PM Kisan: రైతులకు గుడ్‌న్యూస్‌ చెప్పనున్న కేంద్రం.. పీఎం కిసాన్ వచ్చేది అప్పుడేనా?
PM Kisan: ఈ పథకం రైతులకు ఒక వరం లాంటిది. ఇది ప్రతి సంవత్సరం మూడు విడతలుగా రైతుల ఖాతాల్లో జమ చేస్తోంది. ఏడాదికి 6000 రూపాయలు ఆర్థిక సహాయం అందిస్తుంది. నివేదికల ప్రకారం.. జూలై 18న బీహార్‌లోని మోతిహరి పర్యటన సందర్భంగా..
Updated on: Jul 07, 2025 | 8:47 AM
జూలై నెల ప్రారంభమైంది. దేశవ్యాప్తంగా కోట్లాది మంది రైతులు ప్రధానమంత్రి కిసాన్ సమ్మాన్ నిధి యోజన 20వ విడత కోసం చూస్తున్నారు. శుభవార్త ఏమిటంటే మోడీ ప్రభుత్వం త్వరలో తదుపరి విడత రూ.2000 ను రైతుల ఖాతాలకు బదిలీ చేయబోతోంది. ఈ పథకం రైతులకు ఒక వరం లాంటిది. ఇది ప్రతి సంవత్సరం మూడు విడతలుగా రైతుల ఖాతాల్లో జమ చేస్తోంది. ఏడాదికి 6000 రూపాయలు ఆర్థిక సహాయం అందిస్తుంది. నివేదికల ప్రకారం.. జూలై 18న బీహార్‌లోని మోతిహరి పర్యటన సందర్భంగా ప్రధానమంత్రి నరేంద్ర మోడీ ఈ విడతను విడుదల చేయవచ్చు. అయితే, దీనిని ప్రభుత్వం ఇంకా అధికారికంగా ధృవీకరించలేదు. కానీ అదే రోజు నిధులు విడుదల అవుతాయని నివేదికల ద్వారా తెలుస్తోంది.
ప్రధానమంత్రి కిసాన్ సమ్మాన్ నిధి యోజన కింద ఇప్పటివరకు 19 విడతలు రైతుల ఖాతాలకు చేరాయి. చివరి విడత ఫిబ్రవరి 2025లో విడుదలైంది. సాధారణంగా ప్రతి నాలుగు నెలలకు ఒక కొత్త విడత వస్తుంది. దీని ప్రకారం, 20వ విడత జూన్‌లో వస్తుందని భావించారు. కానీ ఈసారి కొంచెం ఆలస్యం జరుగుతోంది. ఇప్పుడు ఈ విడత డైరెక్ట్ బెనిఫిట్ ట్రాన్స్‌ఫర్ (DBT) ద్వారా జూలైలో రైతుల ఖాతాలకు చేరుతుందని వార్తలు వస్తున్నాయి. నివేదికలను నమ్ముకుంటే, జూలై 18న మోతిహరిలో జరిగే కార్యక్రమంలో ప్రధాని మోదీ ఈ విడతను విడుదల చేయవచ్చు. గత సంవత్సరం కూడా ప్రధాని బీహార్ పర్యటన సందర్భంగా ఒక విడతను విడుదల చేశారు.
- ముందుగా PM కిసాన్ అధికారిక వెబ్‌సైట్ https://pmkisan.gov.in కి వెళ్లండి.
- హోమ్‌పేజీలో రైతు కార్నర్ విభాగానికి క్రిందికి స్క్రోల్ చేసి, లబ్ధిదారుల జాబితాపై క్లిక్ చేయండి.
- ఇప్పుడు మీ రాష్ట్రం, జిల్లా, ఉప జిల్లా, బ్లాక్, గ్రామం పేరును నమోదు చేయండి.
- దీని తర్వాత గెట్ రిపోర్ట్ పై క్లిక్ చేయండి. ఇది మీ గ్రామం లబ్ధిదారుల జాబితా కనిపిస్తుంది.
ఈ జాబితాలో మీ పేరు లేకపోతే, భయపడాల్సిన అవసరం లేదు. మీరు మీ జిల్లాలోని జిల్లా స్థాయి ఫిర్యాదుల పరిష్కార పర్యవేక్షణ కమిటీని సంప్రదించవచ్చు. లబ్ధిదారుల జాబితాలో పేరు లేకపోవడం లేదా తప్పుగా నమోదు చేయడం వంటి సమస్యలను పరిష్కరించడానికి ఈ కమిటీలు ప్రత్యేకంగా ఏర్పడ్డాయి.
జాబితాలో పేరు లేకపోతే ఏమి చేయాలి?
- ఆధార్‌లో పేరు సరిపోలకపోవడం, బ్యాంక్ వివరాలలో లోపం లేదా అసంపూర్ణ e-KYC కారణంగా చాలా సార్లు రైతులు వాయిదాను పొందలేకపోతున్నారు. మీ పేరు లబ్ధిదారుల జాబితాలో లేకపోతే మీరు ఈ కింది దశలను అనుసరించండి.
- కొత్త రిజిస్ట్రేషన్: మీరు ఇంతకు ముందు రిజిస్టర్ చేసుకోకపోతే PM కిసాన్ పోర్టల్‌లో కొత్త రైతు రిజిస్ట్రేషన్ ఆప్షన్‌ను ఎంచుకోండి. ఆధార్ నంబర్, భూమి పత్రాలతో ఫారమ్ నింపండి. దీని తర్వాత మీ డేటా ధృవీకరణ కోసం రాష్ట్ర నోడల్ అధికారికి పంపిస్తారు.
- ఆధార్ వివరాలను సరిచేయండి: ఆధార్‌లో పేరు లేదా ఇతర వివరాలలో తప్పు ఉంటే, ఎడిట్ ఆధార్ వివరాలను ఉపయోగించండి. దీనితో మీరు మీ వివరాలను రియల్‌ టైమ్‌లో అప్‌డేట్‌ అవుతాయి.
- లబ్ధిదారుడి స్థితిని తనిఖీ చేయండి: మీరు మీ ఆధార్ నంబర్, బ్యాంక్ ఖాతా నంబర్ లేదా మొబైల్ నంబర్‌ను నమోదు చేయడం ద్వారా తదుపరి వాయిదాకు అర్హులో కాదో తనిఖీ చేయవచ్చు.
e-KYC, బ్యాంక్ వివరాలను అప్‌డేట్‌ అవసరం:
రైతులు తమ e-KYC ని పూర్తి చేసి, వారి బ్యాంక్ వివరాలు, మొబైల్ నంబర్, ఆధార్ వివరాలను అప్‌డేట్‌ చేయాలని సూచించారు. e-KYC లేకుండా ఎవరికీ వాయిదాల డబ్బు లభించదని ప్రభుత్వం స్పష్టంగా పేర్కొంది. e-KYC కోసం మీరు PM కిసాన్ పోర్టల్‌లో OTP ఆధారిత ప్రక్రియను ఉపయోగించవచ్చు. అలాగే, మీ ఆధార్ మీ బ్యాంక్ ఖాతా, మొబైల్ నంబర్‌కు లింక్ అయ్యిందని నిర్ధారించుకోండి. ఏదైనా సమస్య తలెత్తితే మీరు పీఎం కిసాన్ హెల్ప్‌లైన్ నంబర్ 155261 లేదా 1800-115-5261 ని సంప్రదించవచ్చు.
ఇది కూడా చదవండి: Best Scheme: ఇందులో ఇన్వెస్ట్‌ చేస్తే రెట్టింపు ఆదాయం.. అద్భుతమైన స్కీమ్‌
కాంటాక్ట్ పాయింట్లను ఎలా కనుగొనాలి?
- మీరు ఏదైనా సమస్యను ఎదుర్కొంటున్నట్లయితే మీ జిల్లా నోడల్ అధికారిని సంప్రదించండి. దీని కోసం..
- పీఎం కిసాన్ వెబ్‌సైట్‌కి వెళ్లండి.
- ఫైండ్ యువర్ పాయింట్ ఆఫ్ కాంటాక్ట్ (PoC) ఎంపికపై క్లిక్ చేయండి.
- జిల్లా నోడల్ ఎంచుకోండి. అలాగే మీ రాష్ట్రం, జిల్లాను నమోదు చేయండి.
- మీరు అధికారి పేరు, హోదా, మొబైల్ నంబర్, ఇమెయిల్ ఐడిని పొందుతారు.
ఇది కూడా చదవండి: Personal Finance: నెలాఖరులోగా డబ్బులతో ఇబ్బంది పడుతున్నారా? ఈ ట్రిక్స్‌ ధనవంతులను చేస్తుంది?
మరిన్ని బిజినెస్ వార్తల కోసం ఇక్కడ క్లిక్ చేయండి
