Gold ETF: ఈ దీపావళికి గోల్డ్ ఈటీఎఫ్‌లలో పెట్టుబడి పెడితే మంచిది.. నిపుణులు ఏం చెబుతున్నారంటే..

Gold ETF: దీపావళి పండుగ వస్తోంది. ఈ పండుగ కోసం చాలా మంది బంగారంపై పెట్టుబడి పెట్టడం శుభప్రదంగా భావిస్తారు. బంగారంపై పెట్టుబడి ఎలా పెట్టాలి అనే విషయంలో చాలా సందేహాలు వారికి ఉంటాయి. ఎందుకంటే బంగారంపై పెట్టుబడిని ఫిజికల్ గోల్డ్, సావరిన్ గోల్డ్ బాండ్స్, గోల్డ్ ఇటిఎఫ్ , గోల్డ్ ఫండ్స్ వంటి వివిధ రూపాల్లో చేసే ఆప్షన్స్ అందుబాటులో ఉండడమే. వీటిలో ఏది మంచిది అనే కన్ఫ్యూజ్ ప్రజల్లో ఉంటుంది. ఇవన్నీ వేటికవే మంచి పధకాలు. అయితే, గోల్డ్ ఇటిఎఫ్‌లు ప్రాథమికంగా బంగారంలో పెట్టుబడి పెట్టే ఎక్స్ఛేంజ్-ట్రేడెడ్ ఫండ్స్ అన్నిటిలో ఉత్తమమని నిపుణులు చెబుతారు.

“ఇప్పుడు బంగారంలో పెట్టుబడి పెట్టడానికి అనేక మార్గాలు ఉన్నాయి. వీటిలో, గోల్డ్ ఇటిఎఫ్‌లు బంగారంపై పెట్టుబడి పెట్టడానికి సులభమైన, పారదర్శక మార్గాలలో ఒకటి. గత రెండు సంవత్సరాలుగా, పెరుగుతున్న ఫోలియో కౌంట్ ద్వారా ఇన్వెస్టర్లు గోల్డ్ ఇటిఎఫ్‌లను ఎక్కువగా ఇష్టపడుతున్నారు” అని ఐసిఐసిఐ ప్రుడెన్షియల్ ఎఎమ్‌సి, ఇటిఎఫ్ బిజినెస్ హెడ్ – నితిన్ కబాడి అన్నారు. గోల్డ్ ఇటిఎఫ్‌లలో పెట్టుబడి పెట్టడం ద్వారా, యూనిట్‌లు డిమాండ్ ఖాతాలో ఉన్నందున దొంగతనం, స్వచ్ఛత, ద్రవత్వం అదేవిధంగా నిల్వ ధర వంటి భౌతిక బంగారంతో సంబంధం ఉన్న ప్రమాద కారకాల గురించి ఆందోళన చెందాల్సిన అవసరం లేదని ఆయన తెలిపారు.

” రూ. 50 కంటే తక్కువ మొత్తంలో పెట్టుబడి పెట్టడం ద్వారా గోల్డ్ ఇటిఎఫ్‌ని కొనుగోలు చేయవచ్చు. వీటిని ఎప్పుడు కావాలంటే అప్పుడు కొనడం లేదా విక్రయించడం చేయవచ్చు. అంటే, ఎక్స్ఛేంజీలలో ట్రేడింగ్ సమయంలో ఎప్పుడైనా అమ్మకాలు.. కొనుగోళ్ళు చేయవచ్చు” అని నితిన్ కబాడి చెప్పారు.

గోల్డ్ ఇటిఎఫ్‌లలో పెట్టుబడి పెట్టడం వల్ల కలిగే ప్రయోజనాలు

మరొక ప్రయోజనం ఏమిటంటే, గోల్డ్ ఇటిఎఫ్‌లు అధిక నియంత్రణలో ఉంటాయి. గోల్డ్ ఇటిఎఫ్‌లు ఇండెక్సేషన్ ప్రయోజనాలతో దీర్ఘకాలిక మూలధన లాభం పన్నుకు లోబడి ఉంటాయి కాబట్టి అవి పన్ను సమర్థతను కలిగి ఉంటాయి.

అంతర్జాతీయంగా బంగారంపై పెట్టుబడి పెట్టడానికి గోల్డ్ ఇటిఎఫ్‌లు చాలా మంచి మార్గం. “అంతర్జాతీయంగా బంగారంపై పెట్టుబడి పెట్టడానికి అత్యంత ద్రవ మార్గాలలో ఎక్స్ఛేంజ్-ట్రేడెడ్ ఫండ్స్ ఒకటి. అయితే భారతదేశంలో, 11 లిస్టెడ్ గోల్డ్ ఇటిఎఫ్‌లు ఉన్నాయి. ఈ అసెట్ మోడ్‌లో పెట్టుబడులు తమ వేలికొనలకు సులభంగా లిక్విడిటీని కోరుకునే వారి కోసం మంచి పెట్టుబడి సాధనాలు అని అంజెల్ వన్ లిమిటెడ్, నాన్-అగ్రి కమోడిటీస్ అండ్ కరెన్సీస్ ప్రతినిధి ప్రథమేష్ మాల్యా అన్నారు. .

అయితే, ఎవరైనా గోల్డ్ ఇటిఎఫ్‌లలో పెట్టుబడి పెట్టాలనుకుంటే, వారికి డీమ్యాట్ ఖాతా ఉండాలి. గోల్డ్ ఇటిఎఫ్ SGBకి సమానమైన విలువను అందిస్తుంది, ఎందుకంటే ఇది బంగారం ధరలకు కూడా లింక్ చేశారు. కానీ దీనికి ఎటువంటి నిష్క్రమణ పరిమితులు లేవు. ఈటీఎఫ్ కి డీమ్యాట్ ఖాతా అవసరం కాబట్టి అది చేయవచ్చు. ఇన్వెస్ట్‌మెంట్ ఎలా పని చేస్తుందో అర్థం చేసుకున్న వ్యక్తులు మాత్రమే దీనిని ఉపయోగించుకుంటారు” అని ఇండియాగోల్డ్ సహ వ్యవస్థాపకుడు నితిన్ మిశ్రా అన్నారు.

నిపుణుల నివేదికల ప్రకారం ఈ ఆర్థిక సంవత్సరం మొదటి అర్ధ భాగంలో భారతదేశం బంగారం దిగుమతులు అధిక స్థాయిలో ఉన్నాయి. మేలో చూసిన గరిష్ట స్థాయి నుండి దేశీయ బంగారం ధరలలో 2.7% స్వల్పంగా కరక్షన్ జరిగింది. దేశీయంగా అధిక ఆదాయ వర్గాలలో పెరిగిన గృహ పొదుపులో కొంత భాగాన్ని భౌతిక బంగారంలో పాక్షికంగా మోహరించే అవకాశం ఉంది, ఎందుకంటే ఇది సాంప్రదాయకంగా మహమ్మారి ప్రమాదాలు కొనసాగుతున్న వాతావరణంలో సురక్షితమైన మార్గంగా పరిగణిస్తున్నారు.” అని అక్యూట్ చీఫ్ ఎనలిటికల్ ఆఫీసర్ సుమన్ చౌదరి చెప్పారు.

ఇవి కూడా చదవండి: Online Cheating: మోసపోయిన వారిని మళ్ళీ మోసగించిన ఆన్‌లైన్ ముఠా! వీరి తెలివికి మతి పోతుంది!

Flight Journey: విమాన ప్రయాణంలో ఈ మాట అన్నారంటే మీ పని అవుట్! బ్లాక్ లిస్టులో పెట్టేస్తారు..విమానంలో ఇలా అస్సలు చేయకండి!

Warning to Pakistan: పాకిస్తాన్‌కు ఐఎస్ఐఎస్ ఉగ్రవాదుల వార్నింగ్.. నాశనం చేసేస్తామంటూ ప్రకటన!