Bank Lockers: బ్యాంక్ లాకర్ తాళం పోయిందా? ఇప్పుడేం చేయాలి? కొత్త తాళం ఇస్తారా? పూర్తి వివరాలు..

బ్యాంక్ లాకర్లు.. ఇటీవల కాలంలో అందరూ విరివిగా వినియోగిస్తున్నారు. వ్యక్తుల ఆభరణాలు, విలువైన వస్తువులు, ముఖ్యమైన పత్రాలను భద్రంగా దాచుకునేందుకు ఈ బ్యాంకు లాకర్లను వినియోగిస్తున్నారు. అయితే బ్యాంకులో ఈ లాకర్ ను వినియోగించడానికి నిబంధనలు కాస్త కఠినంగానే ఉంటాయి. మీకు ఇప్పటికే బ్యాంక్ లాకర్ కనుక ఉంటే ఆ ప్రక్రియపై అవగాహన ఉండి ఉంటుంది. లాకర్ ఆపరేషన్‌లో బ్యాంక్ చాలా జాగ్రత్తలు తీసుకుంటుంది.  బ్యాంకులో లాకర్ ను ఉపయోగించే వ్యక్తి ఇన్, అవుట్ సమయాలను సైతం బ్యాంకు రికార్డు చేస్తుంది. అయితే ఖాతాదారుడు లాకర్ కీని సురక్షితంగా ఉంచుకోవాలి. బ్యాంక్ మరో కీని కూడా కలిగి ఉంటుంది. లాకర్‌ను తెరవడానికి, కస్టమర్‌కు అతను కలిగి ఉన్న కీతో పాటు అధీకృత బ్యాంకు ఉద్యోగి వద్ద ఉంచిన మరో కీ అవసరం అవుతాయి. కీలలో ఒకటి లేకపోయినా కస్టమర్ లాకర్‌ను తెరవలేరు. కాబట్టి, లాకర్ కీలను సురక్షితంగా ఉంచడం ముఖ్యంగా. వారు గుర్తుంచుకోగలిగే ప్రదేశంలో ఉంచడం చాలా అవసరం. ఒకవేళ లాకర్ కీ వినియోగదారుడు పోగొట్టుకుంటే ఏం చేయాలి? తిరిగి కొత్త తాళం కావాలంటే ఎటువంటి ప్రక్రియ ఉంటుంది? తెలుసుకుందాం రండి..

లాకర్ కీ పోగొట్టుకుంటే..

ఆగస్ట్ 18, 2021న “బ్యాంకులు అందించిన సేఫ్ డిపాజిట్ లాకర్/సేఫ్ కస్టడీ ఆర్టికల్ ఫెసిలిటీ – రివైజ్డ్ ఇన్‌స్ట్రక్షన్స్” అనే సర్క్యులర్‌లో, రిజర్వ్ బ్యాంక్ ఆఫ్ ఇండియా (ఆర్బీఐ) కస్టమర్ లాకర్ కీని పోగొట్టుకుంటే బ్యాంకులు అనుసరించాల్సిన మార్గదర్శకాలను అందించింది. లాకర్ హోల్డర్ కీని పోగొట్టుకున్నప్పుడు, అతను వెంటనే బ్యాంకుకు తెలియజేయాలి. లాకర్‌లో ఒకటి కంటే ఎక్కువ మంది అద్దెదారులు అంటే జాయింట్ లాకర్ ఉన్నట్లయితే, వారు కోల్పోయిన కీల గురించి సంతకం చేసిన లేఖలో తప్పనిసరిగా బ్యాంకుకు తెలియజేయాలి. అప్పుడు బ్యాంకు కొత్త తాళాలను అందిస్తుంది. లేదా ఇతర ఆప్షన్లను అందిస్తుంది. అయితే లాకర్ యజమానే డూప్లికేట్ కీలు, కొత్త వాల్ట్, సేఫ్‌ని బద్దలు కొట్టడం మొదలైన వాటి కోసం అయ్యే ఖర్చును కూడా భరించాలి. అంతేకాకుండా, భవిష్యత్తులో అది దొరికితే బ్యాంకు కీ తిరిగి ఇవ్వబడుతుందని పేర్కొంటూ లాకర్ హోల్డర్‌ను లేదా జాయింట్ హోల్డర్‌లను బ్యాంక్ సమర్పించమని కోరే అవకాశం ఉంటుంది. లాకర్‌ను తెరిచే సమయంలో అధీకృత బ్యాంకు అధికారితో పాటు, లాకర్ హోల్డర్లందరూ తప్పనిసరిగా ఉండాలి.

ఒకవేళ పగలగొట్టాల్సి వస్తే..

ఒకవేళ డూప్లికేట్ తాళం రాకపోతే.. కొత్త లాకర్ తీసుకోవాల్సి ఉంటుంది. అప్పుడు పాత లాకర్ను పగలగొట్టాల్సి వస్తుంది. అలాంటప్పుడు కొన్ని జాగ్రత్తలు బ్యాంకులు తీసుకుంటాయి. ఆ లాకర్ లోని కంటెంట్ ఇతరులకు బహిర్గతం కాకుండా లాకర్ యజమాని చూసుకోవాల్సి ఉంటుంది. ఆర్బీఐ ఆదేశానుసారం, “బ్రేక్-అప్ లేదా పునరుద్ధరణ ప్రక్రియ సమయంలో లాకర్‌లోని కంటెంట్‌లు లాకర్-హైరర్ కాకుండా ఇతర వ్యక్తులకు బహిర్గతం కాకుండా ఉండేలా కూడా బ్యాంక్ నిర్ధారించాలి. ఫార్మాలిటీలు పూర్తయిన తర్వాత, మీరు కొత్త సెట్ కీలు లేదా కొత్త లాకర్‌ని పొందుతారు. అయితే ఈ చార్జీలు వినియోగదారులే భరించాలి. ఈ చార్జీలు ఒక్కో బ్యాంకుకు ఒక్కో రకంగా ఉంటాయి.

ఇవి కూడా చదవండి

అమల్లోకి కొత్త నిబంధనలు, విదేశాల్లో చదివిస్తున్నపేరెంట్స్‌పై భారం

క్రెడిట్ కార్డు కావాలా? ఇలా సులువుగా పొందొచ్చు..

‘ఎస్బీఐ చాక్లెట్ ప్యాక్’ గురించి తెలుసా? ఇంటికొచ్చి మరీ ఇస్తారు..

మ్యూచువల్ ఫండ్స్‌లో బెస్ట్ ఇదే.. ఏడాదిలో 20శాతం వరకూ రాబడి..

మరిన్ని బిజినెస్ వార్తల కోసం ఇక్కడ క్లిక్ చేయండి..