Personal Loan: పే స్లిప్, ఉద్యోగం లేకపోయినా బ్యాంకు నుంచి పర్సనల్ లోన్ పొందవచ్చు.. ఎలాగంటే..

Personal Loan: సాధారణంగా పర్సనల్ లోన్ కావాలంటే మంచి క్రెడిట్ స్కోరు, ఐటీఆర్, పే స్లిప్‌లు తప్పనిసరి అని భావిస్తుంటారు. అయితే, ప్రస్తుత మారుతున్న ఆదాయ శైలికి అనుగుణంగా రుణ సంస్థలు కూడా తమ విధానాలను మార్చుకుంటున్నాయి. ఉపాధి స్వరూపం ఏదైనా, రుణాన్ని సమర్థంగా తిరిగి చెల్లించగల ఆధారాలు మీ వద్ద ఉంటే పే స్లిప్ లేకుండానే రుణం పొందడం సులభం.

1. మారుతున్న ఆదాయ మార్గాలు

ప్రస్తుతం ఫ్రీలాన్సర్లు, కాంట్రాక్టర్లు, స్వయం ఉపాధిదారులు, గిగ్ వర్కర్లు, చిన్న వ్యాపారులు గణనీయమైన ఆదాయాన్ని ఆర్జిస్తున్నారు. వీరి వద్ద బ్యాంకులు అడిగే నెలవారీ పే స్లిప్‌లు ఉండవు. పే స్లిప్ లేనంత మాత్రాన మీ దరఖాస్తు తిరస్కరణకు గురికాదు. బలమైన రీపేమెంట్ హిస్టరీ, ఆమోదయోగ్యమైన ఆదాయ ఆధారాలు ఉంటే లోన్ ఆమోదం పొందుతుంది.

2. పే స్లిప్‌కు ప్రత్యామ్నాయంగా ఉపయోగపడే పత్రాలు

ఆదాయపు పన్ను రిటర్నులు (ITR): గత 2 సంవత్సరాల ITR పత్రాలు సమర్పించడం మీ స్థిరమైన ఆదాయానికి బలమైన నిరూపణ. స్వయం ఉపాధి పొందుతున్న వారైతే, చార్టర్డ్ అకౌంటెంట్ (CA) ధ్రువీకరించిన ఆదాయ నివేదికను చూపించవచ్చు. అలాగే గత 6 నుండి 12 నెలల బ్యాంకు స్టేట్‌మెంట్లను బ్యాంకులు క్షుణ్ణంగా పరిశీలిస్తాయి. మీ ఖాతాలో ఉండే సగటు నెలవారీ నిల్వలు (Average Monthly Balance), క్రమబద్ధమైన ఆర్థిక లావాదేవీలు మీ ఆర్థిక సామర్థ్యాన్ని తెలియజేస్తాయి. వ్యాపారం నిర్వహించే వారైతే, కనీసం 3 ఏళ్ల అనుభవం ఉందనడానికి జీఎస్‌టీ (GST), బిజినెస్ రిజిస్ట్రేషన్ లేదా షాప్ అండ్ ఎస్టాబ్లిష్‌మెంట్ సర్టిఫికెట్‌ను ఉపయోగించవచ్చు.

3. సిబిల్ (CIBIL) స్కోరు ప్రాముఖ్యత

పే స్లిప్‌లు లేనప్పుడు బ్యాంకులు ప్రధానంగా దృష్టి సారించేది మీ క్రెడిట్ స్కోరుపైనే. 750 లేదా అంతకంటే ఎక్కువ సిబిల్ స్కోరు ఉంటే లోన్ లభించే అవకాశాలు గణనీయంగా పెరుగుతాయి. సకాలంలో పాత బకాయిలు లేదా క్రెడిట్ కార్డ్ బిల్లులు చెల్లించడం ద్వారా మంచి స్కోరును నిర్వహించవచ్చు. డిఫాల్ట్‌లు లేదా ఆలస్య చెల్లింపులు లేకపోతే బ్యాంకులు పే స్లిప్ లేకపోవడాన్ని పెద్దగా పరిగణించవు.

4. బ్యాంకుతో సమ్మంధాలు

మీ పొదుపు (Savings) లేదా కరెంట్ ఖాతా ఉన్న బ్యాంకులో దరఖాస్తు చేయడం ప్రయోజనకరం. ఇప్పటికే ఆ బ్యాంకుతో సుదీర్ఘ అనుబంధం, క్రమబద్ధమైన లావాదేవీల చరిత్ర ఉంటే, మీ అర్హతను బట్టి పే స్లిప్ లేకుండానే రుణాన్ని ఆమోదించే అవకాశం ఉంటుంది.

ఇది కూడా చదవండి: Gold Price Today: మహిళలకు బ్యాడ్‌న్యూస్‌.. తులం బంగారం ధర రూ.1.64 లక్షలు.. వెండి ఎంతంటే..!

ఇది కూడా చదవండి: SBI New Policy: ఏడాదికి రూ.1 లక్ష కడితే చాలు.. నెలకు రూ.60 వేల ఆదాయం!

మరిన్ని బిజినెస్ వార్తల కోసం ఇక్కడ క్లిక్ చేయండి