Credit Cards: నువ్వు సూపరబ్బా..1638 క్రెడిట్ కార్డులు.. ఒక్క రూపాయి కూడా బాకీలేడు.. సిబిల్ స్కోర్ చూస్తే మైండ్ పోవాల్సిందే
Credit Cards: అతను తన ప్రత్యేకమైన అభిరుచిని తెలివైన ఆదాయ వనరుగా మార్చుకుని, గిన్నిస్ వరల్డ్ రికార్డ్ సంపాదించాడు. ఒక్క క్రెడిట్ కార్డు ఉన్నవారే ఈ రోజుల్లో సయయానికి బిల్లులు చెల్లించకుండా ఇబ్బందులు పడుతున్నారు. పైగా సిబిల్ స్కోర్ తగ్గిపోతుంటుంది. ఒక్క కార్డు..
Updated on: Oct 17, 2025 | 7:44 AM
క్రెడిట్ కార్డు గురించి ఆలోచించగానే తరచుగా షాపింగ్, బిల్లు చెల్లింపులు, నెలాఖరులో వచ్చే భారీ బిల్లుల గురించి ఆలోచనలు వస్తాయి. చాలా మందికి ఇది అప్పుల ఊబిలోంచి తప్పించుకోవడం కష్టం. చాలా మంది క్రెడిట్ కార్డు తీసుకుని అప్పుల్లో కూరుకుపోయారు తప్ప బయట పడింది ఏమి లేదు. ప్రస్తుతం ఒక వ్యక్తికి ఒకటి లేదా రెండు, లేదా ఒక ఐదారు క్రెడిట్ కార్డులు ఉంటాయి. కానీ ఈ వ్యక్తికి ఎన్ని క్రెడిట్ కార్డులు ఉన్నాయో తెలిస్తే ఆశ్చర్యపోతారు. ఒకటి లేదా రెండు కాదు, 1,638 క్రెడిట్ కార్డులు కలిగి ఉన్న ఒక వ్యక్తి ఉన్నాడు. అంతేకాదు అతను ఒక్క రూపాయి కూడా బాకీ లేడు. ఈ వ్యక్తి మనీష్ ధమేజా. అతను తన ప్రత్యేకమైన అభిరుచిని తెలివైన ఆదాయ వనరుగా మార్చుకుని, గిన్నిస్ వరల్డ్ రికార్డ్ సంపాదించాడు. ఒక్క క్రెడిట్ కార్డు ఉన్నవారే ఈ రోజుల్లో సయయానికి బిల్లులు చెల్లించకుండా ఇబ్బందులు పడుతున్నారు. పైగా సిబిల్ స్కోర్ తగ్గిపోతుంటుంది. ఒక్క కార్డు బిల్లు కట్టేందుకు నానా తంటాలు పడుతూ అప్పుల ఊబిలో కూరుకుపోతున్నారు. మరి ఇలాంటి పరిస్థితిలో ఈయన ఇన్ని కార్డులు మెయింటెన్ చేయడం గొప్ప విషయమనే చెప్పాలి.
ఇది కూడా చదవండి: Telangana: అక్టోబర్ 18న తెలంగాణలో బంద్.. పాఠశాలలు, కళాశాలలకు సెలవు.. కారణం ఇదే!
డబ్బు సంపాదించడానికి తెలివైన మార్గం:
మనీష్ ధమేజాను “క్రెడిట్ కార్డులు, నాణేల రాజు” అని కూడా పిలుస్తారు. అతను ఈ బిరుదును తన వద్ద ఉన్న కార్డుల సంఖ్యకు మాత్రమే కాకుండా, వాటిని ప్రత్యేకంగా ఉపయోగించడం ద్వారా కూడా పొందాడు. ప్రతి కార్డు ప్రయోజనాలు, నిబంధనలను మనీష్ క్షుణ్ణంగా అధ్యయనం చేశాడు. షాపింగ్లో ఏ కార్డు ఎక్కువ క్యాష్బ్యాక్ను సంపాదిస్తుందో, ఏ కార్డు ప్రయాణానికి ఉచిత విమానాశ్రయ లాంజ్ యాక్సెస్ను అందిస్తుందో, హోటల్ బుకింగ్లపై ఏ కార్డు గణనీయమైన తగ్గింపులను అందిస్తుందో అతనికి పూర్తిగా తెలుసు.
అతని వ్యూహంలో కీలకమైన అంశం అతని “జీరో డెట్” క్రమశిక్షణ. అతను ఎప్పుడూ తన శక్తికి మించి ఖర్చు చేయడు. ఎల్లప్పుడూ తన బిల్లులను సమయానికి చెల్లిస్తాడు. ఇది అతన్ని భారీ వడ్డీ భారం నుండి దూరంగా ఉంచడమే కాకుండా అతని అద్భుతమైన క్రెడిట్ స్కోర్ను కూడా నిర్వహిస్తుంది.
మనీష్ ధమేజా ఎవరు?
ఢిల్లీ నివాసి అయిన మనీష్ ధమేజా ఉత్తరప్రదేశ్ రాజధాని లక్నోకు చెందినవాడు. అతని కీర్తి క్రెడిట్ కార్డులకు మించి విస్తరించింది. అతను రెండుసార్లు గిన్నిస్ వరల్డ్ రికార్డ్ హోల్డర్ – ఒకటి క్రెడిట్ కార్డులకు, మరొకటి అతని విస్తృతమైన నాణేల సేకరణకు. అతను కాన్పూర్లోని CSJM విశ్వవిద్యాలయం నుండి భౌతిక శాస్త్రం, రసాయన శాస్త్రం, గణితంలో B.Sc. పట్టా పొందాడు. తరువాత లక్నోలోని ఇంటిగ్రల్ విశ్వవిద్యాలయం నుండి MCA పట్టా పొందాడు. తరువాత అతను ఇగ్నో నుండి మాస్టర్ ఆఫ్ సోషల్ వర్క్, BITS పిలానీ నుండి డేటా సైన్స్లో M.Tech, అమిటీ విశ్వవిద్యాలయం నుండి MBA వంటి ప్రతిష్టాత్మక డిగ్రీలను పొందాడు. ప్రస్తుతం అతను భారత ప్రభుత్వ టెలికమ్యూనికేషన్స్ విభాగంలో బాధ్యతాయుతమైన పదవిని కలిగి ఉన్నాడు. అతను డేటా సైంటిస్ట్, ఆర్టిస్ట్. నామిస్మాటిస్ట్ (నాణేల సేకరణకర్త), సామాజిక కార్యకర్త కూడా. తన యూట్యూబ్ ఛానల్, సోషల్ మీడియా హ్యాండిల్స్ ద్వారా అతను వేలాది మందికి క్రెడిట్ కార్డ్ వినియోగం, ఆర్థిక నిర్వహణ చిట్కాలను తెలిపాడు.
మనీష్ తన ‘కార్డు’ను ఎలా నిర్వహిస్తాడు?
నిపుణులు ఇన్ని క్రెడిట్ కార్డులను నిర్వహించడం చాలా కష్టం, ప్రమాదకరమని భావిస్తారు. ఇది మీ క్రెడిట్ స్కోర్ను ప్రతికూలంగా ప్రభావితం చేస్తుంది. అప్పుల ఉచ్చులో పడే ప్రమాదాన్ని పెంచుతుంది. కానీ మనీష్కు ఇది పిల్లల ఆట లాగా. అతను తన ప్రతి కార్డును చురుకుగా ఉంచుకుంటాడని, కానీ అవసరమైనప్పుడు మాత్రమే వాటిని వివేకంతో ఉపయోగిస్తానని చెబుతాడు. ప్రతి కార్డు బిల్లింగ్ చక్రం, ఆఫర్లు, ప్రయోజనాలను నిశితంగా పరిశీలిస్తాడు.
ఇది కూడా చదవండి: School Holidays: విద్యార్థులకు గుడ్న్యూస్.. దీపావళి సెలవులు పొడిగింపు!
మరిన్ని బిజినెస్ వార్తల కోసం ఇక్కడ క్లిక్ చేయండి
