EPF Account: ఉద్యోగం మారారు సరే.. పీఎఫ్ ఖాతాను ట్రాన్స్‌ఫర్ చేశారా? చేయకపోతే నష్టపోతారు.. ఇలా ఈజీగా చేసేయండి..

ఉద్యోగుల పదవీవిరమణ అవసరాల కోసం కేంద్ర ప్రభుత్వం ప్రవేశపెట్టిన వ్యవస్థ ఎంప్లాయీస్ ప్రావిడెంట్ ఫండ్(ఈపీఎఫ్). దీనిని ఎంప్లాయీ ప్రావిడెంట్ ఫండ్ ఆర్గనైజేషన్(ఈపీఎఫ్ఓ)  నిర్వహిస్తుంది. ఉద్యోగి, అలాగే ఉద్యోగికి జీతం ఇచ్చే సంస్థ ఇద్దరూ ఉద్యోగి బేసిక్ శాలరీతో పాటు డియర్ నెస్ అలోవెన్స్ నుంచి 12శాతం ఈఫీఎఫ్ గా చెల్లించాల్సి ఉంటుంది. దీనిపై వచ్చే మొత్తానికి పన్ను రాయితీ ఉంటుంది. అంతేకాక ఎంప్లాయీ కంట్రిబ్యూషన్ ఎటువంటి పెనాల్టీ లేకుండా విత్ డ్రా చేయొచ్చు. కానీ విత్ డ్రా చేయకుండా ఉంటే ఉద్యోగి రిటైర్ అయినప్పుడు అసలుతో పాటు వడ్డీ కూడా కలిసి పెద్ద మొత్తంలో నగదు వచ్చే అవకాశం దీని ద్వారా కలుగుతుంది.

అయితే ప్రైవేటు ఉద్యోగులు కొన్ని విషయాల్లో జాగ్రత్తగా వ్యవహరించాలి. లేకుంటే వారు చాలా నష్టపోయే అవకాశం ఉంటుంది. సాధారణంగా ప్రైవేటు ఉద్యోగులు సంస్థలు మారుతుంటారు. అలా మారినప్పుడు తప్పనిసరిగా ఈపీఎఫ్ ని ట్రాన్స్ ఫర్ చేయించుకోవాల్సి ఉంటుంది. లేకపోతే ఇబ్బందులు తప్పవు.

యాడ్ చేయకపోతే ఏమవుతుంది..

మీరు సంస్థ మారినప్పుడు తప్పనిసరిగా ఈపీఎఫ్ ఖాతాను కూడా ట్రాన్స్ ఫర్ చేసుకోవాల్సి ఉంటుంది. లేకపోతే నష్టపోయే అవకాశం ఉంటుంది. అదెలాగో చూద్దాం.. మీరు కంపెనీ మారిన తర్వాత కూడా ఈపీఎఫ్ ఖాతాను అలాగే వదిలేస్తే అప్పటి వరకూ జమైన నగదుపై వడ్డీ వస్తూనే ఉంటుంది. కానీ నెల నెలా కంట్రిబ్యూషన్ అకౌంట్ యాడ్ కాకపోవడం వల్ల మీకు వచ్చే వడ్డీపై పన్ను పడుతుంది. అలాగే నెలనెలా ఈపీఎఫ్ ఖాతాలో నగదు జమకాని కారణంగా పెన్షన్ బెనిఫిట్ కూడా తగ్గిపోతుంది. మొత్తంగా మీరు పీఎఫ్ ఖాతాను ట్రాన్ ఫర్ లేదా మెర్జ్ చేయని కారణంగా వడ్డీ కోల్పోవడంతో పాటు రిటైర్ మెంట్ బెనిఫిట్స్ కూడా కోల్పోతారు.

ఇవి కూడా చదవండి

Education Loan: అతి తక్కువ వడ్డీతో ఈజీగా విద్యారుణం కావాలా? అయితే ఈ టిప్స్ ఫాలో అవ్వండి చాలు..

Credit Card: క్రెడిట్ కార్డు ఎలా వాడాలి? ఇవి తెలుసుకోకపోతే చాలా నష్టపోతారు..

Apple iPhone: యాపిల్ ఐఫోన్ కావాలా నాయనా.. మీ కలను నెరవేర్చుకునేందుకు రోజుకు రూ. 73 చాలు..

ఇలా ఈపీఎఫ్ ఖాతాలను ట్రాన్స్ ఫర్ చేయొచ్చు..

• మొదటిగా మీరు మీ ఈపీఎఫ్ అకౌంట్ లోకి యూఏఎన్, పాస్ వర్డ్ వినియోగించి లాగిన్ అవ్వాలి.
• ఆ తర్వాత ఆన్ లైన్ సర్వీసెస్ సెక్షన్ లోకి వెళ్లి వన్ మెంబర్-వన్ ఈపీఎఫ్ అకౌంట్(ట్రాన్స్ ఫర్ రిక్వెస్ట్) ఆప్షన్ ను ఎంపిక చేసుకోవాలి.
• ప్రస్తుతం ఉన్న పీఎఫ్ అకౌంట్ వివరాలు క్షుణ్ణంగా తనిఖీ చేయాలి.
• ఆ తర్వాత గెట్ డీటైల్స్ అనే ఆప్షన్ క్లిక్ చేసి మీ పాత సంస్థ వద్ద ఉన్న పీఎఫ్ అకౌంట్ వివరాలు సరిచూసుకోవాలి.
• ఆ తర్వాత ట్రాన్స్ ఫర్ క్లెయిమ్ ఫారంను ఓపెన్ చేసి దానిలో ప్రస్తుత సంస్థ వివరాలతో పాటు మీ యూఏఎన్, ఇతర వివరాలు ఎంటర్ చేయాలి.
• ఆ తర్వాత గెట్ ఓటీపీని క్లిక్ చేయాలి. అప్పుడు మీ రిజిస్టర్డ్ ఫోన్ నంబర్ కు ఓ ఓటీపీ వస్తుంది. దానిని ఎంటర్ చేసి సబ్ మిట్ కొట్టాలి.
• ఈ ఫారం డౌన్ లోడ్ చేసుకొని సెల్ఫ్ ఎటాస్ట్ చేసి ప్రస్తుత సంస్థకు అందజేయాలి. ఆ సంస్థకు కూడా ఆన్ లైన్ ఈపీఎఫ్ ట్రాన్స్ ఫర్ రిక్వెస్ట్ వస్తుంది.
• సంస్థ వారు ఆన్ లైన్ రిక్వెస్ట్ ను అప్రూవ్ చేయాల్సి ఉంటుంది. వారు అప్రూవ్ చేయగానే కొత్త ఎంప్లాయర్ గా మీరు ఎన్నుకున్న సంస్థ కనిపిస్తుంది.

మరిన్ని బిజినెస్ వార్తల కోసం ఇక్కడ క్లిక్ చేయండి..