PAN-Aadhaar: ఈ నెలాఖరులోగా ఈ పని చేయకుంటే పొరపాటు చేసినట్లే.. రూ.10 వేల జరిమానా

Pan-Aadhaar Link: మనకు ముఖ్యమైన డాక్యుమెంట్లలో ఆధార్‌ కార్డు, పాన్‌ కార్డు. ఇవి లేనివి పనులు జరగవు. ముఖ్యంగా బ్యాంకింగ్‌ లావాదేవిల విషయాలలో తప్పనిసరి. పాన్‌ కార్డు లేనిది ఎలాంటి లావాదేవీలు జరిగేందుకు వీలు కాదు. బ్యాంకు అకౌంట్‌ తెరిచి నుంచి లావాదేవీలు నిర్వహించే వరకు అన్నింటికి పాన్‌ తప్పనిసరి. ప్రస్తుతం ఈ పాన్‌ కార్డు (PAN Card) ఆధార్‌ (Aadhaar Card)తో అనుసంధానించుకోవాల్సి ఉంటుంది. ఆధార్‌తో లింక్‌ చేయడం అనేది 30 సెప్టెంబర్‌ 2021 వరకు గడువు ఉన్నప్పటికీ, ప్రభుత్వం దానిని ఈ ఏడాది మార్చి 31 వరకు పొడిగించింది. ఈ గడువులోగా పాన్‌కార్డును ఆధార్‌తో అనుసంధానం చేసుకోవాలి. లేకపోతే ఇబ్బందులు ఎదుర్కొవాల్సి ఉంటుంది. ఇలా లింక్‌ చేయకపోతే రూ.10వేల జరిమానా చెల్లించుకోవాల్సి ఉంటుందని అధికారులు ఇప్పటికే హెచ్చరించారు. అందుకే నిర్లక్ష్యం చేయకుండా పాన్‌ను ఆధార్‌తో లింక్‌ చేసుకోలేని వారు ఈ నెలాఖరులోగా ఈ పని పూర్తి చేసుకోవడం బెటర్‌. పాన్‌కార్డు ద్వారా ఎవరు ఎటువంటి లావాదేవీలు చేస్తున్నారో ఇన్‌కమ్‌ ట్యాక్స్‌ అధికారుల వద్ద పూర్తి డేటా ఉంటుంది. కొందరు రెండు పాన్‌ కార్డులు తీసుకుని మిస్‌ యూజ్‌ చేస్తుంటారు ఇలా రెండు పాన్ కార్డులు తీసుకోవ‌డం అనేది చట్టరిత్యా నేరం. ఒకవేళ రెండు పాన్‌ కార్డులు ఉండి అధికారులకు దొరికిపోయినట్లయితే రూ.10 వేల జరిమానా కట్టాల్సి ఉంటుంది.

రెండు పాన్ కార్డులు ఉంటే..

ఇలా రెండు పాన్‌కార్డులు ఉంటే జరిమానాతో పాటు బ్యాంకు ఖాతాలను సైతం స్తంభింపజేస్తారు. ఇలా రెండు పాన్‌ కార్డు కలిగిన వాళ్లు ఇన్‌కమ్‌ ట్యాక్స్‌ యాక్ట్ 1961 కింద‌ సెక్షన్‌ 272బీ ప్రకారం.. ఇన్‌క‌మ్ ట్యాక్స్ అధికారుల‌కు దాన్ని తిరిగి ఇచ్చేయవచ్చు. అలా ఇచ్చేయకుండా తమ దగ్గరే పెట్టుకుంటే మాత్రం అధికారులు చర్యలు తీసుకుంటారు.

ఇలా రెండు పాన్‌ కార్డులు ఉన్నవాళ్లు. ఏదైనా ఎన్‌ఎస్‌డీఎల్‌ కార్యాలయంలో పాన్‌ కార్డును రిటర్న్‌ చేయవచ్చు. దానికంటే ముందు పాన్‌ కార్డు అఫిషియ‌ల్ వెబ్‌సైట్‌లోకి వెళ్లి ఓ ఫామ్ నింపాల్సి ఉంటుంది. ఇలా ఒకటి కంటే ఎక్కువ పాన్‌ కార్డులు కలిగి ఉంటే చట్టపరంగా అనేక ఇబ్బందులు ఎదుర్కొవాల్సి ఉంటుంది. ఒకటి కంటే ఎక్కువ పాన్‌ కార్డులు కలిగిన వారిపై ఇన్‌కమ్‌ ట్యాక్స్‌ అధికారులు ప్రత్యేక నిఘా పెడుతున్నారు.

పాన్ కార్డును ఆధార్ కార్డుతో ఎలా లింక్ చేయాలి

☛ పాన్ కార్డును ఆధార్ కార్డుతో కేవలం 2 నిమిషాల్లో లింక్ చేసుకోవచ్చు. ఇందుకోసం ముందుగా ఆధార్, పాన్ కార్డులలో మీ పేరు, పుట్టినతేదీలు సరిగ్గా ఉన్నాయో లేదో చెక్ చేసుకోండి.

☛ ఆ తర్వాత ఇన్‏కమ్ ట్యాక్స్ వెబ్‏సైట్ పై క్లిక్ చేయాలి.

☛ ఆ తర్వాత హోం పేజీలో పాన్ కార్డు, ఆధార్ కార్డ్ నంబర్లు, ఆధార్ కార్డ్ మీద ఉన్న పేరు ఇవ్వాలి.

☛ ఆ తర్వాత ఐ అగ్రీ టు వాలిడేట్ మై ఆధార్ డీటేయిల్స్ విత్ UIDAI చెక్ బటన్ మీద్ క్లిక్ చేయాలి.

☛ దాని కింద చూపిస్తున్న క్యాప్చా కోడ్ సరిగ్గా టైప్ చేసి లింక్ ఆధార్ మీద క్లిక్ చేయాలి.

☛ అంతే క్షణాల్లో మీ ఆధార్, పాన్ కార్డులు అనుసంధానం అవుతాయి.

SMS ద్వారా లింక్ చేయడం ఎలా..

☛ మీ రిజిస్టర్డ్ మొబైల్ నంబర్ నుంచి 567678 లేదా 56161 కు SMS చేయాలి.

☛ ఇలా చేసేందుకు మీరు మీ మొబైల్‌లో యుఐడిపిఎన్ UIDAI (12 అంకెల ఆధార్ నంబర్) (10 అంకెల పాన్) అని టైప్ చేసి 567678 లేదా 56161 కు పంపాలి.

ఇన్‌కమింగ్ టాక్స్ డిపార్ట్‌మెంట్ ఆధార్, పాన్ కార్డుల అనుసంధానం..

☛ ముందుగా ఇన్‌కమింగ్ టాక్స్ డిపార్ట్‌మెంట్ యొక్క ఇ-ఫైలింగ్ పోర్టల్‌ను ఓపెన్ చేయాలి.

☛ ఆ తర్వాత ఎడమ వైపున ఉన్న లింక్ బేస్ విభాగంపై క్లిక్ చేయాలి.

☛ ఆ తర్వాత మీ పాన్ నంబర్, ఆధార్ నంబర్‌తోపాటు పేరు ఫిల్ చేయాలి.

☛ ఆ తర్వాత ‘లింక్ ఆధార్’ ఎంపికపై క్లిక్ చేయాలి. మీ పాన్ ఆధార్ లింకింగ్ పూర్తవుతుంది.

☛ మీ ఆధార్ వివరాలకు వ్యతిరేకంగా, ఐటి విభాగం మీ పేరు, పుట్టిన తేదీతోపాటు లింగాన్ని ధృవీకరిస్తుంది. ఆ తరువాత లింక్ చేయబడుతుంది.

ఇవి కూడా చదవండి:

Indian Railway: ప్రయాణికుల కోసం ఇండియన్‌ రైల్వే కీలక నిర్ణయం.. ఇక నుంచి మరింత ఆదాయం

News Papers: వార్తా పత్రికలు కాలక్రమేణా పసుపు రంగులోకి ఎందుకు మారుతాయి? కారణం ఇదే