ఈ ప్లాట్‌ఫామ్‌లు కిరాణా దుకాణాలు, స్థానిక విక్రేతల కంటే తక్కువ ధరకు వస్తువులను అందించేవి. కానీ ఇప్పుడు వసూలు చేసే రుసుముల కారణంగా ఈ ప్రయోజనం తగ్గింది. ఢిల్లీ నివాసి ఊర్వశి శర్మ మాట్లాడుతూ. ‘నేను ఇప్పుడు స్థానిక విక్రేతల నుండి పండ్లు, కూరగాయలను కొనుగోలు చేస్తున్నాను. పండ్లు 30 నుండి 40 రూపాయల వరకు చౌకగా లభిస్తాయి. టమోటాలు, బఠానీలు ఆన్‌లైన్‌లో చౌకగా ఉంటాయి. కానీ నిర్వహణ, డెలివరీ రుసుములు జోడించినప్పుడు అవి సమానంగా ఖరీదైనవి అవుతాయి.’ అని అన్నారు.
ఫీజులను ట్రాక్ చేయడం కష్టం:
స్విగ్గీ, జెప్టోలలో మీరు రూ. 200 లేదా అంతకంటే ఎక్కువ షాపింగ్ చేస్తే డెలివరీ ఫీజు చెల్లించాల్సిన అవసరం లేదు. కానీ బ్లింకిట్‌లో ఉచిత డెలివరీ పొందడానికి మీరు కనీసం రూ. 500 ఖర్చు చేయాలి. ఛార్జీలు కూడా మారవచ్చు. ఉదాహరణకు స్విగ్గీలో, ఆర్డర్ విలువను బట్టి హ్యాండ్లింగ్ ఛార్జ్ రూ. 10-15 ఉండవచ్చు. జెప్టోలో పెద్ద ఆర్డర్‌లకు రూ. 21, చిన్న ఆర్డర్‌లకు రూ. 13 ఉంటుంది. బ్లింకిట్‌లో హ్యాండ్లింగ్ ఛార్జ్ సాధారణంగా రూ. 11గా నిర్ణయిస్తారు. వర్షం, వరదల ఛార్జీలు సాధారణంగా రూ. 15, రూ. 30.
ఇది కూడా చదవండి: Best Scheme: ఇందులో ఇన్వెస్ట్‌ చేస్తే రెట్టింపు ఆదాయం.. అద్భుతమైన స్కీమ్‌
ఇది కూడా చదవండి: Personal Finance: నెలాఖరులోగా డబ్బులతో ఇబ్బంది పడుతున్నారా? ఈ ట్రిక్స్‌ ధనవంతులను చేస్తుంది?
మరిన్ని టెక్ వార్తల కోసం ఇక్కడ క్లిక్ చేయండి
