చరిత్ర సృస్టించిన HAL, L అండ్‌ T..! నింగిలోకి దూసుకెళ్లేందుకు సిద్ధమైన మొట్టమొదటి స్వదేశీ రాకెట్‌!

భారత అంతరిక్ష చరిత్రలో ఒక కొత్త, కీలకమైన అధ్యాయం యాడ్‌ అయింది. ఇప్పటివరకు మనం ఇస్రోను రాకెట్ ప్రయోగాలకు కేంద్రంగా మాత్రమే చూశాం.. కానీ అది మారబోతోంది. భారతదేశంలోని ప్రముఖ కంపెనీలైన హిందుస్తాన్ ఏరోనాటిక్స్ లిమిటెడ్ (HAL), లార్సెన్ అండ్‌ టూబ్రో (L&T) కలిసి చరిత్ర సృష్టించడానికి సిద్ధంగా ఉన్నాయి. ఈ కన్సార్టియం భారతదేశపు మొట్టమొదటి PSLV రాకెట్‌ను అభివృద్ధి చేసింది.

HAL, L&T అభివృద్ధి చేసిన ఈ మొదటి రాకెట్ వచ్చే ఏడాది ప్రారంభంలో లాంచ్ ప్యాడ్‌లో ఉంటుంది. దీని మొదటి లక్ష్యం ఓషన్‌శాట్ ఉపగ్రహాన్ని కక్ష్యలోకి ప్రవేశపెట్టడం. రాకెట్ హార్డ్‌వేర్ డెలివరీ ఇప్పటికే ప్రారంభమైందని L&T సీనియర్ అధికారి A.T. రామచందాని అన్నారు. రాబోయే సంవత్సరంలో ఇలాంటి రెండు నుండి మూడు ప్రధాన ప్రయోగాలను మనం చూడగలమని భావిస్తున్నారు.

2022లో ఇస్రో ఐదు PSLV-XL రాకెట్లను నిర్మించడానికి HAL, L&T కన్సార్టియంతో ఒప్పందం కుదుర్చుకుంది. తయారీ బాధ్యతలను పరిశ్రమకు అప్పగించాలనే ఇస్రో ప్రణాళికలో ఈ ఒప్పందం భాగం. ఇండియన్ స్పేస్ అసోసియేషన్ చైర్మన్ కూడా అయిన రామచందాని మాట్లాడుతూ.. ఉపగ్రహాలకు డిమాండ్ వేగంగా పెరుగుతోందని చెప్పారు. ఈ ఐదు రాకెట్ల తర్వాత, కన్సార్టియం మరో 10 నిర్మించే పనిని చేపట్టే పరిస్థితి ఏర్పడింది. భారతదేశ ప్రైవేట్ కంపెనీలు ప్రయోగ క్రీడలోకి ప్రవేశిస్తున్నాయని ప్రపంచం తెలుసుకుంటున్నందున, భారతదేశం, విదేశాల నుండి అనేక కంపెనీలు ముందుకు వస్తున్నాయి.

మరిన్ని బిజినెస్‌ వార్తల కోసం ఇక్కడ క్లిక్‌ చేయండి