Honda Activa EV: త్వరలోనే హోండా యాక్టివా ఈవీ లాంచ్.. నయా టీజర్ అదిరిందిగా..!
భారతదేశంలో ఈవీ స్కూటర్ల క్రేజ్ తారాస్థాయికు చేరింది. పెరుగుతున్న పెట్రోల్ ధరల దెబ్బకు సామాన్యులు ఈవీ స్కూటర్ల కొనుగోలుకు ముందుకు రావడంతో టాప్ కంపెనీల నుంచి స్టార్టప్‌ల వరకు ఈవీ స్కూటర్లను లాంచ్ చేస్తున్నాయి. తాజాగా ప్రముఖ కంపెనీ హోండా తన సక్సెస్ మోడల్ అయిన యాక్టివా స్కూటర్‌ను ఈవీ లాంచ్ చేస్తున్నట్లు ప్రకటించింది. అంతే కాకుండా దీనికి సంబంధించి టీజర్ కూడా లాంచ్ చేసింది. ఈ నేపథ్యంలో హోండా యాక్టివా ఈవీ గురించి మరిన్ని వివరాలను తెలుసుకుందాం.
Srinu |
Updated on: Nov 16, 2024 | 6:30 PM
హోండా కంపెనీ భారతదేశంలో తన మొట్టమొదటి ఆల్-ఎలక్ట్రిక్ స్కూటర్‌ను ఆవిష్కరించేందుకు చర్యలు తీసుకుంటుంది. హోండా కంపెనీ ఈ స్కూటర్ గురించి కొన్ని కొత్త వివరాలను వెల్లడిస్తూ టీజర్ వీడియోను షేర్ చేసింది. ఈ టీజర్లో కొత్త యాక్టివా ఈవీకు సంబంధించిన హెడ్‌లైట్‌ను ప్రదర్శిస్తుంది. ఇది యాక్టివా ఐసీఈలో కనిపించే హెడ్‌లైట్‌ని పోలి ఉంటుంది. ఇందులో సొగసైన ఎల్ఈడీ యూనిట్ ఉంది. అయితే హెడ్‌లైట్ ఎత్తులో ఉంచారు. దాని కింద హోండా బ్యాడ్జ్ ఉంచారు. ఈ టీజర్లో ఇతర విషయాలను వెల్లడించనప్పటికీ మరిన్ని వివరాలు త్వరలో ప్రకటించే అవకాశం ఉందని నిపుణులు చెబుతున్నారు.
హోండా యాక్టివా స్కూటర్‌పై అంచనాలివే
హోండా ఎలక్ట్రిక్ యాక్టివా ఐసీఈ మోడల్‌లో ఉన్న అదే ప్లాట్‌ఫారమ్‌లో నిర్మించే అవకాశం ఉంది. ఖర్చులను నిర్వహించగలిగేలా చేయడానికి కొన్ని ట్వీక్‌లు ఉన్నాయి. బ్యాటరీ ప్యాక్, మోటార్లకు సరిపోయేలా ఈ మార్పులు చేస్తారని అంచనా వేస్తున్నారు. ఇది పెట్రోల్-ఆధారిత వెర్షన్‌తో పోలిస్తే కొంచెం ఎక్కువ బరువును జోడిస్తుంది. ఎలక్ట్రిక్ యాక్టివా దాదాపు 100కిమీ పరిధితో ఐసీఈ వెర్షన్‌కు సమానమైన పనితీరును అందిస్తుంది. ఇది టెలిస్కోపిక్ ఫోర్క్స్, మోనోషాక్ రియర్ సస్పెన్షన్, ఆల్-ఎల్ఈడీ లైటింగ్, డిస్క్ బ్రేక్‌లను కలిగి ఉంటుంది. హోండా యాక్టివా బజాజ్ చేతక్, ఓలా ఎస్1, ఏథర్ 450, టీవీఎస్ ఐక్యూబ్‌తో సహా మార్కెట్‌లోని ఇతర ఎలక్ట్రిక్ స్కూటర్‌లకు గట్టి పోటీనిస్తుంది.
మరిన్ని బిజినెస్ వార్తల కోసం ఇక్కడ క్లిక్ చేయండి
