Narayana Health: నేషనల్ కాదు.. ఇక ఇంటర్నేషనల్.. నారాయణ హెల్త్ చేతికి యూకే హాస్పిటల్స్..
బెంగళూరు కేంద్రంగా కార్యకలాపాలు కొనసాగిస్తున్న నారాయణ హెల్త్ అంతర్జాతీయంగా తన వ్యాపారాన్ని భారీగా విస్తరిస్తున్నట్టు ప్రకటించింది. బ్రిటన్కు చెందిన ప్రాక్టీస్ ప్లస్ గ్రూపు నారాయణ హాస్పిటల్ను కొనుగోలు చేసినట్టు ప్రకటించింది. డాక్టర్ దేవిశెట్టి యాజమాన్యంలోని నారాయణ హృదయాలయ బ్రిటన్లోని అతిపెద్ద హాస్పిటల్ గ్రూపులలో ఒకదాన్ని కొనుగోలు చేసినట్లు ప్రకటించింది.
Updated on: Nov 03, 2025 | 5:45 PM
బెంగళూరు కేంద్రంగా కార్యకలాపాలు కొనసాగిస్తున్న నారాయణ హెల్త్ అంతర్జాతీయంగా తన వ్యాపారాన్ని భారీగా విస్తరిస్తున్నట్టు ప్రకటించింది. బ్రిటన్కు చెందిన ప్రాక్టీస్ ప్లస్ గ్రూపు నారాయణ హాస్పిటల్ను కొనుగోలు చేసినట్టు ప్రకటించింది. డాక్టర్ దేవిశెట్టి యాజమాన్యంలోని నారాయణ హృదయాలయ బ్రిటన్లోని అతిపెద్ద హాస్పిటల్ గ్రూపులలో ఒకదాన్ని కొనుగోలు చేసినట్లు ప్రకటించింది. UKలో ఆరవ అతిపెద్ద హాస్పిటల్ గొలుసు అయిన ప్రాక్టీస్ ప్లస్ గ్రూప్ హాస్పిటల్స్ను నారాయణ హృదయాలయ 188.78 మిలియన్ పౌండ్లకు కొనుగోలు చేసింది. 188.78 మిలియన్ పౌండ్లు అంటే దాదాపు రూ. 2,200 కోట్లు.. నారాయణ హృదయాలయ స్వయంగా ఒక ప్రకటన ద్వారా కొనుగోలును ధృవీకరించింది.
నారాయణ హృదయాలయ యాజమాన్యంలోని నారాయణ హెల్త్ నెట్వర్క్లో భాగమైన హెల్త్ సిటీ కేమన్ ఐలాండ్స్ అనుబంధ సంస్థ అయిన నారాయణ హృదయాలయ యుకె లిమిటెడ్ ఈ కొనుగోలును చేసింది. ప్రాక్టీస్ ప్లస్ గ్రూప్ హాస్పిటల్స్ యొక్క అన్ని 100% ఈక్విటీ షేర్లను కొనుగోలు చేశారు. నారాయణ హృదయాలయ బిఎస్ఇకి దాఖలు చేసిన దాఖలులో ఈ విషయాన్ని తెలిపింది.
ప్రాక్టీస్ ప్లస్ గ్రూప్ హాస్పిటల్స్ బ్రిడ్జ్ పాయింట్ అనే పెట్టుబడిదారుల యాజమాన్యంలో ఉండేది. ఇది UKలో ఐదవ అతిపెద్ద ప్రైవేట్ హాస్పిటల్ గ్రూప్. ఈ గ్రూప్లో మొత్తం ఏడు ఆసుపత్రులు, మూడు సర్జికల్ సెంటర్లు, రెండు అత్యవసర విభాగాలు, అనేక డయాగ్నస్టిక్, ఆప్తాల్మాలజీ కేంద్రాలు ఉన్నాయి. ఇందులో మొత్తం 330 పడకలు, 2,500 మంది సిబ్బంది.. 1,300 మంది క్లినికల్ నిపుణులు ఉన్నారు. ఈ ఆసుపత్రులలో సంవత్సరానికి 80,000 శస్త్రచికిత్సలు జరుగుతాయి.. 2024-25లో, ప్రాక్టీస్ ప్లస్ హాస్పిటల్స్ ద్వారా 250 మిలియన్ పౌండ్ల టర్నోవర్ వచ్చినట్లు తెలిసింది.
దీని గురించి నారాయణ హృదయాలయ ఇన్స్టిట్యూట్ వ్యవస్థాపకురాలు డాక్టర్ దేవి శెట్టి మాట్లాడుతూ, “ప్రాక్టీస్ ప్లస్ గ్రూప్ – మేము ఇద్దరం ఒకే దార్శనికతను పంచుకుంటున్నాము. అందరికీ ఆరోగ్య సంరక్షణను అందుబాటులోకి తీసుకురావడమే మా లక్ష్యం” అని అన్నారు.
UKలోని ప్రైవేట్ ఆసుపత్రులలో శస్త్రచికిత్సలకు డిమాండ్ పెరుగుతోంది. శస్త్రచికిత్సలలో ప్రత్యేకత కలిగిన నారాయణ హృదయాలయ ఈ డిమాండ్ను తీర్చగలదు. హెల్త్సిటీ కేమన్ దీవుల ద్వారా కరేబియన్లో తన ఉనికిని విస్తరించిన నారాయణ హృదయాలయ ఇప్పుడు మరింత బలమైన ప్రపంచ ఆరోగ్య సంరక్షణ బ్రాండ్గా ఎదగనుంది.
మరిన్ని బిజినెస్ వార్తల కోసం ఇక్కడ క్లిక్ చేయండి..
