MG Windsor EV: టాటా నెక్సాన్ ఈవీకు గట్టి షాక్ ఇచ్చిన ఎంజీ.. నెంబర్ వన్ స్థానం కైవసం
భారతదేశంలో ఎలక్ట్రిక్ వాహనాలకు ఉన్న క్రేజ్ రోజురోజుకూ పెరుగుతుంది. ముఖ్యంగా ఈవీ కార్లల్లో టాటా కంపెనీ కార్లు అమ్మకాల్లో ముందు వరుసలో ఉన్నాయి. టాటా నెక్సాన్ ఈవీ అమ్మకాలు భారతదేశంలో ఎక్కువగా ఉన్నాయి. అయితే ఇప్పుడు టాటా కంపెనీను పక్కకు నెడుతూ ఎంజీ లైమ్ లైట్‌లోకి వచ్చింది. ఎంజీ విండ్సర్ ఈవీ అమ్మకాల్లో టాటా నెక్సాన్‌ను బీట్ చేసింది. ఈ నేపథ్యంలో ఎంజీ విండ్సర్ కారు గురించి మరిన్ని వివరాలను తెలుసుకుందాం.
Srinu |
Updated on: Nov 16, 2024 | 7:45 PM
ఎంజీ విండ్సర్ ఈవీ ఇటీవలే భారత మార్కెట్లో లాంచ్ అయ్యింది. ఈ ఈవీ కారు సెప్టెంబర్ 2024లో ప్రారంభించారు. ప్రారంభించిన రెండు నెలల్లోనే ఈ కారు సేల్స్ అమాంతం పెరిగాయి. అక్టోబర్ 2024లో ఈ కారు 3,116 యూనిట్ల విక్రయాలను నమోదు చేసింది. ప్రస్తుతం ఎంజీ వండర్స్ ఈవీ కార్ల అమ్మకాల్లో టాప్ ప్లేస్‌కు చేరుకుంది. అక్టోబర్ 2024లో ఎంజీ మోటార్ ఇండియా 37.92 శాతం వృద్ధిని నమోదు చేసి మొత్తం 7,045 యూనిట్లకు చేరుకుంది . ఎంజీ మోటార్ దేశంలో ఆస్టర్, హెక్టర్, గ్లోస్టర్, జెడ్ఎస్ ఈవీ, కామెట్ ఈవీలను కూడా విక్రయిస్తోంది. అయితే వీటన్నింటిలోనూ ఎంజీ మోటార్ ఇండియా నమోదు చేసిన అత్యధిక నెలవారీ విక్రయాలు ఈ కారు సొంతం చేసుకుంది.
విండ్సర్ ఈవీ దాని సొంత స్టేబుల్స్ నుంచి కామెట్, జెడ్ఎస్‌లను కూడా అధిగమించింది. విండ్సర్ ఈవీ తన మొదటి రోజు బుకింగ్ విండోలను 3 అక్టోబర్ 2024న తెరిచినప్పటి నుంచి అసాధారణమైన ప్రతిస్పందన వచ్చింది. ఏకంగా 24 గంటల్లో విండ్సర్ 15,176 బుకింగ్‌లను సేకరించి భారతీయ మార్కెట్లో ఈ లక్ష్యాన్ని సాధించిన మొదటి ప్యాసెంజర్ ఎలక్ట్రిక్ వాహనంగా నిలిచింది. ఎంజీ విండ్సర్ ఎక్సైట్, ఎసెన్స్, ఎక్స్‌క్లూజివ్ అనే మూడు వేరియంట్స్‌లో అందుబాటులో ఉంటుంది. ఎంజీ విండ్సర్ ఈవీ కారు ధర వేరియంట్‌కు అనుగుణంగా రూ. 9.99 లక్షల నుంచి రూ. 13.50 లక్షలు (ఎక్స్-షోరూమ్) వరకు ఉంటుంది. ఎంజీ మోటార్ ఎంపిక చేసిన డీలర్‌షిప్‌లో ఒక రోజులో 100కి పైగా విండ్సర్ ఈవీలను డెలివరీ చేస్తుంది.
ఎంజీ విండ్సర్ స్టార్‌బర్స్ట్ బ్లాక్, పెర్ల్ వైట్, క్లే లేత గోధుమరంగు, టర్కోయిస్ గ్రీన్‌కు సంబంధించిన నాలుగు ఎక్స్‌టీరియర్ రంగు ఎంపికల్లో అందుబాటులో ఉంది. ఈ ఈవీ కారు వులింగ్ క్లౌడ్ ఈవీ ఆధారంగా రూపొందించారు. ఎంజీ విండ్సర్ ఈవీ ఇంటీరియర్‌లు కూడా క్లాస్ లీడింగ్ ఫీచర్లు ఉంటాయి. వీటిలో ఆండ్రాయిడ్ ఆటో, ఆపిల్ కార్‌ప్లేతో కూడిన పెద్ద 15.6 అంగుళాల ఇన్ఫోటైన్‌మెంట్ సిస్టమ్, 8.8 అంగుళాల డిజిటల్ ఇన్‌స్ట్రుమెంట్ క్లస్టర్, టూ స్పోక్ డిజైన్‌లో లెదర్ ర్యాప్డ్ స్టీరింగ్ వీల్ ఉన్నాయి. లార్జ్ గ్లాస్ రూఫ్, 256 మల్టీ లైట్ ఎల్‌ఈడీ యాంబియంట్ లైటింగ్, 9 స్పీకర్ ఇన్ఫినిటీ సౌండ్ సిస్టమ్, 135 డిగ్రీల రిక్లైన్ సదుపాయంతో ఏరో-లాంజ్ బ్యాక్స్ సీట్స్, అడ్జస్టబుల్ ఫ్రంట్ సీట్లు ఆకట్టుకుంటున్నాయి. భద్రత విషయానికి వస్తే ఈ కారులో 360-డిగ్రీ కెమెరా, సరౌండ్ వ్యూ కెమెరా, 6 ఎయిర్‌బ్యాగ్‌లు, ఎలక్ట్రానిక్ పార్కింగ్ బ్రేక్, ఆటో హోల్డ్ అసిస్ట్, టైర్ ప్రెజర్ మానిటరింగ్ సిస్టమ్, ఎలక్ట్రానిక్ స్టెబిలిటీ కంట్రోల్‌ని వంటి అధునాతన ఫీచర్లు ఉన్నాయి.
మరిన్ని బిజినెస్ వార్తల కోసం ఇక్కడ క్లిక్ చేయండి
