ITR Filing: సమయం లేదు మిత్రమా.. ఐటీఆర్ ఫైల్ చేయకుంటే వెంటనే చేయండి.. ఆన్లైన్లో ఇలా..
ITR Filing Deadline: 2022-23 ఆర్థిక సంవత్సరానికి ఆదాయపు పన్ను రిటర్న్ (ఐటీఆర్) దాఖలు చేయడానికి చివరి తేదీ 31 జూలై 2023. మీరు ఆదాయపు పన్ను పరిధిలోకి వచ్చి ఇంకా ఐటీఆర్ ఫైల్ చేయనట్లయితే.. వెంటనే ఈ పనిని పూర్తి చేయండి. ఆదాయపు పన్ను రిటర్న్ దాఖలు తేదీని పొడిగించేది లేదని ప్రభుత్వం స్పష్టం చేసింది. అయితే వెంటనే చెల్లించండి, ఫైన్ తప్పించుకోండి. అయితే ఎవరిని కలవాలి... ఎలా చెల్లించాలి.. ఈ ప్రాసెస్ ఇక్కడ తెలుసుకుందాం..
Updated on: Jul 30, 2023 | 5:15 PM
ఒక్క రోజు మాత్రమే మిగిలివుంది. ఆదాయపు పన్ను రిటర్న్(ఐటీఆర్) దాఖలు చేయడానికి 31 జూలై 2023 చివరి తేదీ. అంటే ఇప్పుడు మీకు మరో రోజు మాత్రమే మిగిలి ఉంది. మీరు ఆదాయపు పన్ను పరిధిలోకి వచ్చి ఇంకా ఐటీఆర్ ఫైల్ చేయనట్లయితే.. వెంటనే ఈ పనిని పూర్తి చేయండి. ఎందుకంటే జూలై 31 తర్వాత ఐటీఆర్ ఫైల్ చేసినందుకు జరిమానా చెల్లించాల్సి ఉంటుంది. మీరు మీ ఆదాయపు పన్నును ఆన్లైన్లో చెల్లించవలసి వస్తే.. మీరు దీన్ని సులభంగా చేయవచ్చు. దీని కోసం మీరు ఇన్కమ్ టాక్స్ డిపార్ట్మెంట్ అధికారిక వెబ్సైట్ లో అందుబాటులో ఉన్న చెల్లింపు గేట్వేని ఉపయోగించాలి. మీరు మీ ఆదాయపు పన్నును ఆన్లైన్లో ఎలా చెల్లించగలరు. ప్రతి దశను అర్థం చేసుకుందాం…
ఆదాయపు పన్ను రిటర్న్ కోసం చలాన్ దాఖలు చేయడానికి ముందు పాన్ కార్డ్, డెబిట్ కార్డ్, క్రెడిట్ కార్డ్, నెట్ బ్యాంకింగ్ సౌకర్యం, UPI (వీటిలో ఏదైనా), వన్ టైమ్ పాస్వర్డ్ ( ఓటీపీ) పొందడం ద్వారా చెల్లింపు కోసం చెల్లుబాటు అయ్యే మొబైల్ నంబర్. సిద్ధంగా ఉంచుకోండి.
ఆదాయపు పన్ను చెల్లింపు కోసం ఆన్లైన్ ప్రక్రియ
- మీ యూజర్ ఐడి, పాస్వర్డ్ ఉపయోగించి ఇ-ఫైలింగ్ పోర్టల్ కి లాగిన్ చేయండి.
- ప్రధాన డాష్బోర్డ్ను చేరుకోవడానికి ‘హోమ్’పై క్లిక్ చేయండి.
- ఎడమ వైపున మీరు ‘ఈ-పే ట్యాక్స్’ అనే ఎంపికను చూడవచ్చు. కొనసాగడానికి దానిపై క్లిక్ చేయండి.
- ధృవీకరించడానికి మీ పాన్ నంబర్ను రెండుసార్లు నమోదు చేయండి.
- ఓటీపీ కోసం మీ రిజిస్టర్డ్ మొబైల్ నంబర్ను నమోదు చేయండి.
- మీ ఖాతాను ధృవీకరించడానికి అందుకున్న ఓటీపీని నమోదు చేయండి.
- ‘ఆదాయ పన్ను’ ఎంపికపై క్లిక్ చేసి.. అవసరమైన వివరాలను పూరించడానికి కొనసాగండి.
- సంబంధిత అసెస్మెంట్ సంవత్సరాన్ని ఎంచుకోండి.
- చెల్లింపు విధానాన్ని ఎంచుకోండి.
- అప్పుడు మీరు కొనసాగించుపై క్లిక్ చేసి, ఆపై పన్ను వివరాలను పూరించవచ్చు.
- మీరు అవసరమైన అన్ని వివరాలను పూరించిన తర్వాత, మీరు మీ బ్యాంక్ చెల్లింపు గేట్వేకి వెళ్తారు.
- మీ లాగిన్ ఐడీ, పాస్వర్డ్ను నమోదు చేయడం ద్వారా మీ బ్యాంక్ ఖాతాకు లాగిన్ అవ్వండి.
- చెల్లింపు ప్రక్రియను పూర్తి చేయడానికి చెల్లింపు వివరాలను ధృవీకరించండి. అవసరమైన వివరాలను పూరించండి.
- విజయవంతమైన చెల్లింపు తర్వాత మీ రికార్డ్ల కోసం జనరేట్ చేయబడిన చలాన్ని డౌన్లోడ్ చేసుకోండి.
- మీరు ఇన్వాయిస్ను పీడీఎఫ్ ఫార్మాట్లో సేవ్ చేసుకోండి.
ఆలస్యంగా చెల్లించినవారికి..
మొత్తం రూ. 5 లక్షల కంటే ఎక్కువ ఆదాయం ఉన్న వ్యక్తులు ఐటీఆర్ను ఆలస్యంగా దాఖలు చేసినందుకు రూ.5,000 వరకు జరిమానా విధించవచ్చు. ఆలస్యంగా ITR ఫైల్ చేసిన వారికి తక్షణమే రూ. 5000 జరిమానా విధించబడుతుంది. ఇది ఆలస్యమైన జరిమానా.. ఇది ఆలస్యం కాలంపై ఆధారపడి ఉంటుంది. ఇది కాకుండా, నెలకు ఒక శాతం అదనపు వడ్డీ వసూలు చేయబడుతుంది. రిటర్న్ దాఖలు చేసే తేదీ వరకు ఒక శాతం వడ్డీ విధించవచ్చు.
మరిన్ని బిజినెస్ న్యూస్ కోసం
