EV Scooter: రూ.10 వేలకే యాక్టివా ఈ-స్కూటర్.. అదిరే ఆఫర్ ప్రకటించిన హోండా
పెరుగుతున్న పెట్రోల్ ధరల దెబ్బకు భారతదేశంలోని ప్రజలు ఎలక్ట్రిక్ వాహనాలను వాడుతున్నారు. ముఖ్యంగా ఎలక్ట్రిక్ స్కూటర్లను అధికంగా వినియోగిస్తున్నారు. దీంతో టాప్ కంపెనీల నుంచి స్టార్టప్ కంపెనీ వరకు ఇటీవల కొత్త ఈవీ స్కూటర్లను లాంచ్ చేస్తున్నారు. ఈ నేపథ్యంలో ప్రముఖ కంపెనీ హోండా కూడా యాక్టివా-ఈ పేరుతో కొత్త ఈవీ స్కూటర్ను లాంచ్ చేసింది. తాజాగా ఈ స్కూటర్ను కేవలం రూ.10 వేలకు అందించేలా హోండా కంపెనీ సూపర్ ఆఫర్ ప్రకటించింది. ఈ నేపథ్యంలో హోండా యాక్టివా ఈ-స్కూటర్పై ఉన్న ఆఫర్ల గురించి మరిన్ని వివరాలను తెలుసుకుందాం.
Updated on: May 16, 2025 | 2:59 PM
యాక్టివా-ఈ ఈవీ స్కూటర్ అధునాతన ఫీచర్లతో రూపొందించారు. పట్టణ ప్రాంత ప్రయాణాలకు మంచి శ్రేణిని అందించే ఈ స్కూటర్ దేశీయ మార్కెట్లో దీని ధర రూ.1.17 లక్షలు (ఎక్స్-షోరూమ్, ఢిల్లీ)గా ఉంది. అయితే ఈ స్కూటర్ను కేవలం రూ.10 వేల డౌన్ పేమెంట్ చెల్లించడం ద్వారా కస్టమర్లు హోండా యాక్టివా–ఈ అఫర్డబుల్ స్కూటర్ను పొందవచ్చని హోండా కంపెనీ ప్రతినిధులు చెబుతున్నారు. హోండా యాక్టివా ఈ ఆన్ రోడ్ ధర ఢిల్లీలో దాదాపు రూ.1.46 లక్షలుగా ఉంది. ఇందులో ఎక్స్-షోరూమ్ ధరతో పాటు ఆర్టీఓ ఛార్జీలు, బీమా మొత్తం కూడా ఉన్నాయి. అయితే ఇప్పుడు హోండా యాక్టివా-ఈ కొనడానికి డౌన్ పేమెంట్గా రూ. 10,000 డిపాజిట్ చేస్తే మిగిలిన రూ. 1.36 లక్షలను బ్యాంకు నుంచి రుణం మంజూరు చేస్తారు. మీ క్రెడిట్ రికార్డ్తో పాటు సిబిల్ స్కోరు బాగుంటే మీరు బ్యాంకు నుండి 9 శాతం వార్షిక వడ్డీ రేటుకు రుణం పొందవచ్చు.
నెలకు రూ.4 వేల ఈఎంఐ పేమెంట్తో మీరు 36 నెలలు కట్టాల్సి ఉంటుంది. అంటే మీరు దాదాపు రూ. 20 వేలు వడ్డీగా చెల్లించాల్సి ఉంటుంది. అయితే మీరు ఢిల్లీలో ఈవీ కొనుగోలుపై ప్రభుత్వం అందించే వివిధ సబ్సిడీల కింద డిస్కౌంట్లను కూడా పొందవచ్చు. హోండా యాక్టివా ఎలక్ట్రిక్ స్కూటర్ 1.5 కేడబ్ల్యూ రెండు రిమూవబుల్ లిథియం-అయాన్ బ్యాటరీలతో వస్తుంది. కాబట్టి మొత్తం 3 కేడబ్ల్యూహెచ్ సామర్థ్యాన్ని అందిస్తుంది. ఒక్కసారి ఛార్జ్ చేస్తే 102 కి.మీ వరకు ప్రయాణించవచ్చని కంపెనీ పేర్కొంది.
యాక్టివా-ఈ ప్రామాణిక హోమ్ ఛార్జర్తో 4-5 గంటల్లో ఛార్జ్ అవుతుంది. దీంతో పాటు హోండా యాక్టివా ఎలక్ట్రిక్ కోసం ఎక్స్చేంజ్ బ్యాటరీ సౌకర్యాన్ని కూడా అందిస్తుంది. హోండా యాక్టివా ఎలక్ట్రిక్ గరిష్ట వేగం గంటకు 80 కి.మీ. ఇందులో ఎకాన్, స్టాండర్డ్, స్పోర్ట్స్ వంటి మూడు రైడింగ్ మోడ్లు కూడా ఉన్నాయి. హోండా యాక్టివా ఇ స్మార్ట్ఫోన్ కనెక్టివిటీ, నావిగేషన్, కాల్/ఎస్ఎంఎస్ అలెర్ట్స్, మ్యూజిక్ ప్లేబ్యాక్, బ్యాటరీ స్టేటస్ అప్డేట్స్తో 7-అంగుళాల టీఎఫ్టీ డిస్ప్లేతో వస్తుంది. అలాగే స్మార్ట్ కీ, ఎల్ఈడీ హెడ్ల్యాంప్, డీఆర్ఎల్, డైమండ్-కట్ అల్లాయ్ వీల్స్, డిస్క్ బ్రేక్ (ముందు), డ్రమ్ బ్రేక్ (వెనుక) వంటి ఫీచర్లు అందుబాటులో ఉన్నాయి.
మరిన్ని బిజినెస్ వార్తల కోసం ఇక్కడ క్లిక్ చేయండి
